Dagur - 29.04.2000, Blaðsíða 2

2 - LAUGARDAGUR 29. APRÍL 2000
Da^itr
FRÉTTIR
Api styður hvorld
Össur né Trygga
Sj álfstædisþingmaður
fékk kjörseðil vegna
formannskosmiigar
Samfylkingarinnar.
Fáein dæmi um rugln-
ing en gengur mjög
vel, segir formaður
kjörstjómar.
Ami Ragnar Arnason þingmaður
Sjálfstæðisflokksins í Reykjanes-
kjördæmi fékk á dögunum send-
an kjörseðil til þátttöku í for-
mannskosningu Samfylkingar-
innar. Arni Ragnar þvertekur þó
fyrir öll tengsl við Samfylking-
una eða þá flokka og hópa sem
að henni standa og er ekki á leið-
inni úr Sjálfstæðisflokknum í
Samfylkinguna.
Reif seðilinn
Hvorn hyggst hann kjósa,
Tryggva eða Óssur? „Eg reif nú
bara þessi gögn,“ segir Árni
Ragnar og segist líta á þetta sem
einhvern nafnaruglning, margir
beri nafnið Arni Arnason og
Árni Ragnar Árnason:
Henti kjörseðlinum.
sumir sama millistaf og hann.
„Eg kannast nú við einhverja al-
nafna mína en veit ekkert um
þeirra pólitfsku skoðanir," segir
Árni Ragnar.
Jóhann Geirdal formaður kjör-
stjórnar Samfylkingarinnar hló
við þegar blaðamaður sagði hon-
um frá kjörseðlinum, sagði þetta
koma sér á óvart en vildi ekki
fullyrða um ástæður þess að Árni
Ragnar fékk seðil. „Eg hefði
Jóhann Geirdal:
Gengurmjög vei
gaman af að láta kanna hvað
þarna hefur komið upp, við höf-
um reynt að skoða það ef eitt-
hvað svona hefur komið upp,“
segir Jóhann.
Gengur mjög vel
Jóhann Geirdal segir formanns-
kjörið almennt hafa gengið mjög
vel þrátt fyrir nokkur dæmi þar
sem fólk hefur lýst óánægju
sinni yfir að hafa fengið kjörseð-
il. Hann segir hafa komið upp
nokkur dæmi þar sem fyrrver-
andi félagar í einhverjum þeirra
flokka sem að Samfylkingunni
standa hafi fengið kjörgögn. Það
fólk hafi að auki verið í einhverj-
um félögum sem hafa samþykkt
að taka þátt í stofnun Samfylk-
ingarinnar og hafi ekki hirt um
að segja sig úr slíkum félögum.
Jóhann nefnir Grósku sem dæmi
um slíkt félag. „Þó einhver segi
sig úr Alþýðubandalaginu þá gef-
ur það hvorki formanni, varafor-
manni né öðrum hjá Alþýðu-
bandalaginu rétt til að taka hann
út af félagaskrá í einhverjum
öðrum félögum," segir Jóhann
og Ieggur áherslu á að þetta fólk
eigi rétt á að taka þátt í for-
mannskosningunni en verði að
sjálfsögðu ekki sjálfkrafa félagar
í Samfylkingunni þegar hún
verður formlega stofnuð um
næstu helgi.
„Eg tel það líka alvarlegra ef
kjörstjórn sviptir fólk atkvæðis-
rétti án heimildar en að einhvcrj-
ir örfáir sem ef til vill vilja ekki
taka þátt fái sendan kjörseðil,"
segir Jóhann Geirdal. - HI
Skyldu margir taka þátt í aðgerðum á
sunnudag?
Bensin
hunsað?
„Við styðjum þessar aðgerðir.
Þetta er fyrst og fremst táknræn
aðgerð og við vonum að fólk sýni
lit,“ segir Runólfur Ólafsson
framkvæmdastjóri FÍB um þá
hvatningu sem gengur manna á
milli á Netinu og á uppruna
sinn f Evrópu, um að fólk mót-
mæli bensínverðshækkunum
með því að kaupa ekld bensín á
sunnudag, 30. apríl.
