Bókasafnið - 01.02.1978, Síða 16
starfsmönnum aðfangadeildar safnsins.
Hver nefnd fær til ráðstöfunar ákveðinn
hluta þess fjár sem er til ritakaupa hverju
sinni og ritavalið fer eftir reglum sem bóka-
safnsstjórnin hefur sett. Auk þess starfar
samræmingarnefnd sem tengiliður við
bókasafnsstjórnina. Þennan hátt taldi
Jorgensen hafa gefist vel og einkum lagði
hann áherslu á þátt notendanna í ritavalinu.
Eftir hádegi þennan dag ræddu Asírid
Sandvik Moe, starfsmaður Norsk doku-
mentdata, og Hans Martin Fagerli, bóka-
vörður við Háskólabókasafnið í Osló um
NOSP-áætlunina (Nordisk samkatalog for
periodika). Sú áætlun á upphaf sitt 1958 en
þá var stofnuð nefnd á vegum NVBF sem
skyldi kanna möguleika á að gera og gefa út
samskrá um tímarit í bókasöfnum á Norð-
urlöndum (utan íslands) sem væru gefin út
utan Norðurlanda. Þessi nefnd skilaði til-
lögum árið eftir og voru þær í athugun á
næstu árum. Samtímis varð ör þróun í
notkun tölva við varðveislu og hvers konar
meðferð upplýsinga sem leiddi til þess að
tekið var að líta öðrum augum á þetta verk-
efni. Árið 1969 var stofnuð ný nefnd sem
ætlað var að leggja fram tillögur um sam-
norrænan gagnagrunn er hefði að geyma
upplýsingar um tímaritaeign norrænna
bókasafna og einnig skyldi gert form fyrir
skrásetningu tímarita fyrir þennan gagna-
grunn. Þessi nefnd lauk störfum 1975 og
lagði hún m.a. til að aðilar að framkvæmd
verksins skyldu vera á þremur stigum, 1)
einstök bókasöfn, 2) samskrármiðstöðvar,
ein í hverju landi. í þeim yrði tekið við
gögnum frá bókasöfnunum, þau yrðu end-
urskoðuð og þeim komið í NOSP-form en
síðan komið áleiðis til NOSP-gagnagrunns-
ins, 3) NOSP-miðstöðin.
Mikill áhugi er fyrir því að NOSP-áætl-
unin komist í framkvæmd en mestum
erfiðleikum veldur að núverandi samskrár á
Norðurlöndum eru mjög misjafnar að gerð
og vandkvæði á samræmingu þeirra.
Næsti dagur hófst með því að Tor Hen-
riksen, lektor við Statens bibliotekskole
flutti fyrirlestur er hann nefndi: Flokkun á
Norðurlöndum; ringulreið eða samvinna.
Hann gerði grein fyrir flokkunarkerfum
þeim er aðallega eru notuð í norrænum
bókasöfnum en þau eru mörg. Henriksen
hvatti til samvinnu á sviði flokkunar og
benti á að möguleikar gætu verið á að hafa
áhrif á hin alþjóðlegu kerfi ef Norður-
landaþjóðir gætu sameinast um eitt
flokkunarkerfi.
Eftir hádegi fóru þátttakendur í Háskóla-
bókasafnið í Osló og kynntu sér aðfanga-
kerfi safnsins.
Fimmtudaginn 18. ágúst flutti Maurice
Line, forstöðumaður BLLD (British Library
Lending Division) fyrri fyrirlestur dagsins
um BLLD og Norðurlönd. Line rakti sögu
safnsins og lýsti uppbyggingu og daglegri
starfsemi þess. Það kom fram hjá honum að
ritakostur safnsins væri um það bil
2.750.000 bindi og tæplega 2.000.000 verk í
örformi. Lánsbeiðnir voru á síðasta reikn-
ingsári safnsins (1976-77) alls. 2.540.000
(þar af 377.400 frá útlöndum) og af þeim
hefði tekist að verða við 93.9% beiðna. Line
taldi að ástæðulaust væri fyrir Norður-
landaþjóðirnar að koma sér upp sameigin-
legu lánasafni með miklum tilkostnaði
meðan BLLD gæti veitt svo góða þjónustu
sem raun bæri vitni.
Síðari fyrirlestur þessa dags flutti Odd
Heide Hald, lektor við Statens bibliotek-
skole og fjallaði hann um þjóðbókaskrár á
Norðurlöndum. Gerði hann grein fyrir gerð
hverrar þeirra, tegundum efnis, útgáfuformi
o.fl. Einnig gerði hann grein fyrir lögum um
skylduskil til safna á Norðurlöndum og
vandamálum í sambandi við þau. Hann
taldi að víða væri þörf á að koma í lög
ákvæðum um skil á nýjum tegundum efnis,
svo sem ýmis konar nýsigögnum.
Föstudaginn 19. ágúst komu á námskeið-
Framhald á bls. 39
16