Vísir - 30.06.1964, Blaðsíða 5

V í S IR . Þriðjudagur 30. júní 1964.
5'
rblönd í morfíim .útlönd í morgun útlönd í morgun
ROBERTS KENNED YS í PÓL■
HEIMSA THYCLI
Robert Kennedy dómsmála-
ráðherra Bandaríkjanna er
fagnað í Póllandi sem væri
hann vinsæll þjóðhöfðingi og
eru þess engin dæmi, að ves.t-
rænum leiðtoga hafi verið
fagnað svo í kommúnistalandi,
og verður helzt líkt við við-
tökurnar, sem Kennedy heitinn
forseti bróðir hans hlaut fyrir
rúmu ári við komuna til Vest-
ur-Berlínar. Þó var komu hans
ekki getið í útvarpi og blöðum
Póllands nema lítillega, enda
heimsóknin ekki opinber.
Á sunnudag varð umferðar-
öngþveiti er Kennedy ók til
kirkju, ásamt fjölskyldu sinni,
og eins er hann ók til gisti-
hússins í miðri Varsjá, að at-
höfninni lokinni, og raunar hvar
vetna þar sem hann kom fram.
1 Varsjá klifraði hann upp á
þak bifreiðar sinnar og sagði:
í Bandaríkjunum kemur annað
orð fram í hugann, er við höf-
um nefnt Pólland. Það er orðið
hugrekki, og við lítum á pólsku
þjóðina sem hugumstóra þjóð.
Mannfjöldinn hrópaði þá:
Lengi lifi Bandaríkin. Á sömu
leið fór í háskólabænum Krak-
au, sem hann heimsótti I gær.
Blómum var varpað inn í bif-
reið hans og loks varð þröngin
svo mikil, að hún stöðvaðist.
Kennedy ávarpaði mannfjöld-
ann og sagði, að Pólland ætti að
verða brú milli Bandaríkjanna
og vestrænna þjóða annars
vegar og Sovétríkjanna og
kommúnistalandanna hins veg-
ar — treysta bæri samstarfið og
leysa deiluna um Þýzkaland nú,
en bíða ekki með tilraunir til
slíks, þegar I óefni væri komið.
Lét hann í ljós sterka trú á,
að auðnast mætti að koma þess
um málum í höfn. En ,,Kína“,
sagði hann, „er mál erfiðara
viðfangs".
Viðtökurnar vekja fádæma
athygli um allan heim og eins
og að líkum lætur ekki sízt í
Bandaríkjunum, en þar hafa
þær dregið athygli manna frá
kosningabarátti^nni og voru
þeir Johnson forseti, Lodge,
Scranton og Barry Goldwater
allir fréttaefni — en forsíðu-
fréttirnar voru frá Varsjá.
Heimsókn hertogans
Framh. af bls. 1.
lands herra Ásgeir Ásgeirsson,
Bjarni Benediktsson, forsætis-
ráðherra, Guðmundur I’. Guð-
mundsson, utanríkisráðherra,
ambassador Breta á íslandi, hr.
Evelyn Basil Boothby, borgar-
stjórinn í Reykjavík, Geir Hall-
grímsson, Agnar Kl. Jónsson,
ráðuneytisstjóri.
Móttökuaíhöfn
á Austurvelli.
Fimm mínútum eftir að her-
toginn stígur á iand verður
honum ekið að Alþingishúsinu,
en þar fer fram stutt móttöku-
athöfn. Ekið verður í fimm bif-
reiðum, forsetinn og hertcginn
í hinni fyrstu, enskir og is-
lenzkir iögreglumenn í öðrum
bfl, forsætisráðherra og brezki
ambassadorinn í þriðja bíl, i
fjórða bil utanríkisráðherra og
brezki aðmírállinn og í fimmtu
bifreið ve'rða borgarstjórinn,
flugsveitarforinginn og ráðu-
neytisstjórinn. Móttökuathöfn-
in hefst á Austurvelli kl. 17.10.
