Vísir - 11.05.1968, Blaðsíða 5
5
V1SIR . Laugardagur 11. maí 1968.
•j*eaBS®»fc=í*a&' jmsaBWBimss&K
s^aaaaaa/wva/vwwsaa^vnaaaaaaaa/,|naaa/v\aaaaaaaaaaaaaaaaaaaaaaaa/
09.
Góð hvíld í
sumarbústaðnum
— bezta sumarleyfið —
jyú fer senn að líða að því að
borgarbúar bregði sér „upp
í sumarbústað" eins og flestir
kalla það. Mjög margir Reykvík-
ingar hafa komið sér upp litlum
sumarbústöðum í nágrenni borg
arinnar og fara þangað um helg-
ar og í sumarieyfinu. Tæplega
er hægt að hugsa sér betri af-
slöppun fyrir fjölskylduna, en
að dveljast nokkra daga eða
vikur á rólegum stað uppi í
sveit, þar sem börnin geta ver-
ið úti allan daginn, og foreldr-
arnir eytt tímanum I göngu-
ferðir og útiveru á daginn, og
á kvöldin lesiö bækur, hlust-
að á útvarp eða bara farið
snemma að sofa. Einn góður
sumarbústaðareigandi hefur
reyndar þann sið að loka sig
algerlega frá umheiminum þeg-
ar hann fer í sinn sumarbústað,
kveikir ekki á útvarpi nema rétt
á fréttatíma (og stundum alls
ekki) og lifir eins frumstæðu
lífi og hann frekast getur. En
þetta á nú ekki við nema ein-
staka fólk Flestir vilja halda
sambandi við úmheiminn þó að
þeir dvelji í sumarbústað, en
aðalatriðið er að geta hvílt sig
í ró og næöi frá öllu amstrinu
og ysnum í borginni.
Það er ómetanlegt fyrir börn,
sem ekki eru komin á þann ald-
ur að vera „send í sveitina",
að dveljast í sumarbústaö og
þeir foreldrar sem fara með
börnin með sér þangað, ættu
að reyna að gera ailt sem hægt
er til aö veran þar geti orðið
börnunum sem ánasgjulegust.
Margir rækta skrautblóm við
bústaði sína, en ef börn eru í
fjölskyldunni er miklu nauðsyn-
legra að þau hafi leikvang fyrir
sig við húsið.
Það getur verið hættulegt ef
þau þurfa að leika sér langt
frá húsinu, vegna þess aö þau
mega hvergi vera 'fyrir blómum
og trjám, sem þau kunna að
skemma.
Að hugsa um mat í sumarbú-
stað er talsvert annað en í eld-
húsinu á heimilinu. Fæstir hafa
ísskáp i sumarbústöðum og
margir láta sér nægja að elda á
gastækjum eða rafmagnshellum,
þar sem rafmagn er. I sumum
eldri sumarbústöðum eru gaml-
ar kolavélar, en .þær eru mjög
skemmtilegar og gaman að elda
á þeim, þar sem maturinn fær
talsvert annað brágð en þegar
eldað er á rafmagnsvél. En aðal-
gallinn við þær er hversu eld-
fimar þær eru og hættulegar
þar sém börn eru nálægt. Mörg-
um finnst ómögulegt og óhugs-
andi að dveljast þar sem ekki
er rafmagn, og þó að því fylgi
vissulega nokkur óþægindi, eink
um ef börnin eru mörg, þá er
það að mörgu leyti miklu
skemmtilegra og heimilislegra.
Það er því sannarlega óþarfi að
örvænta þó að ekki sé hægt að
leiða rafmagn inn í sumarbú-
staðinn. Gaseldavélar eða hell-
ur eru þá notaðar til matseldun-
arinnar og olíulugtir eöa gas-
Ijós til að lýsa upp, ef þess þarf
þá með. Bezt er að hafa sem
mest af mat, sem fljótlegt er
að elda, svo sem hálfsoðinn eða
niðursoðinn. Dósasúpur eru til-
valdar í sumarbústaðinn, þar
sem þær eru í senn fljótlagaðar
og/matarmiklar. Óþarfi er að
leggja mikið upp úr miklum
og þungum mat, súpur, brauð
og egg er tilvalinn sumarbú-
staðamatur, að ógleymdu græn-
meti og ávöxtum.
Flest grænmeti er hægt að
geyma í nokkra daga á köldum
staö, (t. d. í skugga við húsið)
í fati með köldu vatni. í staðinn
fyrir ísskáp er hægt að koma
sér upp „köldum skáp“, utan
dyra t. d. úr gömlum kassa,
með loki fyrir, svo að ekkí sé
hætta á að flugur komist þar
inn. Hitabrúsar eru ómissandi
til að halda mjólkinni kaldri, en
ef rennandi lækur er nærri, þá
er að sjálfsögðu bezt að stinga
mjólkurbrúsanum eða mjólkur-
flösku í lækinn. Það er meira
að segja hægt að koma sér upp
ágætum ísskáp í læknum, ef
hann er mjög nærri bústaðnum.
