Vísir - 29.07.1968, Blaðsíða 8

V í S IR . Mánudagur 29. júlí 1968.
8 _____________ _________________
Útgefandi. Reykjaprent h.t.
Framkvæmdastjóri Sveinn R. Eyjólfsson
Ritstjóri: Jónas Kristjánsson
Aðstoðarritstjóri: Axal Thorsteinson
Fréttastjóri: Jón Birgir Pétursson
Ritstjórnarfulltrúi: Valdimar H. Jóhannesson
Auglýsingastjóri: Bergþór Úlfarsson
Auglýsingar: 4.ðalstræti 8. Símar 15610 11660 og 15099
Afgreiðsla: Aðalstræti 8. Sími 11660
Ritstjórn: laugavegi 178. Sími 11660 (5 línur)
Áskriftargjald kr 115.00 á mánuði innanlands
í lausasölj kr. 7.00 eintakið
Prentsmiðja Vísis — Edda h.f.
Ný /ðnjbf'dun
Eitt af mikilvægustu úrlausnarefnum þjóðarinnar á
komandi árum er að halda áfram að virkja fallvötn
landsins og aðrar náttúruauðlindir, svo sem jarðhit-
ann. í því felst forsenda og grundvöllur vaxandi iðn-
væðingar landsmanna.
Rafvæðingu landsins hefur verið haldið kappsam-
lega áfram á undanförnum árum. Yfir 97% lands-
manna hafa nú fengið raforku, um 95% frá almenn-
ingsrafstöðvum og um 2% frá einkarafstöðvum. Allir
kaupstaðir og kauptún landsins eru rafvædd, en þar
búa um 85% þjóðarinnar. Um 86% sveitabýla í land-
inu hafa fengið rafmagn. Að því er stefnt, að öll býli
hafi fengið rafmagn á árinu 1970. í árslok 1966 nam
samanlagt afl almenningsrafstöðva í landinu tæpum
170 þúsund kílóvöttum, en Búrfellsvirkjun ein, sem
lokið verður á næstu árum í tveim áföngum, mun
verða 210 þúsund kílóvatta orkuver. Framhaldsvirkj-
anir í landinu verða hér eftir afar mikilvægar fyrir
iðnþróunina á öllum sviðum.
íslenzkur iðnaður er nú á mikilvægum tímamótum.
Erfitt árferði til lands og sjávar hefur opnað augu
manna til fulls fyrir því, hve mikilvægt er að gera
íslenzkt atvinnulíf fjölþættara. Beinist þá athyglin
fyrst að iðnaðinum. Áætlað er, að fjölgun vinnufærra
manna á næstu 20 árum muni nema um 35 þúsund-
um. Hvar eiga þessar komandi kynslóðir að leita at-
vinnuöryggis? Ekki er talið líklegt, að frumatvinnu-
greinarnar, landbúnaður og fiskveiðar, muni geta tek-
ið við fjölgun starfsfólks svo nokkru nemi. Byggist
sú skoðun á reynslu okkar og annarra á því, að enda
þótt framleiðsla og afköst aukist í þessum greinum,
muni aukin tækni og vélvæðing jafnframt draga úr
aukinni vinnuaflsþörf.
Fyrirsvarsmenn iðnaðarins í landinu virðast gera
sér Ijósa grein fyrir hinu mikla og jafnframt erfiða
hlutverki, sem iðnaðarins bíður. Efnt hefur verið til
iðnkynningar á þessu ári. Höfuðtilgangur hennar er að
auglýsa íslenzkan iðnvarning og vekja athygli al-
mennings á, hve mikilvægt sé að nota eftir megni
íslenzkan iðnvarning, að búa sem bezt og mest að
sínu. Iðnaðarmálaráðuneytið hefur, í samráði við Iðn-
þróunarráð, styrkt samtök iðnrekenda og iðnaðar-
manna við þessa kynningu. Óhætt er að fullyrða, að
almenningur hefur tekið henni vel og veitir henni
athygli.
Félag íslenzkra iðnrekenda hefur nú auglýst starf
útflutningsráðunautar. Hefur ríkisstjórnin heitið styrk
til þess að hefja undirbúning og rannsóknir á því,
hvaða möguleikar kunnf að vera fyrir hendi á út-
flutningi iðnaðarvara, og hvemig mætti stuðla að
slíkum útflutningi í framkvæmd.
Með vaxandi skilningi á mikilvægi iðnaðarins ber
að veita honum þá örvun og aðstoð, sem í upphafi
þarf til þess að grundvalla nýja iðnþróun á íslandi.
II
))
(

