Vísir - 01.06.1963, Blaðsíða 7
VÍSIR . Laugardagur 1. júní 1963.
7
Síðustu Sinfóníutónleikarnir
J^okahljómleikar Sinfóníu-
hljómsveitarinnar á þessu
starfsári fóru fram í samkomu-
húsi Háskólans föstudaginn 24.
þ. m. Efnisskrá þeirra var ó-
venju viðamikil, miðað við það
sem á undan var gengið. Hún
hófst á forleiknum að Meistara-
söngvurunum eftir Wagner,
sem vitaskuld er glæsilegur,
og reyndar svo skemmtilega
gerður, að það væru dauðir
menn sem ekki legðu sig fram
við flutning hans. Hljómsveitin
og stjórnandinn, Mr. Strick-
land, komu honum allvel til
skila, þó meiri blæbrigðamunur
hefði verið ákjósanlegur.
Walther von Stolzing og Bleck-
messer hefðu sem sé mátt njóta
sín meir, hvor með sfnu Iagi.
En flestar nótur komu á réttum
stað, og er það altént góðs
viti. Amerfski organleikarinn
Power Biggs lék þá einleiks-
hlutverkið í heldur rislágum
konsert eftir Poulenc. Fram-
kvæmdi hann þau ósköp á raf-
magnsorgvél, eftir sem mér
skilst þá sömu og Akureyringar
Iosuðu sig við fyrir skömmu,
og þóttust góðir. Er ekki annars
furðulegt, að í húsi, sem manni
er sagt að sé fyrst og fremst
hugsað sem konserthús, hafi
algjörlega gleymzt að gera ráð
fyrir pípuorgeli? Já, það eru
annars margir slæmir gallar á
þessu blessaða húsi. Einn sá
versi er þó hvemig útidyrum
er fyrir komið. Enda fékk mað-
ur illa að kenna á því á um-
ræddum hljómleikum, því börn
að leik fyrir utan létu höggin
dynja á hurðunum. Varð af því
talsverður hávaði, f það
minnsta í eyrum þeirra sem
framarlega sátu, og sérlega
truflandi meðan Poulenc-verkið
var leikið, enda fátt þar á ferð
til að draga athygli manns frá
þessu. Mr. Power Biggs virtist
hins vegar sætta sig við allar
aðstæður og lék Iangt og mikið
aukalag á maskínuna. Telst það
vel af sér vikið, og sannar að
hann lætur sér ekki allt fyrir
brjósti brenna. Symfónía nr. 4
eftir Brahms var þá leikin að
Ioknu hléi. Ekki verður sagt að
flutningur hennar hafi verið
glæsilegur, ekki sízt ef tekið
er með í reikninginn að hér var
um að ræða gamlan kunningja
hljómsveitarinnar. En hann
gekk stórslysalaust, og var þar
með létt miklu fargi af öllum
viðstöddum.
Hljómleikar T ónlistarskólans
rJ'ónlistarskólinn í Reykjavík
hefur að undanfömu sýnt
borgurum þessa bæjar, að starF
hans fer vaxandi. Hann nálgast
óðum að verða sú tónmennta-
stofnun sem ómissandi telst í
hverju menningarþjóðfélagi nú-
tfmans, þ. e. skóli sem getur
veitt nemendum sínum full-
kominn undirbúning alvarlegs
starfs., Hefur þetta komið fram
í ótalmörgu, sem of langt yrði
upp að telja að þessu sinni. En
áþreifanlegasta og skýrasta
dæmið eru hinir glæsilegu
nemendatónleikar, sem skólinn
hefur haldið upp á síðkastið.
