Ársrit Heilsuhælisfélagsins - 01.03.1913, Blaðsíða 5
Um Heilsuhælisfélagið.
(Alþingisræða landlæknis við 2. umræðu fjárlaganna í efri
deild 1913).
Ég er þakklátur háttvirtri fjárlaganefnd fyrir það,
að hún tók til greina tilmæli mín við hana um að hækka
styrkinn til að koma upp sjúkraskýlum á föstum lækna-
setrum (12. gr. 10 b) og utanfararstyrk héraðslækna (12.
gr. 10 f). Hinsvegar verð ég að segja, að ég er háttv.
nefnd ekki þakklátur fyrir breytingartillögu hennar um
styrkinn til Heilsuhælisins á Vífilsstöðum.
Mér kom breytingartillaga þessi nokkuð á óvart. Mér
hafði satt að segja aldrei dottið í hug, að háttv. nefnd
mundi breyta þar til, allra síst, að hún mundi færa niður
styrkinn til Hælisins án þess að hafa tal af mér. Ég á-
saka háttv. nefnd þó ekki þunglega fyrir þetta, því að
hún hefir þær málsbætur, sem við allir þekkjum, að hún
heíir átt fjarska annríkt.
En ég get ekki látið ummœli hennar í nefndarálitinu
með öllu óumtöluð.
I orðum hennar liggja nefnil. allþungar ásakanir á
stjórn Heilsuhælisfélagsins. Ég get að visu látið mér á
sama standa um það, sem að mér er beint af ámælunum,
en verð, hvað sem mér sjálfum líður, að taka málstað
þeirra annara manna, sem mest eiga hlut að máli, en
það eru þeir Klemens Jónsson landritari, sem er formað-
ur félagsins, og gjaldkeri þess, bankastjóri Sighvatur
Bjarnason.