Vísir - 08.04.1968, Blaðsíða 2

■
V í S IR . >Tánudagur 8. apríl 1968.
HÚ LÁCU DANIR I Þ Ví..
.##
Island vann loksins „draumasigurínn ,
15:10 í iandsleik við Dani — sæf hefnd
fyrir 14:2 leikinn í knattspyrnunni —
Algjör „bylting" landsliðsnefndar eftir
fyrri leikinn.
■ Aldrei hefur íslenzku landsliði í handknattleik ver-
ið fagnað jafn ákaft og innilega og af 1500 áhorf-
endum í Laugardalshöllinni í gærdag, eftir að liðið sigr-
aði Dani 15:10 í einhverjum bezta leik, sem íslenzkt
landslið hefur sýnt. Fyrirfram var „bylting“ landsliðs-
nefndar ákaflega gagnrýnd, — en eftir leikinn stendur
nefndin svo sannarlega með pálmann í höndunum, þeir
gerðu rétt þegar þeir „léttu“ liðið, settu inn yngri og
léttari menn, með þessu sköpuðu þeir liðið, sem gat
leikið eins í 60 mínútur, —en það hefur ekki tekizt
til þessa.
íslenzka landsliðið mætti með
tvo unglingalandsliðsmenn, Emil
markvörð KR og Björgvin Björg-
vinsson úr Fram, en Björgvin var
mikið inn á í leiknum og var dug-
andi maöur, lék eins og sá sem
valdið hefur, sýndi enga minni-
máttarkennd og stöð sig mjög vel.
Þá var ekki lítils virði að fá Sigur
berg Sigsteinsson frá íþrótta-
kennaraskólanum, og sjaldan hefur
hann verið eins sterkur í vöm-
inrni og einmitt í þessum leik. Gísli
Blöndal kom líka vel út, var að
vísu óheppinn í skotum sínum, en
hann á framtíð fyrir sér með lands
liðinu, á því er varla nokkur vafi.
Og þá er komið að fimmta mann-
inum og ekki þeim sízta, Jóni
Hjaltalín. Jón var leynivopn, sem
nægði. Var leikur hans frábær
í alla staði og keppnisskapið er
í lagi hjá honum eins og raunar
öllu landsliöinu i gær.
Mér fannst það dálítið ‘skemmti
legt þegar Axel Einarsson sagöi í
ræðu 1 hófi á laugardagskvöldið
að „á morgun væri annar leikur,
— og þá vinnum við“, eins og
Axel sagði og lagði mikla áherzlu
á. Axel stóð við það sem hann
ságði, enda óvanur öðru, enda þótt
bros léki um andlit þ'eirra dönsku.
Axel sagði okkur hafa leynivopn
í baráttunni á morgun, — þau
reyndust ekki færri en fimm leyni
vopnin, og öllu fleiri þó, þvi að
hver og einn leikmaður í liðinu var
óþekkjanlegur frá deginum áður.
Leikurinn hófst með nokkuð líf
legri blæ, báðir skoruðu niikið
og eftir 3 mínútur var búið að
skora 4 mörk, — eins og eftir 20
mínútur í fyrri leiknum, Island
hafði þá yfir 3:1, Jón Hjaltalín skor
aði fyrsta markið, — geysilega fast
skot fyrir utan punktalínu, hinn
snjalli markvöröur stóð klumsa og
hreyfði sig ekki, — benti bara
út í loftiö eins og hann vildi segja:
„Þennan hef ég ekki séö fyrr, —
gætið hans vel!“
Lund jafnaöi, en Geir skorar úr
vitakasti og Sigurður Einarsson úr
snöggri sókn. Eftir 6 mín var Is-
land komið i 5:2, en næstu 2 mörk
skora Danir, 5:4.
Þá skorar Jón Hjaltalín, stekkur
upp og skorar óverjandi. ísland
hélt nú áfram að hafa 2 mörk yfir
og í hálfleik var staöan 8:6 fyrir
ísland.
Seinni hálfleikurinn og byrjun
hans var sannarlega nýmæli i sögu
islenzka landsliðsins. Það voru
nefnilega hinir ungu leikmenn, sem
komu inn á völlinn ákveðnir í að
halda áfram uppteknum hætti, —
að brjóta niður sóknarlotur Dan-
anna og jafnframt að halda áfram
að skora. jón Hjaltalín átti sinn
stóra þátt í þessu, skoraöi tvö
fyrstu mörkin. Grunar mig að Sig
urður Einarsson hafi opnað irieð
því /að halda mótherja sínum föst
um í fyrra markínu, en það seinna
skorar Jón úr horninu. Þá fær
Ingólfur gott færi á línu, er þar
einn en tekst ekki að skora hjá
hinum frábæra markverði. Næst
skora Danirnir 10:7 og er heldur
betur farið að hitna í glæðunum.