Hertoginn af Edinborg og for-
seti íslands ganga fram á svalir
Alþingishússins og forsetinn
flytur stutt ávarp. Síðan verður
leikinn þjóðsöngur Breta. Þá
svarar hertoginn og íslenzki
þjóðsöngurinn verður leikinn.
Lúðrasveit Reykjavíkur leikur.
Móttökuathöfnin tekur um
stundarfjórðung. Að henni lok-
inni aka forsetinn og hertoginn
til Bessastaða. Með þeim fara
fylgdarlið hertogans, lögreglu-
menn, forsetaritari Þorleifur
Thorlacius og dr. Sigurður Þór-
arinsson, jarðfræðingur, sem
verður leiðsögumaður við nátt-
úruskoðun i nágrenni Bessa-
staða eftir að gestirnir hafa þeg
ið hressingu af forsetahjónun-
um. Á Álftanesi er æðarvarp
og kriuvarp, og útsýni fag-
urt, þegar skyggni er gott.
Dr. Sigurður mun ferðast
með hertoganum og forsetanum
út á land, en hertoginn hefur
látið í ljósi sérstaka ósk um
að geta fengið vitneskju um
sem flest í sambandi við nátt-
úru landsins, og þá fáir jafn-
fróðir og dr. Sigurður um þau
efní.
Hertogaheimsókninni til
Bessastaða lýkur kl. 19.45 en
þá heldur hertoginn aftur til
skips. Forsetaritari mun fylgja
honum frá Bessastöðum að
Loftsbryggju.
Um kvöldið verður sameigin-
legt borðhald eitt hundrað gesta
forsetahjónanna ti! heiðurs Ed-
inborgarhertoga. Borðhaldið
verður f steikarstofu, Hótel
Sögu, Grillinu, á 8. hæð, en
þar nýtur glæsilegs útsýnis,
þegar vel viðrar, yfir höfuð-
borgina, og til fjallahringsins
umhverfis hana. Aðalréttir 'á
matseðli eru humar og lambs-
hryggur. Skreytingar verða
allar með nýjum hætti í tilefni
af veizlunni, sem lýkur um kl.
23 og heldur hertoginn þá aft-
ur til skips. í fylgdarliði Phil-
ipusar hertoga á Hótel Sögu
verða auk aðmírálsins og flug-
sveitarforingjans sem nefndir
hafa verið, Rear-aðmíráll Sir
Joseph Henley, Commander
Morrison og Commander Rusby.
Með veizlunni á Hótel Sögu
lýkur fyrsta degi heimsóknar
Edinborgarhertoga á Islandi.
Á Þingvöllum
og við Norðurá.
Annan dag heimsóknarinnar
liggur Ieiðin til Þingvalla, um
Uxahryggi til Norðurár, Akur-
eyrar og Mývatns. Þennan dag
er skiljanlega mikið ferðazt í
fiugvélum. Sérstaka öryggisráð
stafanir verða gerðar á flugvöll-
um þar sem lent verður. Dr. Sig
urður Þórarinsson flýgur með
til að lýsa landinu, en hann er
því þaulkunnugur ekki síður úr
lofti en á landi. Ef allt gengur
að óskum ætti hámark heim-
sóknarinnar að verða dvölin við
Mývatn.
Farið verður kl. 8.50 árdegis
með bifreiðum frá Loftsbryggju
til Þingvalla og veiðiskála
Stangaveiðiíélags Reykjavíkur
við Norðurá í Borgarfirði, og
ekið þangað um Uxahryggi. 1
fyrstu bifreið verða, hertoginn
af Edinborg, forsætisráðherra
og dr. Sigurður Þórarinsson.