Ber fyrst að geta hljömleika
nemendahljómsveitarinnar, und-
ir stjðrn hins stórmerka fram-
herja hljóðfæralistar hér,
Björns Ólafssonar konsert-
meistara. Fóru þeir fram í sam-
komuhúsi Háskólans og voru
þar eingöngu flutt verk eftir
Mozart: lítil strengjasinfónía.
kafli úr fiðlukonsert (A-dúr) og
hinn óviðjafnanlegi píanókon-
sert í c-moll, og sýndi frammi-
staða hljómsveitarinnar og
hinna talenteruðu einleikara, að
kennsla á strengjahljóðfæri og
pfanó er að minnsta kosti í
fullkomnu lagi. Hins vegar
skortir enn talsvert á, að blást-
ursdeildin standi í stykkinu
(blásarar voru flestir úr sin-
fóníuhljómsveitinni) og er sér-
staklega tilfinnanlegt, að ekki
skuli enn hafa komið boðlegur
hornleikari frá skólanum. Eftir
sem mér skilst hefur þó starfað
hornkennari við skólann síðast-
liðin tíu ár, og er þvi kominn
tími til að taka þetta rækilega
til athugunar.
‘C'inleikararnir á fyrrnefndum
hljómleikum voru báðir
stúlkur, Katrín Guðmundsdóttir
á fiðlu og Helga Ingólfsdóttir
á píanó. Helga var eini nem-
andinn sem lauk burtfararprófi
þetta ár, og gekkst skólinn fyr-
ir sérstökum hljómleikum
hennar í því tilefni. Þeir fóru
fram f Tónabíói s.l. mánudag
fyrir fullu húsi áheyrenda.
Efnisskrá þeirra var svo sann-
arlega ekki með neinum byri-
endabrag: ítalski konsertinn
eftir Bach, Sónata op. 31 nr
2 eftir Beethoven, Pour le Piano
eftir Debussy, noktúrna og tvær
etýður eftir Chopin, og að lok-
um hin þrælerfiða þriðja sónata
Prokoffíevs. Öll þessi verkefni
Ieysti Helga með mikilli prýði,
þrátt fyrir eðlilegan tauga-
óstyrk og ofkeyrslu hins óvana
Iistamanns. Sérstaklega fannst
undirrituðum mikið koma til ó-
venju næmrar tóntilfinningar í
leik á verki Debussy og ekki
síður Beethovensónötunni, sem
þrátt fyrir smávægileg og í
fyllsta máta eðlileg mistök var
mjög eftirminnilega leikin. Són-
ötu Prokoffievs, sem er raunar
heldur innihaldslítið en þó
spennandi og glæsilegt verk, í
það minnsta á yfirborðinu, lék
Helga með þeim knýjandi
virtuósbrag sem við átti, og
sannaðist á þvf, að hún er ekki
nemandi Rögnvaldar Sigurjóns-
sonar fyrir ekki neitt. Með
brautskráningu hennar hækkar
álit skólans að miklum mun.
Skulum við þó vona að hér
verði ekki staðar numið, held-
ur megi vænta enn stórfelldari
framfara á öllum sviðum.
JCyrir einstakan aulaskap und-
irritaðs fóru þriðju nem-
endatónleikarnir algjörlega
framhjá honum. Þeir voru
haldnir í Tónabíói á sunnudag-
inn var, og hefur þar eflaust
verið margt fróðlegt á ferð.
Leifur Þörarinsson.
Frá aðalfundinuni.
Fundur vinnuveitendu
Aðalfundur Vinnuveitendasam-
ands fsl. hófst í fyrradag að Hótel
Sögu. Fulltrúar eru um 100. For-
maður sambandsins Kjartan Thors
setti fundinn og stjórnaði honum.
Fundarritari var Halldór H. Jóns-
son arkitekt. Áður en fundur hófst
minntist formaður Skúla Thorar-
sen framkvæmdastjóra, er andað-
ist 1. janúar s.l., en hann átti lengi
sæti í stjórn vinnuveitendasam-
bandsins. Þá minntist formaður Jó-
hanns Hennings Havsteens, sem
lengi var starfsmaður samtakanna,
en hann andaðist 23. iúlí 1962. Risu
fundarmenn úr sætum í virðingu
við minningu hinna látnu.
