Bókasafnið - 01.02.1988, Blaðsíða 16
BÓKASAFNIÐ
bókasafnsfræðinga sé í rauninni það sem vantar. Varð-
andi skólasöfnin þá er enn rætt um tvöfalda menntun en
spumingin er með hvaða hætti sé best að byggja þá
menntun upp. Um það er ekki eining.
Wong Kim Siong bauð jafnframt til ráðstefnu í landi
sínu árið 1989 og kynnti lítillega land og þjóð og ferða-
möguleika um Asíu fyrir eða eftir ráðstefnuna. Arið
1988 verður ráðstefnan hins vegar í Kalamazoo í Banda-
ríkjunum.
Lokaorö
Allur undirbúningur og þinghaldið sjálft gekk stóráfalla-
laust. Að vísu komst David Elaturoti frá Nígeríu ekki til
landsins en hann átti að taka þátt í pallborðsumræðum á
föstudag. Hann sendi þó til okkar eftir þingið ýmislegt
sem hann hefði viljað að kæmi fram í umræðunum og
verður það prentað með fyrirlestrum og öðru efni frá
ráðstefnunni, sem verður gefið út í svokölluðum Pro-
ceedings um áramótin 1987-88. Einnig varð einn þing-
gesta að fara heim á fyrsta degi vegna lasleika en það mál
var hægt að leysa með skjótum hætti. Áður er minnst á
tölvusamband við Ástralíu en annað sem upp kom
verður að teljast til minniháttar vandamála.
Aðstaðan í nýju álmunni á Hótel Sögu er öll til
fyrirmyndar. Við höfðum tvo misstóra sali til umráða og
allur útbúnaður þar var mjög fullkominn. Auk þessa
lögðum við undir okkur anddyri þar sem m.a. var sett upp
sýning á íslenskum bamabókum frá Bókaverslun Sig-
fúsar Eymundssonar en ráðstefnugestir fengu jafnframt
afslátt í bókabúðinni. Einnig komu margir með ýmiss
konar efni sem þeir vildu koma á framfæri, annaðhvort
til að taka með sér eða til skoðunar, þannig að á tímabili
voru öll borð hlaðin af pappír, fjölritum, bókum og öðru
efni.
Tilgangurinn með svona ráðstefnu er margvíslegur.
Fólk kemur til að fræðast og læra eitthvað nýtt og jafn-
framt til að miðla öðrum af eigin þekkingu. Margir fá
vítamínsprautu sem gerir hið daglega starf meira lifandi
og skemmtilegt og einnig kynnist fólk með sameiginleg
áhugamál og ný sjónarhom opnast. Á þessari ráðstefnu
var fólk úr öllum heimshomum, með afskaplega mis-
munandi menntun og reynslu og starfsskilyrðin vægast
sagt ólík. Þó vantaði ef til vill fleira fólk frá þróunarríkj-
um, þar sem aðstaðan er hvað verst, ólæsi víða landlægt
og bókaútgáfa í molum. Þetta fólk á hvað síst heiman-
gengt og það er íhugunarefni hvemig því verður breytt.
Það sem mér fannst eftirtektarvert eftir viku samveru var
í fyrsta lagi þær miklu faglegu kröfur sem þetta fólk gerði
til sín og einnig til annarra og mikill áhugi á nýjungum
í faginu, eða nýjungum sem hægt væri að nýla innan
fagsins. Einnig var áberandi mikil óvissa um framtíðina
og inn á hvaða brautir bókasafnsfræðin færi á næstu
ámm. Það er erfitt að meta beinan ávinning af svona
samkomum en mér fannst ég læra heilmikið, ég kynntist
skemmtilegu fólki og ég vona að okkur íslendingum hafi
tekist að sýna landið okkar í réttu ljósi.
Að lokum vil ég nota tækifærið og þakka öllum
þeim sem á einn eða annan hátt aðstoðuðu við að gera
þessa ráðstefnu að veruleika.
Náms- og kynnisferð ráðstefnugesta IASL
Þórdís T. Þórarinsdóttir
bókavöröurMenntaskólans viö Sund
Að lokinni vel hcppnaðri ráðstefnu IASL tóku 44 er-
lcndu gestanna þátt í fimm daga náms- og kynnisferð um
fósturjörð okkar, undir fararstjóm undirritaðrar. Feng-
um við til fararinnar þaulreyndan bflstjóra, Guðmund
Laugdal, á 62ja manna glæsibifreið, sem hann hafði
sjálfur byggt yfir, og vakti það óskipta athygli og aðdáun
farþeganna. Mikill kostur var að svo rúmt var um fólkið
í bflnum því að við ókum tæpa 1.500 km á þessum fimm
dögum og reyndi oft á þolrifin í okkur ferðalöngunum á
íslensku hraðbrautunum.
Skemmst er frá því að segja að veðurguðimir léku
við okkur allan tímann. Ferðin gekk vel og slysalaust
nema að einn farþeginn var svo óheppinn að detta, er
hann var í sturtu síðasta morguninn, og meiða sig á
handlegg. Var okkar síðasta verk eftir miðnætti fimmta
daginn, þegar allir aðrir vom komnir heilu og höldnu
hcim á hótcl, að aka honum á Slysavarðstofuna.
Fyrsta daginn ókum við sem leið liggur um Hval-
fjörð upp í Borgarfjörð. Hádegisverðinn borðuðum við
í Reykholti og notuðum jafnframt tækifærið til að skoða
okkur þar um. Eftir hádegið skoðuðum við ýmis náttúru-
fyrirbæri s.s. Hraunfossa, Bamafossa og Deildartungu-
hver. Síðdegis ókum við svo til Stykkishólms í áningar-