I hvatningunni segir meðal
annars: „Aðgerð þessari, sem er
beint gegn verðhækkunum á
eldsneyti, gengur út á það að
enginn taki bensín eða díselolíu
á bíla sína þann 30. apríl 2000.“
Nú kostar 95 oktana blýlaust
bensín 91,90 krónur og segir
Runólfur það hæsta verð sem
hann þckki til hér á landi - og
væri verðið reyndar 99,50 krón-
ur á lítrann ef ekki hefði komið
til gjaldabreyting ríkisins í októ-
ber. „Þó bensínverð kunni að
lækka örlítið þá er full ástæða
fyrir fólk að taka þátt í þessum
aðgerðum," segir Runólfur.
- FÞG
Engin efnisbreytmg
Engar efnislegar breytingar voru
gerðar á frumvarpi til laga um
fæðingar- og foreldraorlof frá því
að efni þess var kynnt í tengslum
við gerð kjarasamninga fyrir
nokkru. Nokkuð drógst þó að
leggja frumvarpið fram og þurfti
að leita afbrigða til að fá það tek-
ið á dagskrá svo skömmu fyrir
þinglok. Páll Pétursson félags-
málaráðherra mælti fyrir frum-
varpinu á Alþingi í gær.
„Það hefur fyrst og fremst ver-
ið að snyrta orðalag en það eru
engar meiningarbreytingar," seg-
ir Páll spurður um lokagerð
frumvarpsins. „Það er að vísu
hægt að segja að það sé nýtt að
það er getið um það í athuga-
semdum að það verði endurskoð-
að þegar lögin eru að fullu kom-
in til framkvæmda, hvort ástæða
sé til að fastbinda réttinn til töku
fæðingarorlofs. Það er að segja
hvort rétturinn þurfi að vera fast-
bundinn öðru foreldri í þrjá
mánuði, hvort hann megi ekki
Páll Pétursson félagsmálaráðherra:
Þurfum að vinna hratt til að afgreiða
málið.
vera allur umsemjanlegur." Þar
fyrir utan segir Páll að um lítils-
háttar orðalagsbreytingar sé að
ræða.
Bjartsýnn
Páll er bjartsýnn á framgang
frumvarpsins fyrir þinglok.
„Frumvarpinu hefur verið ákaf-
lega vel tekið í umræðunni. Þær
athugasemdir sem fram hafa
komið eru ekki mjög alvarlegar
þannig að ég á von á því að þetta
nái afgreiðslu og ég veit ekki hver
það væri sem ætti að stoppa það.
Það er að vísu liðið langt á þing-
tímann þannig að menn þurfa að
vinna hratt til þess að það nái af-
greiðslu en ég hef von um að það
sé vilji manna," segir Páll.
Helstu nýfnæli frumvarpsins
eru, eins og áður hefur komið
fram, jöfnun á rétti kvenna og
karla til fæðingarorlofs, breyting-
ar á greiðslufyrirkomulagi til for-
eldra á vinnumarkaði og stofnun
Fæðingarorlofssjóðs, sveigjan-
leiki í töku fæðingarorlofs,
ákvæði um öryggi og heilbrigði á
vinnustöðum og sjálfstæður
þrettán vikna óframseljanlegur
réttur beggja foreldra til foreldra-
orlofs sem taka skal áður en barn
nær átta ára aldri. - HI
Er sorglegt mál
„Því fer fjarri að samfélagið sé í
uppnámi eða að menn skipist í
andstæðar fylkingar vegna af-
stöðu sinnar til þessa sorglega
máls“, sagði einn viðmælandi
Dags á Húsavík í gær um nauðg-
unarmálið sem aftur komst í há-
mæli eftir að harðort bréf frá for-
eldrum fórnarlambsins í Skránni
í vikunni og íjallað var um í Degi
í gær.