Það óvenjulega sem skeöur er samt
sem áður þaö aö íslenzka liðið held
léttleikanum, — og taugarnar
virðast vera í bezta lagi. Sigur-
bergur skorar næst, mjög óvænt
af línunni eftir misheppnaö auka
kast Dananna. Þá kemur heppnin
Islandi aftur til hjálpar. Graversen
ætlar að taka vítakasti, — en það
óvenjulega skeður, hann missir
boltann aftur fyrir sig úr hálli lúk-
unni, — vítakastið hafnaði fram
hjá íslendingum sem breyttu vörn
í sókn. Um miðjan háfleik skorar
Geir, 12:8 fyrir ísland og 2 mín.
síðar bætir Þórður við 13:8 og 13
mínútur eftir, ískyggilegt ástand
hjá hinu danska silfurliði.
Rétt á eftir fer Þórður a-f velli
vegna leikbrots, — dómarinn gefur
merki um 2 mín., en á meðan
standa varnarmenn okkar sig stór
vel, sérstaklega Þorsteinn í mark-
inu. Jón Hjaltalín er greinilega tek
inn fyrir mjög gróflega í sókninni.
Þórður kemur inn ,brýtur af sér, —
og nú réttir dómarinn alla 5 fing-
ur hægri handar upp í loftið, og
íslendingar eru þá í því erfiða hlut
vérki að leika manni undir næstu
5 mínútur á meðan Þórður er fyrir
utan, en 6 mínútur og 30. sek.
voru þá eftir og Carsten Lund,
örvhenta skyttan í liðinu skorar
glæsilega 13:9.
Þá skorar Björgvin glæsilega af
línunni 14:9, sem bætir okkar stöðu
að mun — og ekki sakar það beint
að Þorsteinn ver glæsilega hvað
eftir annað. Það stefnir ekki aö
öðru en okkar sigri, — jafnvel 6
gegn 7 silfurliðum eru íslending-
arnir mun betri. Lund á lokaoröið
fyrir Dani, þegar 3 mínútur eru
eftir og loks skorar Sigurbergur
15:10 þegar nokkrar sekúndur eru
eftir, glæsilegur sigur okkar manna
sem sannarlega var fagnað innilega
af öllum.
Danir báru sig heldur dapurlega
eftir leikinn, sem vonlegt er, því að
þejr vilja helzt ekki tapa leik fyrir
Islandi, þar hefur skapazt viss
metnaður. Nú er ísinn brotinn. Viö
höfum leikið í íþróttahöllinni 15
leiki, tapað 12, eitt jafntefli og
' aðeins 2 sigrar. Nú byrjum viö að
sigra í þess stað að tapa með 1 —
2 mörkum, það hefur gerzt of
oft, 9 leikir hafa endað með slíkum
töpum til þessa.
íslenzka liöið í heild var stór-
kostlegt og á vonandi eftir að gefa
áhorfendum fleiri slíkar endurminn
ingar sem þessa. Veika punkta var
vart hægt aö . finna í liðinu og
greinilegt aö landsliðsriefnd er á
réttri braut, aö yngja upp.
Danska liðið fékk aldrei stund
arfrið til að gera neinar rósir, og
barátta íslenzka liðsins kom algjör
lega flatt upp á liöiö. Ljót hefði
markatalan orðið ef danska liðið
hefði ekki notið svo frábærrar
markvörzlu, en Mortensen varði
allan tímann stórkostlega vel. —
Carsten Lund og Graversen voru
beztu menn Dananna auk Morten
sen.
Dómarinn frá Noregi var heldur
slakur. Flestir norskir dómarar,
sem hér hafa verið hafa staðið sig
af prýði, en Pettersen er greini-
lega lítt reyndur, enda voru þetta
fyrstu A-landsleikir hans í karla-
fíokki.
Mörkin: • Island, Geir 5, Jön
Hjaltalín 4, Sigurbergur 2, Sigurð
ur Einarsson 1, Ingólfur 1, Þórður
1, Björgvin 1.
Danmörk: Lund 3, Graversen 2,
Svendsen 2, Frandsen 2, Ander-
sen 1.
- jbí> -
Trufluðu
sænsku
■ Það vakti athygli í landsleikn <
um f gær, þegar Þorsteinn j
Björnsson kom hlaupandi inn i
á leikv»nginn með fslenzka lið 1
inu klæddur blússu i SÆNSKU |
fánalitunum.
■ Nú er það vitað mál að Dan 1
ir þola ekkert sem sænskt er, ]
og fyrir leikinn voru menn að i
hafa það í flimtingum að þess ]
ir sænsku litir yrðu Dönum að,
falli, — sem og varð.
■ Spumingin er því, — varð ]
það blússan, sem gerði útslag-,
ið, fengu Danimir Svía „kom-1
plexinn“, þegar þeir sáu Þor- [
stein í guiu og bláu markvarðar j
blússunni? Það var kaldhæðni <
örlaganna, því sjálfir fóru þeir ]
fram á að Þorsteinn yrði 'ekki,
í rauðu blússunni, sem hann er (
vanur að klæðast, vegna þess J
hve lik hún er þeirra eigin,
búningi!
Þóröur Sigurðsson, nýliðinn í landsliðinu. Hér skorar hann af línu gegn Dönum.

litirnir
Danina?
/