Dagur - 27.11.1999, Blaðsíða 2
18 - LAUGARDAGUR 27. NÓVEMBER 1999
HELGARPOTTURINN
...Hann lætur ekki deigan sfga sá Ijóti í neöra og ætlar ekki að gefast upp
fyrr en í fulla hnefana fyrir honum Hrafni Gunnlaugssyni dýravini og
myrkramanni. Þrátt fyrir langa hrakfallasögu nýju myndarinnar, Myrkra-
höfðinginn, sem var vonandi frumsýnd í gærkvöld í Háskólabíói, þá átti
ekki af henni að ganga því daginn fyrir frumsýninguna var ætlunin að
halda fjölmiðlasýningu fyrir gagnrýnendur en á elleftu stundu kom í Ijós
að galli var á einni rúllunni og er nú bara óskandi fyrir nánustu aðstand-
endur að myrkrahöfðinginn hafi sagt sitt síðasta og láti Hrafn nú í friði
næstu árin...
...Vilji menn sjá bæði og heyra hann Börk Gunnarsson rithöfund (og
systurson Höskuldar Skarphéðinsson þess mikla skipherra) er rétt
að vera snar í snúningum því pilturinn sá, sem áður hefur m.a. afrekað
að skrifa handritið að Sjálfvirkjanum en er nú að gefa út skáldsöguna
Sama og síðast, stundar nám í kvikmyndagerð ÍTékkó líkt og fleiri góð-
ir menn hafa gert á undan honum og er rétt kominn til landsins í helg-
arferð og flýgur á brott aftur strax á mánudag. Tilefni helgarferðarinnar
erað lesa upp úr nýju bókinni í Kaffileikhúsinu í dag milli kl.15 og 17...
...Á nýársfagnaði '68 kynslóðarinnar sem hald-
in verður á Hótel Sögu á nýársdagskvöld
munu koma saman hinir íslensku Bítlar, Hljóm-
ar úr Keflavík, í sinni upprunalegu mynd.
Þannig er hljómsveitin skipuð þeim Gunnari
Þórðarsyni, Rúnari Júlíussyni, Engilbert
Jensen, Erlingi Björnssyni að ógleymdri
Shady Owens, sem kemur alla leið frá Bret-
landi. Til nýrrar aldar horfir í hátíðarraeðu Pét-
urs Gunnarssonar rithöfundar og heim-
spekings, sem nú í nóvember var verðlaunað-
ur fyrir bók sína Punktur punktur, komma-strik, sem fjallar um mótunar-
ár ‘68 kynslóðarinnar í Reykjavík. Þá er ónefnd sveitin Pops, en það er
orðin árviss vani að hún komi saman undir lok ársins til að æfa fýrir
þennan árvissa nýársfang. Þá mun Sigrún Eðvaldsdóttir fiðluleikari
og konsertmeistari Sinfónfuhljómsveitar íslands koma fram með sínum
tilfinningaríka og kraftmikla stíl og leika nokkra fegurstu fiðlukonserta
síðustu alda. Samkomunni stjórnar Margrét S. Björnsdóttir, sem nú
er innsti koppur í búri í Háskóla íslands...
...Og meira um Rúnna Júl. Suðurnesjamenn
hafa ákveðið að sýna rokkaranum hvað þeim
þykir mikið til hans koma og hans framlags til
menningar í bænum. í byrjun desember fær
Rúnar Júlíusson menningarverðlaun
Reykjanesbæjar ásamt Hitaveitu Suðurnesja
(því að fyrirtækjunum var auðvitað ekki hægt
að sleppa). Þetta er í fyrsta sinn sem verð-
launin eru veitt og því auðvitað smart fyrir
Rúnna að fá þau. Rokkarinn ætlar að borga
fyrir sig og gerir það á „grand“ hátt í samstarfi
við Hitaveituna með tónleikum í beinu fram-
haldi af verðlaunaafhendingunni í Frumleikhúsiriu í Keflavík...
...og svo til fallegu drengjanna sem kepptu í
fegurð í Broadway í vikunni. Niðurstaðan ligg-
ur loksins fyrir og sá sem hreppti hnossið, kór-
ónuna og sprotann er harður nagli að vestan.
Það upplýsist hér með að hann heitir Ægir
Öm Valgeirsson og er 23ja ára sjómaður frá
ísafirði en ekki fylgir sögunni hvort pilturinn er
ólofaður eða ekki...
...Barnabók skaust í fyrsta sæti íslenska bóksölulistans um daginn og
hafa menn varla áður kynnst öðrum eins atgangi því mánuður er til jóla
og fyrsta prentun (2000 eintök) af Harry Potter sem Bjartur gefur út
seldist upp á tólf dögum. Er hrifningin slík að bókaútgáfunni á Bræðra-
borgarstígnum berst daglega fjöldi áskorana um að flýta útgáfu á annarri
bókinni sem til stóð að kæmi út á næstu jólavertíð. Fyrir þá sem hafa fall-
ið kylliflatir fyrir honum Potter má benda á að kvikmyndin um drenginn
verður sýnd í ágúst 2001 og heimildir helgarpottara herma að sjálfur
Spielberg leikstýri...