Lögreglumenn í öðrum bíl, f
þriðja bíl brezki ambassador-
inn, Agnar Kl. Jónssorí, ráðu-
neytisstjóri, og dr. Kristján
Eldjárn þjóðminjavörður, í
fjórða bíl Bonham Cartpr, að-
míráll, Þorleifur Thorlacius,
forsetaritari, I fimmta bíl
Chee'---fts flugsveitarforingi.
Brian Holt, ræðismaður, og Pét
ur Thomsen, ljósmyndari. í
sjöttu bifreið verður þjónn her-
togans og farangur.
Á Þingvöllum mun dr. Krist-
ján Eldjárn lýsa staðnum og
sögu hans.
Síðan verður farið að Norð-
urá. Forseti íslands verður þá
kominn þangað. Snæddur verð-
ur hádegisverður í boði Stanga-
veiðifélags Reykjavíkur, og
snæddur lax og síðan farið til
laxveiða í fáeinar klukkustund-
ir.
Farið verður frá Norðurá kl.
17.20. Fjörutíu minútum síðar
leggja tvær flugvélar Björns
Pálssoriar með forseta íslands
og hertogann af Edinborg á-
samt fylgdarliði til Akureyrar.
Flogið verður frá flugvellinum
að Stóra Kroppi. 1 fyrri vélinni,
sem verður TF-VOR, undir
stjórn Björns og Jóhannesar
Snorrasonar, yfirflugstjóra,
verða Philipus hertogi, forseti
íslands, Checkett, flugsveitar-
foringi, forsetaritari og dr.
Sigurður Þórarinsson. 1 annarri
flugvél, Lóunni, eða ef veður
verður f lakara lagi, þá Dúf-
unni, verða Brian Holt, lög-
reglumenn, þjónn hertogans,
Pétur Thomsen, ljósmyndari,
og loks farangurinn. Flugmenn
á Lóunni verða Stefán Jónsson
og Erlingur Einarsson, en Dúf-
unni fljúga, verði hún notuð,
flugmennirnir Guðjón Guð-
jónsson og Gunnar Guðjónsson.
Heimsókn
til Akureyrar
Lent verður á Akureyrarflug-
velli kl. 19. Þar taka á móti for-
setanum og gesti hans, hertogan
um, Friðjón Skarphéðinsson.bæj
arfógeti á Akureyri og sýslu-
maður Eyfirðinga, forseti bæjar
stjórnar Akureyrar, Jón G. Sól-
nes, bankastjóri, bæjarstjórinn
Magnús Guðjónsson og visi-
konsúll Breta á Akureyri, frú
Irene Gunnlaugsson. Frá flugvell
inum verður ekið til Lystigarðs-
ins á Akureyri, sem frægur er
fyrir fjölbreyttan og skrúðugan
gróður sinn.
Þar fer fram stutt móttöku-
athöfn bæjarstjórnarinnar, á flöt
um kringum styttu frú Margrét
ar Schiöth, sem með eigin hendi
lagði grundvöllinn að þessum
mikla garði. Þarna rúmast hundr
uðir manna. Forseti bæjarstj.
flytur stutt ávarp en hertoginn
af Edinborg sva.rar. Lúðrasveit
Akureyrar leikur þjóðsöngva
Breta og íslendinga. Hálftíma
eftir komuna til Akureyrar hefst
kvöldverðarboð í Sjálfstæðishús
inu á Akureyri, sem bæjarstjórn
in heldur til heiðurs hertogan-
um og forseta Islands. Ekki er
gert ráð fyrir að þar verði flutt
ar formlegar ræður.
I bifreiðum verða: Lögreglu-
menn í fyrsta bíl, hertoginn, for
setinn og bæjarfógeti í öðrum
bíl, Checketts flugsveitarforing’,
forseti bæjarstjórnar og bæjar-
stjóri í þri§ja bíl, forsetaritari
og Brian Holt í fjórða bíl, vísi-
konsúllinn á Akureyri, dr. Sig-
urður Þórarinsson og ljósmynd-
ari í fimmtu bifreið.
Fuglaskoðun.