Myndin var tekin við afhendingu vinninganna: frá vinstri Brrgi Eyjóifsson, er tók við fyrir
hönd Katrínar Bragadóttur, Sigurður Magnússon, Ásta Erlingsdóttir, Indriði P. Ólafsson,
Þorgeir Lúðvíksson og Valgarð Briem.
Hlutu Loftleiðaferð
fyrir umferðarvörzlu
í gær, þegar tveir mánuðir
voru liðnir frá gildistöku hægri
umferðar, fengu fimm umferð-
arveröir afhenta vinninga, sem
þeir höfðu hlotiö í happdrætti,
sem efnt var til fyrir sjálfboða-
liða, er störfuðu að umferðar-
vörzlu á H-dag og þar á eftir.
Þessir fimm sjálfboöaliðar hlutu
Loftleiðaferð til New York og
vikudvöl þar. Loftleiðir gáfu
flugfarið og afhentu þeir Sigurð
ur Magnússon, blaðafulltrúi Loft
leiða og Valgarð Briem, for-
maður Framkvæmdanefndar
hægri umferðar vinningana. Áð-
ur búið að afhenda fimm vinn-
inga, sem var vikudvöl í Skíða-
skólanum í Kerlingarfjöllum.
Framkvæmdanefnd hægri um
ferðar efndi til þessa happdrætt
is fyrir umferöarveröi, en alls
tóku þátt í umferðarvörzlu, sem
sjálfboðaliðar, á -annað þúsund
manns, vfða um landið. Fékk
hver umferðarvörður einn happ-
drættismiða fyrir staðna vakt,
og síðan var dregiö úr afhent-
um miöum. Þeir, sem hlutu Loft
leiðaferð til New York og viku
dvöl þar voru:
Ásta Erlingsdóttir, Ólafur Ing
ólfsson, Indriði P. Ólafsson, Þor
geir Lúðvíksson, Katrín Braga-
dóttir.
Mikil bókaútgáfa í haust
Útgefendur skýra frá fyrirætlunum sinum
Jj^nnþá er hásumar, en þó eru
margir farnir að hugsa til
haustsins, einkum þó bókaútgef
endur, sem verða að skipuleggja
starfsemi sína fram í tímann.
Baldvin Tryggvason, forstjóri
Almenna bókafélagsins tjáði
blaðinu, að bókaútgáfa þess )
haust yröi meö svipuðu sniði og
liöin ár. Ef til vill kæmu út
nokkru fleiri bækur en í fyrra,
en viöaminni. Ekki sagði Bald-
vin, að endanlega hefði verið á
kveðið, hvaöa bækur veröa send
ar á markaöinn, en hann skýrði
frá fyrirhugaðri útgáfustarfsemi
í stórum dráttum.
Útgáfu alfræðisafnsins verður
haldiö áfram, og koma þrjú
síðustu bindin í því út í haust.
Þessi útgáfa hefur reynzt mjög
vinsæl, og er upplag hinna
fyrri bóka senn á þrotum.
Þá kemur einnig út í haust
bók með sv'puðu sniði og Fugla
bók A.B. — fiskabók, sem Jón
Jónsson fiskifræöingur hefur.
þýtt og staðfært.
1 tilefni af fullveldishátíð-
inni kemur út bók sem nefnist
„1918“ eftir Gísla Jónson
menntaskólakennara á Akur-
eyri.
Ein eða tvær islenzkar skáld
sögur koma út hjá A-menna
bókafélaginu í haust en ekki
vildi Baldvin segja neitt nánar
frá þeirri útgáfu. Fjórar ljóða-
bækur munu einig koma út og
þar að auki ný útgáfa á „Fögru
veröld" eftir Tómas Guðmunds
son.
Almenna bókafélagið mun
einnig senda frá sér skáldsögu
sem Ólafur Jónsson hefur þýtt.
þar er um að ræöa bók rithöf-
undarins Olaf Sundmann, sem
hlaut bókmenntaverðlaun Norö
urlandaráðs.
Þessu til viðbötar kemur út.
ný bók í flokknum „íslenzk
þjóðfræöi. Þar er um að ræða
bókina „íslenzk orðtök“ eftir
Halldór Halldórsson prófessor.
Jón Þórarinsson tónskáld hef
ur lokið við að skrifa ævisögu
Sveinbjarnar Sveinbjörnssonar,
og mun Almenna bókafélagið
gefa hana út í haust.
Þegar blaðið ræddi við Bald-
vin Tryggvason, var hann bjart
sýnn á bókaútgáfuna í haust
og fók það sérstaklega fram aö
sér virtist vera vaknandi og
vaxandi áhugi á Ijóðabókum,
einkum meðal yngri kynslóðar-
innar.
Einnig hafði blaöið samband
við Bókaútgáfuna Rökkur og
fékk þær upplýsingar aö útgáfu
bækurnar eru tvær. Önnur er
„Ævintýri íslendings og' aðrar
sögur“ eftir Axel Thorsteins-
son og er þetta þriöja og síðasta
bindið af hinum gömlu sögum
höfundarins. Hinar eru stríös-
tímasögurnar (frá tíma fyrri
heimsstyrjaldarinnar) — en sú
bók kom í hitteð fyrra, 4. út-
gáfa („Horft inn í hreint hjarta
og aðrar sögur frá tíma fyrri
heimsstyrjaldarinnar"), og,
„Börn dalanna og aðrar sveita-
sögur“, 2. útgáfa í fyrra. Hin
útgáfubókin í ár er safn ævin-
týra „Smalastúlkan sem fór út
í víða veröld og önnur ævintýri“
með myndum. Ævintýri þessi
eru endursamin úr ensku og
einkum ætluð fyrir „yngstu les
endurna". Bækurnar koma á
markaðinn hér á hausti kom-
anda. Á næstu dögum mun Vís-
ir skýra nánar frá útgáfubókum
annarra forlaga.

4