Bókasafnið - 01.03.1991, Blaðsíða 41
Sigríður Sigurðardóttir bókasafnsfræðingur,
Bókasafni Verkmenntaskólans á Akureyri
Bókasafn Verkmenntaskólans á Akureyri
Verkmenntaskólinn á Akureyri var stofnaður 1984
og tók þá við hlutverkum framhaldsdeilda Gagn-
fræðaskóla Akureyrar, Hússtjórnarskóla Akureyrar og
Iðnskólans á Akureyri. Núna eru eftirtaldar námsbrautir
starfandi við skólann: heilbrigðissvið, hússtjórnarsvið,
tæknisvið, uppeldissvið, viðskiptasvið og öldungadeild.
Nemendur skólans eru 1000 í dagskóla og 180 í öld-
ungadeild. Tæplega 65% nemenda eiga lögheimili utan
Akureyrar. Vegna þessa og vegna samfellds skóladags,
með hléurn þar og hér allan daginn, er nýting safnsins
geysilega mikil, einnig á kvöldin. Safnið er opið frá 8 á
morgnana til 10 á kvöldin og einnig um helgar. Starfsmenn
safnsins eru tveir, í einni og hálfri stöðu.
Þegar bókavörður var ráðinn til skólans haustið 1987
mátti heita að bókakostur samanstæði af örfáum kennslu-
bókum síðan 1940. Strax var hafist handa við að kaupa inn
í samráði við kennara og nemendur og byrjað að snurfusa
í hillunum sjö sem bókasafnið fékk til afnota. í nokkra
mánuði var safnið lítið stærra en nokkrar hillur á vinnu-
stofu kennara í gamla Iðnskólanum. Næsta skref var stig-
ið þegar safnið fluttist í litla kennslustofu í nýbyggingu
skólans. Undirbúningur að nýju bókasafnshúsnæði var þá
þegar hafinn og gekk fljótt og vel. Enda kom að því strax í
október 1989 að bókavörður flutti með allt sitt hafurtask í
230 fermetra húsnæði sem angaði af nýju timbri og lakki
og glansaði af fagurlitum hillustæðum allt um kring. Hús-
næði safnsins á eftir að stækka þar sem hluti þess er
notaður sem kennslustofa meðan skólinn er í byggingu. I
safninu eru sæti fyrir 50 nemendur og voru lesborðin
smíðuð af trésmíðanemum skólans.
Safnið á 2500 titla sem ekki er búið að skrá nema til
bráðabirgða þar sem allur safnkostur verður skráður í
tölvu á næstunni. Tímarit í áskrift eru 70 fyrir utan gjafa-
áskriftir. Sérstök áhersla er lögð á fagtímarit tæknigreina.
Auk lesaðstöðu hafa nemendur aðgang að þremur tölvum
Greinarhöfundur aðstoðar tvo nemendur Verkmennta-
skólans.
á safninu til að vinna verkefni sín í. Fyrir gjafapeninga,
sem bárust frá fyrsta afmælisárgangi skólans vorið 1990,
var keypt CD-ROM drif og nú er verið að leggja drög að
því að fjárfesta í tækniorðabók á geisladiski. Bókasafnið
starfar, eins og önnur skólasöfn, með þarfir nemenda og
kennara að leiðarljósi en eitt aðalverkefnið á næstunni
verður að skrá safnkostinn inn í tölvu.
Það stendur til að framhaldsskólarnir á Akureyri verði
samferða í kaupum á skráningarforriti og bendir flest til
þess í dag að norska kerfið MIKROMARC verði fyrir
vaiinu. Þess rná geta að Amtsbókasafnið á Akureyri og
Háskólinn á Akureyri hafa þegar keypt MIKROMARC
og hugsum við okkur gott til glóðarinnar með samstarf á
sviði tölvumáia. Samstarf er rnikið á milli safnanna á Ak-
ureyri, ekki síst framhaldsskólanna, og einnig höfum við
reynt að taka þátt í samstarfi framhaldsskólanna á suð-
vesturhorni landsins.
Þrátt fyrir ungt safn hefur uppbygging gengið vel og er
það ekki síst að þakka góðurn vilja stjórnenda og kennara
skólans. Það er því ekki ástæða til annars en að líta björt-
urn augum til framtíðar.
SUMMARY
The library of the Technical School in Akureyri
As an introduction the report briefly describes the function and
composition of this recently founded school. The organization of
library services has started only in 1987 and culminated in moving to
newly built premises two years later. There has been a rapid increase
in titles and subscriptions followed by quick technological advances
such as the purchase of CD-ROM drive and the pending adoption of
MIKROMARC cataloguing software. Such improvements support
the current and long-term objective of regional and even national
cooperation.
I safninu eru sæti fyrir 50 nemendur og voru lesborðin
smíðuð af trésmiðanemum skólans.
BÓKASAFNIÐ
41