Þó að lækurinn sé lítill, er hægt
að búa til dálítinn hyl, hlaðinn
grjóti á alla vegu og helzt botn-
inn líka (þá gruggast vatnið
minna).
Vatnsþétt ílát, t. d. úr alúm-
ín er sett ofan i hylinn alveg
upp að börmum. Stór pottur er
líka tilvalinn. Steinum er hlaðið
í kring svo að ekki sé hætta á
að ílátið hreyfist. Einhver lóð
þurfa að vera ofan á ílátinu,
svo að það fljðti ekki upp um
leið og tekið er úr því, t. d.
hreinir steinar. Lokiö þarf svo
að vera mjög traust og gott
og þá er hægt að geyma flestan
mat þarna dögum saman. Þetta
er einnig tilvalið ef búiö er í
tjaldi nokkra daga.
Ef þið hafið í hyggju að bjóða
gesturri til ykkar í kaffi þá látið
það bíða þar til þið eruð kom-
in í sumarbústaðinn. Fátt er
eins skemmtilegt, þegar börnin
eru sofnuð og allt orðið kyrrt,
en að fá kunningja úr bænum
í heimsókn til sín í sveitina. Það
er líka sjálfsagt að leyfa börnun
um að hafa leikfélaga með sér
dag og dag í sumarbústaðinn.
Að lokum ætlum við að nefna
nokkra hluti, sem ekki má
gleyma að hafa með sér í sum-
arbústaðinn: Lítill sjúkrakassi,
rúlla með eldhúspappír flugna-
eitur, sólarolía, lavex (pappír
með hreinsunarspíritus) bækur
og nóg af dósum og „drasli"
fyrir börnin að leika sér að.
Kjósendur / Norðurlands■
kjördæmi eysfra
STUÐNIN GSMENN
GUNNARS THORODDSENS
við forsetakosningar hafa opnað skrifstofu í
húsinu nr. 5 við Strandgötu á Akureyri.
SÍMAR SKRIFSTOFUNNAR
ERU 21810 OG 21811
Stuðningsmenn Gunnars Thoroddsens eru
vinsamlega beðnir að hafa samband við skrif-
stofuna sem fyrst.
F. h. undirbúningsnefndar
Amþór Þorsteinsson
Jón Ingimarsson
Jón G. Sólnes
Þorvaldur Jónsson
IÐNSKÓLINN í
REYKJAVÍK
Verknámsskóli fyrir þá, sem hyggja á störf í málm-
iönaði og skyldum greinum, verður starfræktur frá
byrjun september til maíloka næsta skólaár. Kennsla
verður bæði verkleg og bókleg og eftir því sem að-
stæður leyfa, í samræmi við reglugerö um iðnfræöslu
frá 15. september 1967.
Bóklega námiö miöast við að nemendur ljúki námsefni
1. og 2. bekkjar iönskóla á skólaárinu.
Inntökuskilyröi eru að umsækjandi sé fullra 15 ára og
hafi lokiö miöskólaprófi. — Iðnnámssamningur er ekki
áskilinn en nemendum sem þegar hafa hafið iðnnám og
eru á námssamningi er aö sjálfsögðu einnig heimil
skólavist.
Skráning nemenda fer fram í skrifstofu skólans á venju-
legum skrifstofutíma, til 24. þ. m. — Innritun nemenda,
sem áetla sér ekki í verknámsskólann, mun fara fram í
ágústmánuði n.k.
SKÓLASTJÓRI
VÖRUSKEMMAN
GRETTISCÖTU 2
Inniskór bama kr. 50
Kveninniskór kr. 70
Kvenskór kr. 70 og kr. 250
KvenDomsur (margar gerðir) kr. 100
Gúmm’'stígvél barna kr. 50
Barnaskór kr. 50 og kr. 70
Gúmmískór kr. 50
Leikfimiskór ....... ...... ..... kr. 20
Karlmannaskór T" — kr. 280
HÖFUM TEKIÐ UPP
NÝJAR SENDINGAR AF
SKÓFATNAÐI
Hjá okkur fáið þér mikið
fyrir litla peninga.
KOMIÐ — SKOÐIÐ
SANNFÆRIZT
Nylonsokkar ......................... kri • 25
Hárlakk ................................ kr. 40
Barnasokkar .....i..................... kr. 10
Skólapennar ___________________________ kr. 25
Bítlavesti (ný gerö) ................... kr. 150
Barnakjólai ................. kr. 65 og kr. 190
Kasmír ullarpeysur margar stærðir 20 litir
Röndóttir kvenkjólar ................. kr. 350
Margar stærðir af barnapeysum ...... kr. 80 —140
Bonnie og Clyue kvenkjólar margar geröir kr. 350
VÖRUSKEMMAN Grettisgötu 2
I HÚSl ÁSBJÖRNS ÖLAFSSONAR.