Dagur - 11.08.2000, Blaðsíða 19

Dagur - 11.08.2000, Blaðsíða 19
FÖSTUDAGUR 11. ÁGÚST 2000 - 19 LEIKHÚS KVIKMYNDIR TONLIST SKEMMTANIR Líf<S I1 i Oí1 Js Margrét Bísabet Ólafsd Gay Pride á Hinsegin dögum Fyrsta alvöru Gay Príde skrúð- gangan verðurfarín íReykjavík á Hinsegin dögum um helgina. Hátíð á Ingólfstorgi. Alvöru kabarettíKajfileikhúsinu í kvöld. Það er ljóst að samkynhneigðir munu setja svip sinn á götur og menningarlíf Reykjavík- urborgar um helgina því í gær hófust Hinsegin dagar sem líkur á laugardaginn. Hátíðin hófst formlega í gær með opnun ljósmyndasýningar Siggu Birnu frá Gay Pride göngunni í New York í fyrra í Regn- bogasal Samtakanna 78, Laugavegi 3. Gay Pride eða Hýrt stolt á rætur sínar að rekja til þess þegar lögreglan réðst að samkyn- hneigðum sem höfðu safnast saman á Stone Wall hommabarnum við Christopher Street í New York 27. júní árið 1960. I fyrsta skipti réðust hommarnir gegn handtökum lögregl- unnar, enda voru þeir saman komnir til að minnast uppáhaldsleikkonu sinnar, Judy Garland, sem var jarðsett þennan dag. Fregnin af mótspyrnunni barst eins og eldur í sinu um borgina og strax árið eftir var at- viksins minnst með göngu í bæði New York og San Francisco. Til iui uuis mótstöðu Gay Pride göngurnar eru nú, 31 ári síðar, ár- Viginio Lima hefur stundað rannsóknir á evrópskri kabaretttónlist millistríðsáranna sem Ljóshærði engilinn byggist á. Ein og aðeins ein sýning í Kaffi- leikhúsinu. mynd: þök. legur viðburður í 90 borgum í heiminum og vekja hvarvetna mikla athygli fyrir að vera skrautlegar og skemmtilegar. Göngumar eru ekki allar farnar þann 27. júní heldur dreifast þær yfir sumarið og eru sumar sótt- ar af sama fólkinu. Heimir Már Pétursson vonast til þess að Reykjavík komist hér með á listann yfir Gay Pride borgir heimsins og að hún eigi eftir að laða til sín samkyn- hneigða ferðamenn líkt og gerst hefur víðast hvar annars staðar. Gangan í Reykjavík leggur af stað frá Hlemmi á morgun, laugardag, kl. 15. Geng- ið verður niður Laugaveg og endað á Ing- ólfstorgi, þar sem útiskemmtun með tónleik- um og uppákomum hefst kl. 16. Fjallkarlinn og fjallkonan, Andrea Gylfadóttir og Lög- reglukórinn, Drottningar, Páll Óskar og Fel- ix Bergsson eru í hópi helstu atriða ásamt hljómsveitinni Bellatrix sem slúttar geiminu. Mi H istrí ðsára kabarett Til að hita upp fyrir gönguna er ekki úr vegi að bregða sér í Kaffileikhúsið í kvöld þar sem brasilíski leikarinn Viginio Lima tregður upp með einstæðan kabarett. Ljóshærði eng- illinn kemur frá London og er óður til þeirr- ar kabaretthefðar sem átti blómaskeið sitt á meginlandi Evrópu á þriðja og fjórða áratug 20. aldarinnar. Haldið er að heiman með Marlene Dietrich til Hollywood og víða komið við á Ieiðinni. Vigino Lima frumsýndi Ljóshærða engilinn í Canal Café leikhúsinu í London árið 1998 og hlaut svo frábærar við- tökur að hann hefur þurft að taka sýninguna upp aftur og aftur. Stjórnandi og danshöf- undur er David Waring. Peter Murphy sá um tónlistarútsetningar og leikur á dragspil í sýningunni. Honum til fulltingis verður Ein- ar Örn Einarsson píanóleikari. Aðeins þessi eina sýning og hefst hún kl. 21 í Kaffileik- húsinu í Hlaðvarpanum, Vesturgötu 3. Miðapantanir í 551 9030. MEÓ Heim að Hólum Hókhátíð2000fer fram á Hólum íHjalta- dalumhelgina. Hefð virðist vera orðin fyrir því að ræðumenn á Hólahátíð flytji eft- irminnilegar hátíðarræður og vakti það sérstaka athygli lands- manna þegar Davíð Oddsson, for- sætisráðherra flutti „rússnesku mafíuræðuna" svokölluðu og fjall- aði að mestu leyti um fjármagns- markaðinn, einnig vakti athygli ræða Olafs Ragnars Grímssonar um Islenskan erfðaiðnað, þar sem hann varpaði fram ýmsum sið- ferðilegum spurningum. Að þessu sinni mun Sólveig Pétursdóttir, dóms- og kirkjumálaráðherra flytja hátíðarræðu á Hólahátíð og bíða sjálfsagt margir spenntir eftir þvf hvort Sólveig muni viðhalda fyrrnefndri hefð. Hátíðardagskrá Hólahátíðar Að þessu sinni stendur Hólahá- tfðin yfir í 2 daga og hefst Laug- ardaginn 12. ágúst og lýkur sunnudagskvöldið 13. ágúst. Fyrri dagurinn fclur í sér dagskrá, sem er skipulögð af kristnihátíð- arnefnd Skagafjarðarprófasts- dæmis og seinni daginn er svo hin hefðbundna Hólahátíð, sem verið hefur með svipuðu sniði. Dagskráin er sem hér segir: Laugardagur 12. ágúst Kl. 11:00 Lagt af stað frá Bændaskóla áleiðis upp í Gvend- arskál þar sem haldin verður messa. Sr. Dalla Þórðardóttir prestur á Miklabæ hefur umsjón með messunni, sem hefst í skál- innikl. 