Formaður talaði nokkuð um við-
horf vinnumarkaðarins og þá
benslu sem þar væri. Þá ræddi
hann um að nú hefði öllum gild-
andi kaup- og kjarasamningum við
verkalýðsfélögin verið sagt upp.
Verkfall væri hafið hjá skipasmið-
um, verkfall flugmanna boðað 4.
iúní n. k. og yfirhöfuð væri órói
á vinnumarkaðinum þrátt fyrir
meiri atvinnutekjur starfsfólks en
nokkru sinni fyrr.
Að lokinni ræðu formanns flutti
framkvæmdastjóri sambandsins,
Björgvin Sigurðsson hdl., ýtarlega
skýrslu um starfsemina á s. 1. starfs
ári. Kom hann víða við og sýndi
skýrsla hans hversu yfirgripsmikil
starfsemi Vinnuveitendasambands-
ins nú er og á hve mörgum svið-
um það lætur til sín taka. Meðal
annars hefur það hönd í bagga með
nær öllum kaup og kjarasamning-
um, sem gerðir eru við stéttarfélög
í landinu. Eru félagsdeildir þess nú
21 og um 850 félagsmenn.
Eftir að reikningar höfðu verið
lesnir upp og samþykktir, fór fram
stjórnarkosning. Var ákveðið að 39
menn yrðu í stjórn næsta starfsár,
en sem næst einn þriðji stjórnar-
manna ganga úr stjórninni á ári
hverju. Þessir áttu að ganga úr
stjórn:
Árni Brynjólfsson rafvirkjameist
ari, Elías Þorsteinsson fram-
kvæmdastjóri, Guðjón Teitsson
framkvæmdastióri, Guðmundur Vil
hjálmsson fyrrverandi framkvæmda
stjóri, Ingólfur Flygenring fram-
kvæmdastjóri, Ingvar Vilhjálmsson
útgerðarmaður, Jón Árnason fram
kvæmdastjóri, Jón Bergsteinsson
múrarameistari, Jón H. Bergs fram
kvæmdastjóri, Jónas Jónsson fram
kvæmdastjóri, Kjartan Thors fram-
kvæmdastjóri, Ólafur H. Jónsson
framkvæmdastjóri, Örn O. Johnson
framkvæmdastjóri. Þessir menn
voru allir endurkjörnir í stjórnina
til næstu þriggja ára. Og auk þess
Vilhjálmur Jónsson framkvæmda-
stjóri.
Endurskoðendur voru endurkjörn
ir Oddur Jónsson framkvæmdastj.
og Jón E. Ágústsson málarameist-
ari. Varaendurskoðandi var endur-
kjörinn Guðmundur Halldórsson
húsasmíðameistari. Þá var gengið
til nefndakosninga og kosið í alls-
herjarnefnd, verðlagsnefnd, fræðslu
nefnd, iðnaðarmálanefnd, skatta-
málanefnd og félagsmálanefnd.
Fundi var síðan frestað til kl. 10
í dag, en þá hófst fundur aftur með
því að Gústaf E. Pálsson borgar-
verkfræðingur flutti erindi um verk
stjórafræðslu.
Kl. 5 í gær voru fulltrúar boðn-
ir til Emils Jónssonar félagsmála-
ráðherra.
Óðinsfélagar
Málfundafélagið Óðinn .íinnir
meðlimi sína á stærsta og glæsi
leg;.;ta happdrættið, sem Sjálf-
stæðisflokkurinn hefur efnt til
vegna starfsemi sinnar og skor-
ar á þá að gera skil við fyrsta
tækifæri. Aðeins 4 dagar eru þar
til dregið verður. Skrifstofa
Sjálfstæðisflokksins verður opin
frá kl. 9—22 daglega.
TILKYNNING
Frá 1. júm lengist afgreiðslutími / Langholtsútibúi bankans að
Langholtsvegi 43 og verður það framvegis opið til afgreiðslu
alla virka daga:
Kl. 10 - 15 og kl. 17 - 18,30,
nemo Bougnrdaga kl. 10 - 12,30
Landsbanki íslands