Vísir - 01.06.1963, Blaðsíða 9
VlSIR . Laugardagur 1. júnl 1963,
9
STORBÆTT AÐSTAÐA
Álrt forystumanna
atvinnulifsins
— Á árum vinstri stjórnar-
innar háöum við harða bar-
áttu við stjórnarvöldin um
Ieyfi til að flytja inn bifreiðar
og fyrir Iækkun á leyfisgjöldum
á þeim. Stjórnarvöldin sögðu
að gjaldeyririnn væri ekki til
fyrir öðrum bifreiðum en rúss-
neskum. En bílstjórar höfðu
sama sem engan áhuga á slík-
um bifreiðum. Endurnýjanir á
atvinnutækjum okkar urðu því
sáralitlar. Nú gegnir allt öðru
máli. Síðustu þrjú til fjögur ár-
in hafa aðflutningsgjöldin ver-
ið Iækkuð í áföngum og inn-
flutningur bifreiða er orðinn
frjáls. Veruleg endurnýjun hef-
ur átt sér stað, aðstaða bif-
reiðarstjóra hefur þvi batnað til
stórra muna.
Þannig fórust Bergsteini
Guðjónssyni, formanni Bifreiða-
stjórafélagsins Frami m. a. orð
I stuttu viðtali sem Visi átti
við hann um málefni leigubif-
reiðastjóra.
— Hvenær voru aðflutnings-
gjöldin fyrst lækkuð?
— Árið 1962 var framkvæmd
20% lækkun á leyfisgjöldum af
bifreiðum til leiguaksturs. Ári
síðar, eða snemma á þessu ári
varð enn önnur lækkun. Að-
flutningsgjöldin lækkuðu úr
60% af fob.verði bifreiðanna í
30% af verðinu.
— Viljið þið fá leyfisgjöldin
felld niður að öllu leyti?
— Við viljum fá sömu hlunn-
indi og sérleyfisbílstjórar og
vörubílstjórar, þeir þurfa ekki
að greiða þessi leyfisgjöld.
— Teljið þið líklegt að það
takist?
— Já, ég held að ríkisstjórn-
in hafi fullan skilning á þessu
hagsmunamáli okkar. Þess
vegna vonum við að þess verði
ekki Iangt að bíða að þessi
gjöld verði felld niður, ef sama
ríkisstjórn situr áfram við
völd.
— Hvenær var innflutningur
bifreiða gefinn frjáls?
— Á síðasta ári. Áður var
innflutningur bifreiða háður
leyfum.
— Hvaða árangur er af þessu
'nýfengna frelsi?
—- Bifreiðarstjórar hafa allir
sem einn fagnað þessari ráða-
breytni stjórnarvaldanna, og
sýnt það með því að endumýja
atvinnutæki sín í ríkari mæli
en áður. Á vinstri stjórnarár-
unum fengum við aðeins leyfi
fyrir þremur bifreiðum, og það
vom rússneskar bifreiðar, sem
voru hér á sýningu. En eftir að
vinstri stjórnin féll og núver-
andi stjórnarflokkar tóku við
völdum breyttist ástandið til
verulegs batnaðar. Árið i960
var innflutningur bifreiða að
vísu ennþá háður leyfum. En
á því ári fengum við heimild
til að flytja inn 30 bifreiðar.
Árið 1961 fengum við heimild
fyrir 61 bifreið. En vegna þess
hve aðflutningsgjöldin voru há
og bifreiðar þar af leiðandi dýr-
ar treystu bifreiðarstjórar sér
ekki til að notfæra sér þessa
heimild. En árið 1962, eða eftir
að innflutningur bifreiða hafði
Spjallað við Bergstein
Guðjónsson form. Bifreiða-
stjórafélagsins Frama
Bergsteinn Guðjónsson.
verið gefinn frjáls og aðflutn-
ingsgjöldin höfðu verið lækkuð
mynduðust vaxandi möguleikar
fyrir bifreiðastjóra til endur-
nýjunar á atvinnutækjum sfn-
um. Það ár keyptu bifreiða-
stjórar 71 bíl frá útlöndum.
Á þessu ári voru leyfisgjöld
enn lækkuð, eins og ég gat um.
Bifreiðastjórar tóku þvi tveim
höndum, eins og bezt verður
séð á þvf að frá áramótum
hafa þeir keypt samtals 76 bif-
reiðar. Og ekki kemur svo bíla-
sending með einhverju af skip-
um okkar að leigubílstjórar eigi
ekki nýja bifreið þar á meðal.
— Hver er nú mismunur á
verði bíla til leigubílstjóra og
annarra bflaeigenda?
— Það fer eftir stærð bif-
reiðanna. En þessi munur er í
öllum tilfellum mjög mikill, eða
frá fjörutíu og einu þúsundi
upp í áttatíu þúsund krónur á
dýrari bifreiðum. Þessarra
hlunninda njóta leigubifreiða-
stjórar um land allt.
— Fengust engar lækkanir
Ieyfisgjalda á árum vinstri
stórnarinnar?
