Bókasafnið - 01.03.1991, Blaðsíða 23

Marta Hildur Richter forstöðumaður, Héraðsbókasafni Kjósarsýslu
Héraðsbókasafn — skólasöfn
þjónusta — samvinna
Héraðsbókasafn Kjósarsýslu varð 100 ára í ágúst
1990. Það var stofnað við hamarinn hjá Seljadalsá
við sunnanvert Hafravatn og hét þá Lestrarfélag Lága-
fellssóknar. Bókasafnið hefur lengi verið í beinum eða
óbeinum tengslum við skólana. I nærri 30 ár var það til
húsa í Brúarlandsskóla og frá 1971-1983 í Gagnfræðaskól-
anum. Meðan safnið var í Gagnfræðaskólanum var fyrir-
komulagið svipað og í samsteypusöfnum.
Þjónusta
Sumarið 1985 var skólasafn Gagnfræðaskólans skráð af
starfsmönnum Héraðsbókasafns Kjósarsýslu. Hefur
Héraðsbókasafnið síðan séð um alla bókfræðilega þjón-
ustu og eftirlit með spjaldskrá og bókaeign.
Skólaárið 1985-1986 starfaði Kristín Jóhannsdóttir
bókasafnsfræðingur í skólasafni Varmárskóla. Fékk hún
aðstöðu í Héraðsbókasafninu til að skrá skólasafnið í
samvinnu við bókaverði Héraðsbókasafnsins. I Héraðs-
bókasafninu er því samskrá yfir bækur þessara þriggja
safna og er það til mikils hagræðis fyrir alla aðila, sérstak-
lega hvað varðar millisafnalán sem eru töluverð. I lok
hvers skólaárs bera skólasafnverðir og bókaverðir Hér-
aðsbókasafnsins saman spjaldskrár og bókakost skóla-
safnanna. Er þannig reynt að tryggja að fullt samræmi sé
þar á milli.
Nú hefur tölvuvæðing haldið innreið sína í Héraðs-
bókasafnið. Eru bækur skólanna þá tölvuskráðar og
prentuð út spjöld fyrir söfnin þar. Haustið 1989 tók Hér-
aðsbókasafnið endanlega að sér alla bókfræðilega þjón-
ustu við skólasafn Varmárskóla og allan frágang á bókurn
að auki. Tvisvar á vetri fær skólasafnið bókakassa með
barnabókum að láni frá Héraðsbókasafninu. Starfsmenn
Héraðsbókasafnsins taka virkan þátt í undirbúningi
heimildaverkefna í samvinnu við skólasafnvörð og kenn-
ara Gagnfræðaskólans. Þá sér Héraðsbókasafnið einnig
um bókainnkaup skólasafns Gagnfræðaskólans í samráði
við skólasafnvörð og skólastjóra.
Héraðsbókasafn Kjósarsýslu er að langstærstum hluta
rekið af Mosfellsbæ. Safnið gerir fjárhagsáætlun í sam-
vinnu við bæjarráð og fær síðan fjárveitingu til ýmissa
þátta. Því hefur safnið ekki leyfi til að gefa öðrum stofn-
unum vinnu, enda gera þær stofnanir eigin fjárhagsáætl-
anir. Þar gera skólarnir ráð fyrir greiðslum til Héraðs-
bókasafns fyrir umsamda þjónustu. Gagnfræðaskólinn
greiðir fastar greiðslur mánaðarlega. Varmárskóli greiðir
samkvæmt reikningi tvisvar á ári. I reynd er um milli-
færslu á fjármagni milli stofnana bæjarins að ræða. Samn-
ingana gera skólastjórar og forstöðumaður Héraðsbóka-
safns. Eru þeir háðir samþykki bæjarstjórnar og fræðslu-
skrifstofu.
BÓKASAFNIÐ
Ánxgðir þátttakendur í lestrarralli Héraðsbókasaínsins og Varmárskóla.
BÓKASAFNIÐ
23