13:00. Kl. 11:00 verður skipulögð dag- skrá fyrir börn á staðnum, á með- an fullorðnir ganga til messu upp í Gvendarskál. Það verða leikir, skoðunarferð í kirkju, vatnalífs- sýning, sund og hestar. Kl. 16:00 hefjast tónleikar und- ir berum himni. Sr. Bragi J. Ingi- bergsson sóknarprestur á Siglu- firði mun þá fyrst flytja ávarp, en síðan munu barnakórar úr pró- fastdæminu taka lagið ásamt Rökkurkórnum, skagfirska kam- merkórnum, auk þess sem tón- listarfólk frá Sauðárkróki flytur svokallað „kirkjupopp." Jóhann Már Jóhannsson mun einnig taka lagið. Kl. 18:00 hcfst grill á staðnum og þar getur fólk gætt sér á grill- Sólveig Pétursdóttir, dóms- og kirkjumálaráðherra flytur hátíðar- ræðuna á Hólahátíð 2000. uðum pylsum í boði Kaupfélags Eyfirðinga, Kaupfélags skagfirð- inga og Aðalabakarísins á Siglu- firði. Um kvöldið kl. 20:00 verða svo tónleikar í Hóladómkirkju, þar sem ýmsir flytjcndur munu koma fram m.a. Alftagerðisbræöur, auk þess sem fluttir verða sálmar úr sálmasamkeppni. Kl. 21:00 verður svo varðcldur í umsjón skáta frá Sauðárkróki norðan við Grunnskólann á Hól- um og við varðeldinn verða sungnir ýmsir skemmtilegir söngvar, jafnvel hin víðfrægi „Undir bláhimni." Sunnudagur13.ágúst Seinni dagur Hólahátíðar hefst á hátíðarmessu í Hóladómkirkju kl. 14:00. Þar munu kvenprestar úr héraðinu þjóna. Sr. Ragnheiður Jónsdóttir sóknarprestur á Hofs- ósi og sr. Guðbjörg Jóhannsdóttir sóknarprestur á Sauðárkróki munu þjóna fyrir altari, en sr. Dalla Þórðardóttir sóknarprestur í Miklabæ mun prédika. Vígslu- biskup Sr. Bolli Gústavsson lýsir yfir blessun í lokin. Meðhjálpari er Bolli Pétur Bollason guðfræð- ingur. Eftir messu kl. 15:00 verður boðið til kaffihlaðborðs í Hóla- skóla. Kl. 16:30 hefst svo menningar- dagskrá í Hóladómkirkju. Dóms- og kirkjumálaráðherra Sólveig Pétursdóttir flytur hátíðarræðu. Þá mun Hjörtur Pálsson rithöf- undur flytja frumsamin ljóðaflokk í tilefni hátíðar, sem ber yfirskrift- ina Hólaljóð. Sigrún Eðvaldsdótt- ir fiðluleikari mun flytja vcrk eftir Jóhann Sebastian Bach. Manuela Wiesler flautuleikari. UM HELGINA Sumartónleikar í Skálholtskirkju Fimmta og síðasta tónleika- helgi Sumartónleika í Skál- holtskirkju verður helgina 12. og 13. ágúst. Fyrri tónleikarnir verða á Iaugardag kl. 15 þar sem verður flutt blásaratónlist frá barokktímanum. Flytjend- ur eru Bonner Barock Solist- en, þýskur hópur sem hefur sérhæft sig í flutningi barokktónlistar. Kl. 17. sa Manuela Wiesler flautuleikari flytja innlend og erlend ein- leiksverk frá tuttugustu öld sem fjalla um náttúr- una, fugla, stjörnur og sólina. Manuela var búsett hér á landi um árabil og tók þátt í að hleypa Sumartónleikunum af stokk- unum fyrir 25 árum. Hún hef- ur einatt tekið þátt í þeim síð- an, nú sfðast fyrir 7 árum. Tónleikar Manuelu verða end- urteknir á sunnudaginn kl. 15. Boðið er upp á barnagæslu í skólanum meðan á tónleikum stendur. Aðgangur að Sumar- tónleikanum er ókeypis og eru allir velkomnir. Gjöruiugur í Hleuimi Hildur Jónsdóttir myndlistar- maður ætlar að fremja gjörn- ing í galleri@hlemmur.is við Þverholt á morgun, laugardag, klukkan 17. Þetta eru síðustu forvöð til kynna sér verk Hildar, sem hefur undanfarinn mánuð sýnt teikningar og myndbönd í galleríinu undir yfirskriftinni „Hið góða, vonda og ljóta eðli náttúr-unnar". Verk Hildar eru nákvæmar trélita-teikningar og videóverk af ýmsum fyrirbærum náttúrunnar, en hún hefur á annað ár rannsakað garðinn og eyðimörk- ina. Hildur kemur fyrir f eigin verkum sem sögumaður eða „prestur" og mun tala um hið góða, vonda og Ijóta eðli náttúr-unnar í performance- inum. Hildur stundaði nám við Myndlista- og handíðaskóla Islands árin 1991 - 1994 og hefur verið nemandi við Hochschule f,r bildcnde Kjiste-Hamburg frá árinu 1994. Hún er búsett í Hamborg. Sýningin er opin fram á sunnudag frá klukkan 14til 18. Teikning eftir Hildi Jónsdóttur.

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/251

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.