— Nei, þvert á móti bættust
alltaf nj og ný gjöld við. En
auk þess fengum við ekki leyfi
til að kaupa annað en rúss-
neska bíla eins og ég sagði
áðan. Á öllu tímabili vinstri
stjórnarinnar fengu hinir 630
leigubílstjórar í Reykjavík leyfi
til kaupa á þremur bifreiðum,
rússneskum sýningarbílum, sem
voru hér, og hagkvæmara þótti
að losna við hér en að senda
til baka.
— Hvaða afleiðingar hafði
þetta fyrir ykkur?
— Þetta hafði í för með sér
margvíslega erfiðleika fyrir bif-
reiðastjóra í starfi þeirra. Bif-
reiðar gengu úr sér, viðgerða-
og viðhaldskostnaður jókst
stórlega. Þetta olli einnig at-
vinnutapi og ýmsum öð’rum
vandræðum. Eins og nærri má
geta varð rekstur bifreiðanna
stórum dýrari en þurft hefði
að vera ef gefizt hefðu tæki-
færi til eðlilegrar endurnýjun-
ar. Segja má einnig að þjón-
usta bifreiðastjóra við við-
skiptavini sína hafi af óviðráð-
anlegum ástæðum orðið lakari
í stað þess að batna eins og
við hefðum kosið.
— Hefur þetta nú breytzt á
ný til batnaðar?
— Mér er óhætt að fullyrða
að svo hafi orðið. Um leið og
bifreiðastjórar fengu tækifæri
til eðlilegrar endurnýjunar
breyttist þjónustan við borg-
arana til mikils batnaðar. Og
um leið varð rekstur bifreið-
anna auðveldari og starfið á-
nægjulegra.
— Hvernig er atvinnuástandið
hjá ykkur?
— Atvinna er með betra
móti. Það hefur auðvitað ásamt
frelsi í innflutningi og lækkun
aðflutningsgjalda átt sinn þátt
í því að gera hina miklu endur-
nýjun atvinnutækja okkar
mögulega. Á meðan svo fer
sem horfir í atvinnumálum al-
mennt eru allar líkur til þess
að svipuð atvinna og nú er
muni haldast hjá leigubifreiða-
stjórum.
— Myndirðu vilja segja eitt-
hvað að lokum?
— Aðeins það að ég vil færa
ríkisstjórninni þakkir fyrir það
sem hún hefur gengið til móts
við óskir og þarfir bifreiða-
stjóra, jafnframt því, sem ég
vil þakka henni hin mörgu
framfaramál, sem hún hefur
hrundið í framkvæmd þjóðinni
til heilla.
Ég get bætt því við að ég
vona að þjóðin megi verða
þeirrar gæfu aðnjótandi í fram-
tíðinni að njóta þeirrar forystu,
sem hún hefur nú. Með því
væri fengin trygging fyrir þvi
að atvinnutækin geti starfað
óhindrað og að atvinna haldist.
Ég veit að alþýðan mun þá
ekki þurfa að kvíða því að
mesti bölvaldur hennar, at-
vinnuleysið, haldi innreið sína.
S. Raabe og P. Gigling.
Y arahlutaþ jónustaV olks-
wagen bætt og aukin
Eins og kunnugt er er sala
Volkwagen hér á landi mjög
mikið meiri en af nokkurri ann
arri bflategund. Ástæðan mun
m. a. vera sú að verð á vara-
hlutum þeirra er sérstaklega hag
kvæmt.
Volkswagenverksmiðjurnar
leggja mjög mikla áherzlu á
að varahlutaþjónusta sé góð,
og voru í síðustu viku staddir
hér á landi tveir fulltrúar frá
varahlutadeildinni, þeir Sieg-
fried Raabe og Peter Gigling.
Fréttamaður VIsis hafði
tækifæri til að hitta þessa full-
trúa Volkswagenverksmiðjunn-
ar að máli og spurði þá m. a.
hvort þeir væru ánægðir með
frammistöðu umboðsins hér.
Hr. Raabe varð fyrir svörum
og sagðist hafa farið yfir vara-
hlutabirgðir umboðsins og taldi
þær vera mjög góðar, ennfrem-
ur hefðu þeir kynnt sér pant-
anir, sem liggja fyrir hjá verk-
smiðjunni og sér sé mikil á-
nægja að geta fullyrt að um-
boðið hér fari nákvæmlega eft-
ir þvl kerfi sem umboðsmenn
verksmiðjunnar um allan heim
fara eftir, til að fyrirbyggja
varahlutaskort. Hins vegar sé
fjölgun bílanna hér svo ör, að
það sé meiri vandi fyrir umboð-
ið hér að koma á fót nauðsyn-
legum lager en vlðast hvar
annars staðar. Frá áramótum
hafa verksmiðjurnar afgreitt
til Islands yfir 600 bíla.
Fréttamaðurinn spurði hr.
Raabe hvort þetta væri fyrsta
heimsókn hans til íslands? —
Svaraði hann þvl svo: Nei,
ég var hér fyrir ári síðan, enda
er starf mitt að ferðast til allra
Norðurlandanna og Miðjarðar-
Framhald á bls. 7.