Farið verður frá Akureyri fjug
leiðis til Mývatnssveitar um kl.
21. Lent verður á Reykjahlíðar-
flugvelli sem er um l/2 klst.
akstur frá bænum.
Forseti íslands og hertoginn
af Edinborg munudveljaaðhótel
inu í Reykjahlíð um nóttina. Þar
munu einnig dveljast dr. Finnur
Guðmundsson, fuglafræðingur
Helzti sérfræðingur íslendinga
á þessu sviði, sem verður leið-
sögumaður þegar skoðað verður
fuglalífið við Mývatn, dr. Sig-
urður Þórarinsson, Checkett,
flugsveitarforingi, Þorleifur
Thorlacius, forsetaritari, og Bri-
an Holt, ræðismaður.
Fegurð Mývatns og Mývatns-
sveitar þekkja nær eingöngu ís-
lendingar. En Mývatn nýtur
vaxandi frægðar erlendis sem
paradís fuglanna. Þar er auð-
ugra andalíf en víðast hvar í
Evrópu. Við Mývatn verpa 15
andategundir og erlendir fugla-
fræðingar og fuglaskoðarar íerð
ast þangað í vaxandi mæli. Her-
toginn af Edinborg óskaði sér-
staklega eftir tækifæri til að
dveljast við Mývatn. Hann hef-
ur yndi af fuglaskoðun og sjálf-
sagt er erindi hans til Mývatns
fyrst og fremst að stunda þessa
Iþrótt og dægrastyttingu, sem j
vinsæl er meðal Breta en næi
ókunn á íslandi. Því er spáð að ;
hertoginn vilji fara árla á 1
fimmtudag til að skoða fugla- ,
lífið, ef veður verður á annað
borð heppilegt. Hann mun fyrst
snæða árbít, egg, bacon og ;
brauð á hótelinu en síðan fara
um fuglasvæðið undir leiðsögn
Finns Guðmundssonar. Að fugla
skoðun lokinni verður farið að
Námaskarði og jafnvel Dimmu
borgum ef tíminn leyfir. Hádeg
isverður Mývatnssilungur,
kjúklingar og skyr með rjóma
verður snæddur að Reykjahlíð
en haldið flugleiðis til Reykja-
víkur um kl. 16.
Um kvöldið heldur hertoginn
veizlu um boð í skipi sínu, Brit-
anníu, fyrir forsetahjónin og
fleiri gesti.
Skoðar Reykjavík
— Brottför
Síðasta daginn moguninn 3. júlí
skoðar hertoginn af Edinborg
Reykjavík í fylgd Geirs Hall-
grímssonar borgarstjóra. Ekið
verður um ýmsar götur borg-
arinnar, og borgarfyrirtæki heim
sótt. Kynnisferðin mun taka
hálfa klukkustund. Um kl. 10,30
hittir hertoginn Englendinga bú
setta í Reykjavík í húsakynnum
brezka sendiráðsins við Lautá.;-
veg. Kl. 11,15 fer hann í stutta
heimsókn í Þjóðminjasafnið og
skoðar 'það undir leiðsögn dr.
Kristjáns Eldjárn.
Klukkan 12 á hádegi fer hanr.
slðan um borð í flugvél sína á
Reykjavíkurflugvelli. Á flug-
. vellinum verða til að kveðja
hann: Forseti íslands, herra Ás-
geir Ásgeirsson, forsætisráö-
herra, Bjarni Benediktsson, utan
ríkisráðherra Guðmundur I. Guð
mundsson ambassador Breta á
íslandi, Mr. Boothby og borgar
stjórinn I Reykjavík, Geir Hall-
grímsson.
Lýkur þar með einkaheimsókn
hertogans af Edinborg til forseta
Islands.
Verksmiðjuvinna
Karlmaður óskast til starfa í verksmiðju
Mikil og stöðug vinna. Ákvæðisvinna kemur
einnig til greina. Sími 36945.