Vísir - 24.10.1962, Blaðsíða 3
Um þessar mundir er Bridge-
félag Reykjavíkur 20 ára. í þvi
tilefni hefur stjóm þess boðið
hingað til kepþni sveit hollenzkra
úrvalsspilara. Munu þeir dveljast
hér í tíu daga og etja að kappi
við beztu bridgemenn Reykvík-
inga. Hollenzka sveitin er undir
forystu hins kunna bridgesér-
fræðings Herman Filarski. Fil-
arski er 49 ára að aldri. Hann
byrjaði að skrifa um bridge árið
1930 og hefur gert það síðan. Ár-
ið 1937 gekk hann í herinn og á
styrjaldarárunum 1940 — 45 var
hann tvisvar sinnum handtekinn
af Þjóðverjum en flýði í bæði
skiptin. Úr hernum gekk hann
árið 1947 og sneri sér þá að
blaðamennsku. Nú er hann einn
af ritstjórum „Elsevier Week-
blad“ stærsta vikublaðs Hollands
(gefið út í 120.000 eintökum). rit-
stjóri bridgeblaðs hoilenzka
bridgesambandsins bg skrifar auk
þess greinar um bridge f 17 hol-
lenzk dagblöð. Filarski hefur
unnið mörg landsmót i Hollandi
og einnig margar alþjóðatví-
menningskeppnir. Siðasti stórsig-
ur hans var á alþjóðamótinu i
Juan les Fins í Frakklandi, sem
haldið var í s.l. maímánuði en þá
sigraði sveit hans sveitakeppnina.
Filarski hefur einnig margoft
stjórnað Evrópumótum í bridge
og einnig verið- keppnisstjóri í
heimsmeistarakeppnunum. Grein-
ar Filarski um bridge eru lesnar
f flestum löndum heims og vin-
sældir þeirra byggjast að miklu
leyti á því, að leitast við að lýsa
persónunum frekar en hinni
þurru teóríu spilsins.
Makker Filarski er George
Lengyell, 51 árs að aldri, fæddur
Ungverji en nú hollenzkur ríkis-
borgari. Hann bjó um árabil
í Hollenzku Indíum, fyrst sem
ríkisstarfsmaður og seinna gerð-
ist hann verzlunarmaður. Núna
býr hann í London og stundar
stórverzlun með frímerki. Leng-
yell- var bezti spilarinn í Hol-
ienzku Indíum og seinna einn af
þeim beztu í Hollandi. Hann hef-
ur alloft spilað í hollenzka lands-
liðinu og unnið mörg Hollands-
mót í sveit með Cats, Goud-
smith o .fl. Lengyell hefur mikla
ánægju af rúbertubridge, sem
hann spilar reglulega við alla
beztu spilara Englands. Hann
trúir ekki á nýtízku sagnaðferðir
og eitt af máltækjum hans er:
„Það er erfiðara að spila góðan
bridge, heldur en að hafa mýgrút
af sagnaðferðum".
Bob Slavenburg, sem er 46 ára
að aldri, hefur verið nefndur
„Hrói Höttur“ 1 hollenzka bridge-
heiminum. Hann er mjög góður
spilamaður og eins og Lengyell
er hann á móti nýtízku sagnað-
ferðum. Hann hefur unnið mörg
verðlaun í alþjóðakeppnum og
einnig verið Hollandsmeistari í
tvímennings- og sveitakeppni.
Hann er af öllum álitinn mjög
hættulegur spilari (ekki alltaf
fyrir andstæðinga sína) og hefur
mjög gott stöðumat. Hann er
einnig vel þekktur fjárhættuspil-
ari og ennþá hefur sú bit ekki
verið fundin upp, sem hann ekki
spilar. Hann flýgur oft um helg-
ar til Parísar eða London til þess
að komast í gott bridgepartí.
í daglega lífinu er Slavenburg í
tekaupmennsku, sem hann stund-
ar í Rotterdam.
Yngsti maður liðsins er Hans
Kreyns, 34 ára að aldri. Hann
hefur haft hið erfiða hlutverk að
vera makker Slavenburgs, en á
síðustu árum hefur „nemandinn"
orðið jafn sterkur spilamaður og
kennari hans. Hann hefur unnið
mörg stórmót i Hollandi. Hann
hefur líkan spilastíl og Slaven-
burg, spilar hratt og hefur gott
stöðumat.
Fyrsti leikur Hollendinganna
verður borgarleikur og hefst hann
á fimmtudagskvöldið kl. 20 í
Klúbbnum við Lækjarteig. Sá
leikur verður 64 spil og verður
seinni helmingur hans spilaður á
mánudagskvöldið. Að hálfu
Reykjavíkur spila Ásmundur
Pálsson, Hjalti Elíasson, Agnar
Jörgensson, Róbert Sigmundsson,
Jóhann Jónsson og Stefán Guð-
johnsen. Fyrirliði án spila-
mennsku verður forseti Bridge-
sambands Islands, Júlíus Guð-
mundsson.
Á laugardagseftirmiðdag er
tvímenningskeppni, sem haldin
verður í Félagsheimili Kópavogs.
Tvímenningskeppnin heldur svo
áfram á sunnudag og verða þann
dag spilaðar tvær umferðir.
Á mánudagskvöldið verður
seinni hluti borgarleiksins. Á
þriðjudagskvöldið spila bikar-
meistararnir, sveit Agnars Jörg-
ensonar, við þá og hefst sá leikur
kl. 20. Síðasti leikur Hollending-
anna er svo á miðvikudagskvöld-
ið en þá mæta þeir íslandsmeist-
urunum, sveit Einars Þorfinns-
sonar.
Allir leikir Hollendinganna
verða að sjálfsögðu sýndir á raf-
magnssýningartöflunni, sem
Hjalti Elíasson hefur smíðað.
Tafla þessi er ljósatafla með spil-
unum á og auðveldar hún áhorf-
endum að fylgjast með gangi
spilsins.
MYNDIRNAR:
Efst til vinstri er Bob Slaven-
burg við spilaborðið. Efri mynd 1
miðju er af George Lengyell, en
sú neðri af fyrirliðanum Her-
man Filarski. Myndin til hægri
er frá Evrópumótinu í Palermo
1959. Þar eru frá vinstri: Filarski,
Jan Hcidstra, aðdáandi, sem fylg-
ir sveitinni til íslands, og Bob
Slavenburg fyrir miðju. Neðsta
myndin sýnir úrvalslið Reykja-
víkur talið frá vinstri: Jóhann
Jónsson, Stefán Guðjohnsen, Ró-
bert Sigmundsson, Júlíus Guð-
mundsson, fyrirliði án spila-
mennsku, Hjalti Eliasson, Agiiar
Jörgensson, Ásmundur Pálsson.