Bókasafnið - 01.03.1991, Blaðsíða 34

tölvuvæðing, gerð samskráa og
listbókfræði og samræmdur
efnisorðaforði yfir sjónlistir.
A öllum Norðurlöndunum
er nú í gangi, eða um það bil að
hefjast, verkefni á sviði listbók-
fræði. Oll miðast þau við að
vera aðgengileg í beinlínu-
sambandi og þannig úr garði
gerð að þau samlagist öðrum
kerfum eða gagnagrunnum sem
innihalda listefni. Norrænum
listheimildum hefur hingað til
verið gerð ófullnægjandi skil í
alþjóðlegum gagnagrunnum
yfir listsögulegar heimildir, t.d.
hefur sama sem ekkert birst þar
af íslenskum listheimildum.
Tveir af stærstu gagnagrunnum
á sviði sjónlista, RAA/Réper-
toire d’Art et d’Archeologie
(franskur gagnagrunnur) og
RILA/Repertoire Internation-
al de l’Literature d’Art (alþjóðlegur gagnagrunnur) hafa
nú frá haustinu 1990 sameinast í BHA/Bibliographie de
l’Histoire de l’Art. Skráin verður aðgengileg bæði sem
prentuð skrá (keypt til bókasafns Listasafns Islands) sem
og í beinlínusambandi.
Árið 1989 fór BHA þess formlega á leit við Norður-
löndin fimm að val á heimildum og ritstjórn færi fram í
viðkomandi löndum. Samkvæmt áætlun sem gerð var árið
1989 er talið að frá Danmörku komi 350 færslur árlega, frá
Svíþjóð 350, Noregi 50-100, Finnlandi 50-75 og 15-20 frá
íslandi. Hafa ber í huga að um valdar listsögulegar heim-
ildir er að ræða á efnissviðunum myndlist, nytjalist/hönn-
un og byggingarlist. Samræmdar skrár og efnisorð yfir
norrænar sjónlistir munu væntanlega þróast samsíða
þessu verkefni og binda öll Norðurlöndin vonir við að sú
vinna komi að gagni við gerð samræmdra efnisorða í
framtíðinni. Þau lönd sem flestar færslurnar senda (Dan-
mörk og Svíþjóð) munu skrá færslur beint í PSILOG
tölvukerfið sem notað er af BHA. Onnur lönd munu
handfæra færslur og senda inn. NORDINFO hefur sam-
þykkt að styrkja þetta samstarfsverkefni, sem nefnt hefur
verið NIK (Nordisk Information Kunst) Pilotprojekt,
einkum hvað snertir þróun, tækjabúnað og ferðir, en
hvert land þarf hinsvegar að sjá um að standa undir kostn-
aði við hverja færslu, s.s. val, gerð útdrátta o.fl.
Bókasafn Listasafns Islands er ábyrgt fyrir færslum er
snerta myndlistir ásamt því að sinna ritstjórn af Islands
hálfu en bókasafnið við Myndlista- og handíðaskóla Is-
lands er samstarfsaðili þess og ber einkum ábyrgð á efni
um nytjalist/hönnun og byggingarlist. I fyrsta árgangi
BHA (1990) munu því birtast valdar íslenskar listsöguleg-
ar heimildir, bæði bækur og greinar í tímaritum sem birt-
ust á árinu 1989. Innan tíðar verður hér kominn grunnur
að samtíma íslenskri listbókfræðiskrá.
Samstarfshópur íslenskra listbókasafna hefur starfað
óformlega, en reglulega, frá stofnun ARLIS/Norden
haustið 1986. í honum hafa verið fulltrúar frá Myndlista-
og handíðaskóla íslands, Listasafni íslands,,Þjóðminja-
safni íslands, Norræna húsinu og Háskólabókasafni.
Samvinna á meðal íslenskra listbókasafna á heimavelli
mun í framtíðinni einkum tengjast frekari tölvuvæðingu
þeirra s.s. vali á bókasafnskerfi, samræmingu efnisorða-
skráa, efnislyklun og gerð samskráa, skiptingu aðfanga
eftir efnissviðum, millisafnalánum og frekari tengslum við
önnur söfn á listasviði (tónlist, leiklist) sem og við mynd-
efnissöfn landsins.
Það er ekki aðeins nauðsynlegt að efla tengsl milli safna
á líkum sviðum og starfsmanna þeirra heldur þarf ekki
síður að virkja til samvinnu ýmsar aðrar sérfræðingastéttir
sem starfa á líkum fræðasviðum, svo sem listfræðinga,
sagnfræðinga, fornleifafræðinga, myndefnissafnverði
o.fl. sem oft eru að vinna að sömu málum frá ef til vill öðru
sjónarhorni en bókasafnsfræðingar.
HEIMILDIR
Bonafede, Cecile V. 1989. ARLIS Norden, Society for Nordic art
librarianship. Art Documentation 8(Spring).
Co-operation between art libraries 1986. Art Libraries Journal 11(2)
:9-32.
A readerin art librarianship 1985. Part 4 : Cooperation and associa-
tion. Edited by Philip Pacey. Munchen : K.G. Saur. (IFLA Pub-
lications; 34), s. 165-190.
Salling, Emma 1990. BHA and the Nordic countries. ARLIS Norden
INFO 4(3-4):24-27.
SUMMARY
Cooperation among art libraries
The articíe provides a complete review of international, regional
(Nordic) and Icelandic cooperative projects in the area of art libraries
and related institutions. There is an introductory part with explana-
tions and definitions concerning the essence of art libraries and the
nature of information collected and used there. It is followed by a
detailed analysis of international (ARLIS) and withing that Nordic
(ARLIS/Norden) cooperation in particular. Icelandic participation is
stressed throughout when relevant. The recent creation of a new
international online bibliographic database (BHA) is likely to facili-
tate the production of a current Icelandic art bibliography in the near
future. There is therefore not only a growing need for cooperation
among Icelandic art libraries proper but that it should also be exten-
ded to the related fields of archeology, history and museology.
34
BÓKASAFNIÐ