Bókasafnið - 01.03.1991, Blaðsíða 15

é Fíle Edit Commnnds Settings Phone Keypod
þjónustan (ASCIS RECON) er ný þjónusta sem er í boði
frá og með þessu ári og gerir skólum kleift á ódýran hátt
að breyta frá spjaldskrá yfir í tölvuskrá. Skólarnir geta
keypt alla skráningartextana á einu bretti í tölvutæku
formi. ASCIS veitir einnig þeim skólum, sem vilja nota
DOBIS/LIBIS sem sitt safnkerfi, þjónustu í formi skrán-
ingar, útlána, tímaritahalds og pantana.
Að sjálfsögðu er aðeins hluti þjónustu ASCIS nýttur af
hverjum skóla fyrir sig. DOBIS/LIBIS hugbúnaðurinn
hefur verið notaður af ASCIS til þess að gefa skólum kost
á fjölbreyttri þjónustu, mismunandi formi upplýsinga og
til þess að mæta mjög ólíkum þörfum. Þessar ólíku þarfir
og mismunandi not sem fylkin hafa haft af ASCIS og
DOBIS/LIBIS verða nú skýrð lítillega.
ASCIS íNýja Suður Wales
Menntamálaráðuneyti Nýja Suður Wales, þar sem eru
meira en 2000 skólar, tók þá ákvörðun að veita miðlæga
þjónustu fyrir tölvuvæðingu í stjórnun hvers skóla. A
þriggja ára tímabili er hugbúnaðurinn veittur skólunum
þeim að kostnaðarlausu og alls kyns aðstoð veitt hverjum
skóla við val á vélum til að starfrækja hugbúnaðinn.
Tölvukerfi það sem skólarnir nota við stjórnunina heitir
OASIS (Office Automation School Information System)
og var þróað af verktaka eftir forskrift menntamálaráðu-
neytisins. Hugbúnaðurinn nær einnig yfir skólasafnakerfi
sem kallast „OASIS Library“ og tekur skrá skólasafnsins,
annast útlán, tímaritahald, pantanir, fjármál, staðtölu-
gerð, tengingu við utanaðkomandi gagnasöfn og aðra
starfsemi skólasafna. OASIS gengur á IBM PC tölvur og
aðrar samhæfðar vélar með nettengingu. OASIS tekur
ASCIS færslur með afritun (downloading) í beinni teng-
ingu eða með disklingi.
Ríkisskólar í Nýja Suður Wales nota þannig ASCIS
sem grunn fyrir skráningartexta til að búa til sínar eigin
bókasafnaskrár.
Skólarnir eru áskrifendur að ASCIS og geta notað þjón-
ustuna beint. Skólasafnverðir leita í gagnasöfnum ASCIS
beint eða af örfilmum og geta pantað færslur eins og þörf
krefur. ASCIS endurskráningarþjónustan hefur einnig
verið notuð þar sem OASIS-kerfið hefur verið tekið í
notkun. Þar að auki eru ASCIS gagnasöfnin notuð fyrir
alls kyns upplýsingaleitir um nýjar bækur fyrir bókasafn-
ið eða nýtt námsefni.
Skólasafnamiðstöð sem staðsett er í menntamálaráðu-
neyti Nýja Suður Wales sendir skráningartexta og um-
sagnir í ASCIS gagnasöfnin. Framlag miðstöðvarinnar er
sent beint frá Sydney til ASCIS í Melbourne í gegnum
tölvuna. Þessi skráning er þá strax aðgengileg öllum skól-
um í Astralíu. Skólasafnamiðstöðin er einnig ábyrg fyrir
innsetningu á upplýsingum um námsefni í smásöfnin
ACIN og NCIN sem áður eru nefnd. Enn fremur veitir
skólasafnamiðstöðin skólum Nýja Suður Wales upplýs-
ingar um OASIS og ASCIS og alls kyns prentuð gögn til
að aðstoða skólana við að nota til fulls þjónustu ASCIS-
kerfisins.
ASCIS í Vestur Ástralíu
Menntamálaráðuneyti Vestur Ástralíu hefur tekið aðra
afstöðu til notkunar ASCIS og annarra tölvuvæðingar-
mála skólasafna í ríkisskólum. Námsefnisþjónustan
(Curriculum Materials Information Services) innan
BÓKASAFNIÐ
15