Bókasafnið - 01.03.1991, Blaðsíða 8
Ólafur fyrir framan Landsbókasafnið sem var vinnustað-
ur hans í 30 ár.
Bókamerki Ólafs F. Hjartar, teiknað af syni hans Sverri.
Ritaskrá Ólafs er löng. Hann hefur skrifað um marga
þætti bókasafnamála, bókfræði og bókmerki auk þeirra
gagnmerku skráa sem hann hefur tekið saman, t.d. skrár
um doktorsritgerðir Islendinga, Vesturheimsprent, Is-
lenska bókfræði og margt, margt fleira. Einnig tók Ólafur
saman töflu um íslenska bókaútgáfu 1887-1962 fyrir
Bóksalafélag Islands sem birtist í Afmælisriti Bóksalafé-
lagsins 1964. Taflan birtist svo aftur endurgerð í Arbók
Landsbókasafns 1967. Einnig skrifaði hann um föður sinn
í bók sem kallast Faðir minn skólastjórinn, sem kom út
1982, eins og áður er nefnt.
Svo varst þú líka fyrsti stundakennarinn í
bókasafnsfræðinni
Ég byrjaði að kenna stundakennslu í bókasafnsfræði
við Háskóla íslands 1960-61 og kenndi þá m.a. skráningu
og aðra safnfræði, eins og það var kallað, tvær stundir á
viku. Síðan kenndi ég frá 1963 til 1973. Við vorum aðeins
tveir við kennslu, ég og dr. Björn, þar til vorið 1965 að
Einar Sigurðsson tók við kennslu. Kristín H. Pétursdóttir
hóf svo kennslu 1968. Mérféll alltaf best að kenna ál. og2.
stigi en Kristín kenndi á 3. stigi. Ég kenndi flokkun,
skráningu og bókfræði. I flokkun kenndi ég aðallega
Dewey-kerfið en reyndi líka að kynna nemendum önnur
kerfi eins og til dæmis Ranganathan. Mér fannst nauðsyn-
legt að nemendur vissu um önnur kerfi en sumum fannst
það óþarft. Ég vann líka fjölrit um íslenska bókfræði til
þess að auðvelda nemendum bókfræðinámið.
Arið 1965 fór ég til Bandaríkjanna í námsferð á vegum
Bandaríkjastjórnar og var ferðin skipulögð sem hópferð
20-30 bókavarða alls staðar úr heiminum. Ég var t.d. í
herbergi með bókaverði frá Indlandi sem hefur skrifað
bók um flokkun sem hann sendi mér. Ég hafði gaman af
að heimsækja Library of Congress, einkum þó að sjá
heimkynni Dewey-kerfisins og aðstöðuna þar. Ferðin var
þó endasleppt því ég veiktist og varð að fara heim áður en
dagskránni lauk. Verst þótti mér að missa af því að sjá
Cornell-safnið. Það átti því ekki fyrir mér að liggja að sjá
Fiske-safnið og mér hefur ekki tekist það ennþá.
Ég fór síðan aftur vestur um haf þegar ég vann að
undirbúningi að Vesturheimsprentiog skrifaði um þá ferð
í Alþýðublaðið 1977. Þetta var mjög ánægjuleg ferð og þá
varð til þessi vísa:
Allar leiðir undur greiðar
eflir heiða sólin þor.
Vélin skeiðar brautir breiðar
birtu seyðir inn til vor.
Ég hef oft kastað fram stöku en lítið hirt um að sjá
ljóðin mín á prenti.
Þú varst líka stofnfélagi Bókavarðafélags Islands
Bókavarðafélag Islands var stofnað 4. desember 1960 í
húsi Bókasafns Hafnarfjarðar. Guðmundur G. Hagalín,
bókafulltrúi, hafði aðallega unnið að undirbúningi að fé-
lagsstofnuninni. Mig minnir að stofnfélagar hafi verið um
40. Herborg Gestsdóttir var kosin fyrsti formaður félags-
ins en auk þess voru í fyrstu stjórninni Anna Guðmunds-
dóttir, varaformaður, Haraldur Sigurðsson, ritari, ég var
féhirðir og Hilmar Jónsson meðstjórnandi. Eitt af fyrstu
8
BÓKASAFNIÐ