Þeir sem Dagur ræddi við voru
flestir sammála um að þetta
hörmulega mál hefði lítið sem
ekkert verið til umræðu í bænum
eftir að dómur féll í undirrétti og
fjaðrafokinu vegna undirskrifta-
listans lauk. Flestir hafi litið á
þetta sem einkamál viðkomandi
fjölskyldna og því misráðið að
birta undirskriftalistannn opin-
berlega, sem varð til þess að mál-
ið fékk ítarlega umljöllun í mörg-
um fjölmiðlum. Birting listans á
sínum tíma hefði heldur ekki
orðið málstað piltsins sem
dæmdur var fyrir nauðgun til
framdráttar eins og meiningin
hafi verið. Sömuleiðis töldu
flestir viðmælendur blaðsins það
U'4 *$'%'**'
vanhugsað hjá foreldrum
stúlkunnar að ráðast svo harka-
lega á opinberum vettvangi gegn
fólki sem hefði aðra sýn á máls-
atvik og dóminn en þau.
„Þetta er sorglegt mál sem
auðvitað snertir fleiri í fámennu
samfélagi en fjölmennu, en það
er af og frá að samféiagið sé á
nokkurn hátt klofið, þó afstaða
manna til málsins sé mismun-
andi“, sagði einn af mörgum við-
mælendum Dags á Húsavík í
gær. - js

Aukiim lestur á Degi
Samkvæmt nýrri könnun Gallups hefur lestur á Degi aukist frá sam-
bærilegri könnun í október í fyrra. Lestur á öðrum dagblöðum,
Morgunblaðinu og DV, minnkaði á sama tíma. Meðallestur á hverju
tölublaði Dags í mars sl. mældist 10,6%, en var 9,1% í október. Sem
fyrr er Morgunblaðið mest lesið, með um 60% meðallestur, var
63,7% í október. Lestur á DV minnkar að meðaltali úr 43% í október
í 37,6% í mars. Tæp 21% sögðust hafa Iesið Dag eitthvað í vikunni,
miðað við 19% í október sl. Sambærilegar tölur fyrir hin blöðin eru
80% á Morgunblaðinu og 66% á DV.
Hafna skaðábótum
Langflestir þeir sem greiddu atkvæði um
spurningu Dags á Vísisvefnum telja að Islend-
ingar eigi engan rétt á skaðabótum fyrir
heilsutjón af völdum reykinga. Spurt var: Eiga
íslenskir reykingarmenn rétt á skaðabótum?
Þrír af hverjum fjórum svöruðu spurningunni neitandi, en fjórðung-
ur taldi svo vera. Vel á annað þúsund greiddu atkvæði.
Nú er hægt að greiða atkvæði um nýja Dags-spurningu á vefnum.
Hún hljóðar svo: Á að láta Ásatrúarmenn borga salernisskatt á
Kristnihátíð? Slóðin er sem fyrr: visir.is
Kojukaffi hjá ABC-hjálparstaxfi
ABC hjálparstarf stendur fyrir kaffihlaðborði á verkalýðsdaginn 1.
maí frá ld. 14.30-17.30 í Veislusalnum að Sóltúni 3 í Reykjavík.
Kaffisalan er til styrktar kojukaupum á Heimili litlu ljósanna í And-
hra Pradesh fylki á lndlandi. Islendingar hafa staðið fýrir mikilli
uppbyggingu á Heimili litlu ljósanna síðastliðin 6 ár og hafa nú um
1500 börn eignast þar heimili. Börnin eru ýmist munaðarlaus eða
yfirgcfin og bjuggu áður á götunni. Af þessum 1 500 börnum eiga
rúmlega 1000 þeirra íslenska stuðningsforeldra, en nærri 500 börn
eru enn án stuðnings.
Bitist iim Bákkavör
Fjárfestar sýndu hlutafjárútboði Bakkavarar Group gríðarlegan
áhuga. í áskriftarhlutanum voru 50 milljónir króna að nafnvirði í boði
en alls skráðu ríflega 10 þúsund manns sig fyrir um 711 milljónum
að nafnvirði, eða um 3,9 milljörðum að söluvirði. Útkoman varð hlut-
ur upp á 3.950 krónur að nafnvirði, sem gerir um 22 þúsund króna
söluvirði. Þetta er mesta þátttaka í útboði einkafyrirtækis á íslandi,
aðeins þátttaka í einkavæðingu bankanna hefur verið meiri.