Bókasafnið - 01.03.1991, Blaðsíða 26

Helga Olafsdóttir forstöðumaður, Blindrabókasafni íslands
Blindrabókasafn Islands
— öðruvísi safn
Blindrabókasafn íslands er ríkisstofnun og heyrir
undir menntamálaráðuneytið. Safnið fær fjárveit-
ingar úr ríkissjóði og nema fjárveitingar yfirstandandi árs
27 milljónir króna. Jafnframt er starfandi styrktarsjóður
við safnið sem tekur á móti frjálsum framlögum einstak-
linga og stofnana. I safninu eru 165 titlar blindraleturs-
bóka og tæplega 3000 titlar hljóðbóka. Hljóðbókaeignin
er u.þ.b. 10.000 eintök. 1500 einstaklingar og 70 stofnanir
fá bækur frá safninu. Þær lána svo hljóðbækur til sinna
skjólstæðinga sem Blindrabókasafn hefur ekki tölu á.
Tíu starfsmenn eru ráðnir við safnið og auk þeirra
allmargir sjálfboðaliðar. Flestir sjálfboðaliðanna starfa við
innlestur á hljóðbókum aðrir starfa við útlán, frágang og
snyrtingu hljóðbóka sem koma frá lánþegum eftir notk-
un. Framlag sjálfboðaliða til starfseminnar er mikilvægt
og stæði safnið vissulega verr bæði hvað varðar bókafram-
leiðslu og útlánsþjónustu við lánþega ef ekki kæmi til
launalaus vinna velunnara þess.
Greinarhöfundur er forstöðumaður Blindrabókasafns Is-
lands. Ljósm.: Gunnar Ingimarsson
Öðruvfsi safn
Blindrabókasafn Islands er að ýmsu leyti frábrugðið
öðrum bókasöfnum í landinu. I fyrsta lagi er bókakostur-
inn hljóðbækur og blindraletursbækur en bækur með
hefðbundnu letri eru ekki til útlána í safninu. I öðru lagi
takmarkast þjónusta safnsins við þann hóp í þjóðfélaginu
sem á í erfiðleikum með að lesa hefðbundið letur, allt frá
alblindu fólki til þeirra sem eru ekki nægilega hraðlæsir til
þess að geta lesið samfelldan texta sér til gagns. Blindra-
bókasafn þjónar fólki sem leitar ekki eða í litlu.m mæli eftir
þjónustu á önnur bókasöfn og tekur þannig við þar sem
þjónustu annarra safna sleppir. Jafnframt framleiðir safn-
ið námsgögn fyrir námsmenn sem eru blindir og sjón-
skertir eða eiga af öðrum ástæðum erfitt með að lesa
hefðbundið letur.
Þrátt fyrir þessa sérstöðu vinnur safnið þó að sömu
markmiðum og önnur bókasöfn. Hlutverk þess er að sjá
lánþegum sínum fyrir alhliða bókasafnsþjónustu, að hafa
á boðstólum bókakost við sem flestra hæfi og gæta jafn-
vægis milli fræðslu- og skemmtiefnis.
Kristín Eiríksdóttir annast upptökur á námsefni sem
Wang Chao les. Ljósm.: Gunnar Ingimarsson.
Lestur á segulbönd
Blindrabókasafn hefur þá sérstöðu að framleiða sjálft
allan sinn bókakost. I tæknideild eru hljóðbækur safnsins
framleiddar, þ.e.a.s. bækur til almennra útlána og náms-
bækur. I hljóðveri tæknideildar voru lesnar 152 bækur á
árinu sem leið, þar af 10 barnabækur og 34 námsbækur.
Auk þess fékk safnið 53 hljóðritaða titla frá Ríkisútvarp-
inu. I hljóðveri safnsins eru tveir upptökuklefar. Sjálfstýr-
ing á upptökutækjum er í klefunum svo lesarar geta
stjórnað lestrinum sjálfir, gert hlé og endurtekið að vild.
26
BÓKASAFNIÐ