Vísir - 16.02.1965, Qupperneq 9
V í S I R . Þriðjudagur 16. febrúar 1965.
ritffTl ’iPi iiH|i»rillli I \l\ 1 i»iWir°~ir THflfcFaffi^sagsiHMyagi '
INGÓLFUR JÓNSSON:
Vestmannaeyjar — bær mikilla framkvæmh
Bátafloti í skjóli Vestmannaeyjahafnar.
í Vestmannaeyjum eru bú
settir ca. 5000 manns. Fer í-
búum fjölgandi, enda er tals-
vert um íbúðabyggingar í
bænum. Á sl. ári voru í smíð
um 108 íbúðarhús með 147
íbúðum. 20 af þessum húsum
voru fullgerð á árinu og eru
2 — 3 íbúðir í sumum þessara
húsa. Síðustu árin hefur ver-
ið skortur á vinnuafli í Vest-
mannaeyjum. Má láta nærri
að þörf sé á um 1500 — 1600
manns á vertíðinni til viðbót
ar þeim, sem eiga heima í
bænum. Vestmannaeyjar
byggðust mest af Skaftfell-
ingum, Rangæingum og Ár-
nesingum. Bönd vináttu og
Ingólfur Jónsson.
frændsemi hafa því tengt
þessar sýslur og Vestmanna-
eyjar saman. Samstarf hefur
verið mikið milli Eyjamanna
og nágrannahéraðanna, þótt
samgöngur hafi verið erfiðar
til síðustu tíma. Vestmanna-
eyingar hafa löngum verið at
hafnasamir og duglegir að
byggja upp atvinnurekstur-
inn. Fiskvinnslustöðvar, síld-
arVerksmiðjur og margir bát-
ar eru einkennandi fyrir
Vestmannaeyinga.
Miklar
framkvæmdir.
Á síðustu árum hafa verið
gerðar miklar hafnarbætur
til þess að gera mögulegt að
afgreiða þann mikla flota,
sem höfnin þjónar. Aflabrögð
hafa vaxið í samræmi við
aukna möguleika fiskvinnslu
stöðvanna og fiskibátanna. Á
sl. ári mun afli upp úr sjó
hafa verið um 111 þús. lest-
ir. Söluverðmæti aflans mun
hafa verið 470 millj. krónur.
Mun þetta vera meira verð-
mæti, miðað við íbúatölu,
heldur en nokkurs staðar
annars staðar hér á landi og
þótt víðar væri leitað eftir
samanburði. Vestmannaeying
ar vinna eftir því sem þeir
hafa þrek til og veita sér þá
einnig þau þægindi, sem
sótzt er eftir í nútíma þjóð-
félagi. Óvíða er jafnmikið
af snotrum húsum og smekk
legum íbúðum eins og í Vest-
mannaeyjakaupstað. Götur
hafa nú flestar verið malbik-
aðar í eldri hluta bæjarins
og setur það góðan svip á
bæinn. Unnið er að byggingu
nýs sjúkrahúss og enn er
unnið að lagfæringu og
stækkun hafnarinnar. Einnig
hafa Vestmannaeyingar feng-
ið sjálfvirka símstöð og raf-
magn frá Sogi. Tvær síldar-
verksmiðjur hafa verið nýlega
byggðar og er unnið að stækk
un þeirra. Þótt mikið hafi
verið gert til aukningar at-
vinnutækja í bænum, telja
Vestmannaeyingar að enn
þurfi ýmsu við að bæta.
Við höfnina í Vestmanna-
eyjum er mikið að vinna. Á
árinu 1964 komu í höfnina
475 kaupskip, 95 togarar og
1300 önnur fiskiskip. Þetta
vitnar vissulega um blómlegt
og fjölbreytt atvinnulíf.
Vatn leitt frá
landi.