...og meira af barnabókum. Geta höfundar
þeirra nú tekið kæti sína því Fræðsluráð
Reykjavíkur hyggst víst taka upp ósk-
ars/eddu/bókmenntaverðlaunaháttinn við
verðlaunaveitingarnar. Þ.e. í stað þess að
verðlauna eina bók stendur til að tilnefna
fimm frumsamdar og fimm þýddar barna-
og unglingabækur í byrjun desember til að
gera þærsýnilegri íbókaflóðinu. Helgarpott-
arar hjuggu eftir því að enginn bamabóka-
fræðingur eða rithöfundur er í dómnefndinni
heldur sitja þar Guðrún Pétursdóttir fyrr-
verandi næstumþvíforseti og líffræðingur, Sigrún Elsa Smáradóttir
lyfjakynnir og matvælafræðingur og Kristrún Olafsdóttir kennari...
...SH-ingamir láta ekki deigan síga frekar en fyrri daginn. Eftir glæstan
sigur í bikarkeppninni um síðustu helgi birtist mynd af fagnandi bæjar-
stjóra á forsíðu eins stórblaðsins (landinu og hvar var hann? í alklæðn-
aði í sundlauginni. Vel við hæfi að synda og fagna og auðvitað smart að
hoppa út í í jakkafötunum... Hvað um það, æ síðan hefur verið talað um
„blauta bæjarstjórann" í Hafnarfirði. Um helgina ku hafa verið kynnt ný
reglugerð um hegðan og háttvísi á sundstöðum og krossa menn því
fingur á bæjarskrifstofunum og vona að Magnús verði ekki kærður fýr-
ir að hoppa (fötunum út í laugina. Eða þannig... Allt fyrir málstaðinn!
Ægir Örn Valgeirsson.
Sigrún Eðvaldsdóttir.
D^ht
MSPSÉl
„Hugsunin var að hafa sýninguna fjölbreytta að efni og viðhorfum. Ég hefði hinsvegar þess vegna geta haft listamennina hundrað en
það var nauðsynlegt að skera þetta einhvern veginn niður/' segir Steingrímur Eyfjörð.
mynd: austri
31 listamaður
- eitt verk
Á sunnudaginn verður opnuð sýning 31 listamanns í safnahúsinu á Egilsstöðum.
Það er Steingrímur Eyfjörð sem stendur fýrir sýningunni en Einar Már Guðmunds-
son rithöfundur orti Ijóð í tilefni sýningarinnar.
„Þetta er mjög fjölbreytt sýning sem
kemur út eins og innsetning því
hún kemur út eins og eitt verk.
Hugmyndin var að vera með marg
radda sýningu. Eg bað Einar Má
um að skrifa texta um margræðni,
sem gæti verið eins konar inngang-
ur en hann orti ljóð sem er eins og
inngangur að sýningunni,“ segir
Steingrímur.
A milli 40 til 50 verk eru á sýn-
ingunni en það síðasta kemur í dag.
Þá ætlar Margrét H. Blöndal að
mæta á svæðið og skapa listaverk.
Steingrímur segir að listamennirnir
sem sýna séu einskonar fulltrúar
ákveðinna listastefna, aðferða eða
viðhorfa. „Hugsunin var að hafa
sýninguna fjölbreytta að efni og við-
horfum. Ég hefði hinsvegar þess
vegna geta haft listamennina hund-
rað en það var nauðsynlegt að skera
þetta einhvern veginn niður og ég
veit eiginlega ekki hvað réði því að
það voru jjessir en ekki einhverjir
aðrir.
A sýningunni eru málverk, skúlp-
túrar og teikningar. Svo verður
Hlynur Hallsson með nokkurskon-
ar þátttökuverk. Hann verður með
„Þetta er mjög fjölbreytt
sýning sem kemur út
eins og innsetning því
hún kemur út eins og
eitt verk.“
póstkort á bókasafninu sem er
þarna á efstu hæðinni, þannig
dreifist sýningin um húsið. Þetta
eru póstkort sem hann hefur búið
til og svo eru sýningargestir beðnir
um senda þau vinum og kunningj-
um.“
Gott að vera
nálægt náttúrunni
Steingrímur flutti til Austur-Héraðs
síðastliðið sumar. Hann segir að sýn-
ingin hafi komið þannig til að hann
hafi séð salinn í Safnahúsinu og
fundist upplagt að búa til sýnguna
inní hann. Hann segir Egilsstaði vera
hálfgerða miðstöð. „Það er mjög
mikið líf hérna, Jólakötturinn heitir
sérstök dagskrá sem er hérna fyrir
jólin. Það hefur verið gefið út plakat
með y'firliti yfir allt sem er að gerast
með mynd af svörtum ketti með jóla-
húfu. Það cru upplestrar, tónleikar
og ýmislegt fleira.
Það er að mörgu leyti mjög gott að
búa hérna. Hér er óskaplega fallcgt
og rólegt. Þannig að manni verður
svolítið meira úr verki ég finn fyrir
því. Svo fer maður reyndar alltaf í
bæinn svona einu sinni í mánuði.
Það er gott að vera nálægt náttúr-
inni, ég kann vel við það." -PJESTA
Maður vikunnar er Páll Pétursson, félagsmálaráð-
herra, fýrir að vilja sitja sem fastast í ráðherrastóln-
um þrátt fýrir samkomulag við formann flokksins
síns frá því í vor um að víkja fýrir Valgerði Sverris-
dóttur. Hann hefur þannig hafið á ný til lofts kjörorð
sjálfstæðisbaráttunnar - aldrei að víkja! Alla vega
ekki úr mjúkum ráðherrastólnum!
Páll Pétursson - fastsetinn ráðherra.