Það sem bagar mikið er
vatnsleysið. Á sl. ári var
gerð tilraun með borun eftir
neyzluvatni. Borholuna er
eftir að kanna betur, en mikl
ar líkur eru til að sú tilraun
hafi mistekizt. Mikill kostn-
aður var við borunina og
hefur Vestmannaeyjakaup-
staður greitt helming af
kostnaðinum á móti ríkinu.
Er nú helzt talað um að fá
vatn með leiðslu undan
Eyjafjöllum. Er það mál f
athugun hjá bæjarstjórn.
í Vestmannaeyjum vantar
möguleika til að taka upp
stærri báta. Gamli slippurinn
var gerður aðeins fyrir þá
bátagerð sem þótti fullnægj-
andi fyrir einum áratug. -
Verður ekki hjá því komizt
að bæta við slippinn til þess
að Vestmannaeyingar þurfi
ekki að leita til Reykjavíkur
eða annarra staða með báta
sína til viðgerðar.
Batnandi
samgöngur.
Samgöngur við Vestmanna-
eyjar hafa ekki verið eins
góðar og óskað hefur verið
eftir. Flugbrautin hefur að-
eins verið ein og flugdagar
því fáir. Nú hefur verið að
nokkru úr þessu bætt með því
að gera þverbraut, sem er þó
ekki enn nægilega löng. Verð
ur haldið áfram með lengingu
brautarinnar og þegar vissum
áfanga er náð með lengingu
hennar, telja fróðir menn að
flug til Vestmannaeyja verði
að jafnaði 6 daga í viku yfir
árið. Verður að telja að þá
sé komið þolanlegt samband
milli lands og Eyja með þeirri
loftbrú, sem þannig verður
byggð. Farþegar milli lands
og Eyja voru margir á árinu
1964. Með Flugfélagi íslands
flugu 15.541, með Eyjaflugi
3.407, með m/s. Hrerjólfi
fóru 10,075, - eða samtals
29.022 farþegar. Flugferðum í
Skógasand og að Hellu fjölg-
aði mikið á sl. ári.
Þegar þverbrautin á flug-
vellinum er fullgerð og flug-
dögum fjölgar eins og áður
er á minnzt mun farþegum á
sjó fækka frá því sem verið
hefur.
Kostnaður við flugvallar-
bygginguna, vatnsöflunina og
stækkun slippsins mun verða
all mikill, en miðað við þá
mikluframleiðsluogþað stóra
innlegg, sem kemur frá Vest-
mannaeyjum, eru þetta ekki
þær upphæðir sem þurfa að
hindra framkvæmdina.
Auknar athafnir,
batnandi hagur.
Guðlaugur Gíslason hefur
verið bæjarstjóri í Vestmanna
eyjum síðan 1954 og Sjálf-
stæðismenn með hreinan
meirihluta í bæjarstjóm frá
því 1958. Segja má að þátta-
skil hafi orðið í framkvæmd-
um í kaupstaðnum þegar Sjálf
stæðismenn fengu meirihluta.
Alla tíð síðan hefur verið unn
ið að uppbyggingu og eflingu
atvinnulífsins, þannig að at-
vinna hefur stöðugt aukizt og
afkoma almennings í Vest-
mannaeyjum farið batnandi.
Þá er fjárhagur bæjarfélags-
ins einnig með ágætum. Eng-
inn vafi er á því að bæjar-
stjómin, undir forustu Sjálf-
stæðismanna, mun halda á-
fram að vinna að málefnum
bæjarins á sama hátt og verið
hefur, með því að koma fram
þeim málum, sem kalla að, en
sum þeirra hafa verið nefnd
hér að framan.
í Vestmannaeyjum er gott
samstarf og vaxandi skilning-
ur milli atvinnurekenda og
launþega. Eyjarmenn gera sér
grein fyrir. þýðingu þess að
efla bæjarfélagið og tryggja
efnahagslegt öryggi með þrótt
miklum atvinnurekstri.
☆
Síldarbræðsla Hraðfrystistöðvarinnar í Vestmannaeyjum.