Dagur - Tíminn Akureyri - 27.06.1997, Blaðsíða 8

8 - Föstudagur 27. júní 1997
3Dagur-®ímímt
|Dctgur-®ímmn
Útgáfufélag:
Útgáfustjóri:
Ritstjóri:
Aðstoðarritstjóri:
Framkvæmdastjóri:
Skrifstofur:
Símar:
Netfang ritstjórnar:
Áskriftargjald m. vsk.
Lausasöluverð
Prentun:
Grænt númer:
Dagsprent hf.
Eyjólfur Sveinsson
Stefán Jón Hafstein
Birgir Guðmundsson
Marteinn Jónasson
Strandgötu 31, Akureyri,
Garðarsbraut 7, Húsavík
og Þverholti 14, Reykjavík
460 6100 og 800 7080
ritstjori@dagur.is
1.600 kr. á mánuði
kr. 150 og 200 kr. helgarblað
Dagsprent hf./ísafoldarprentsmiðja
800 70 80
Fax auglýsingadeildar: 460 6161 - Fax ritstjórnar: 460 6171
Vi nabæj asamstar f
í fyrsta lagi
Alþjóðasamstarf þjóða tekur á sig íjölrnargar
myndir, sumar formfastar og kerfislægar aðrar
frjálslegri og vinalegri. í öllum tilfellum er mark-
miðið það að rjúfa einangrun landamæranna og
teygja sig út fyrir þau í leit að efnahagslegri og
andlegri næringu af því tagi sem aðeins er hægt að
fá í gegnum samskipti við fólk sem býr við öðru
vísi kringumstæður. í gegnum slík samskipti víkka
þjóðir sjóndeildarhring sinn og verða hæfari til að
skilja og skilgreina stöðu sína og möguleika í sam-
félagi þjóðanna.
Skemmtilegt form alþjóðasamskipta er sú hefð sem
myndast hefur fyrir vinabæjatengslum. Sterkust
eru þessi tengsl milli bæja eða borga á Norður-
löndunum þó þau séu öflug miklu víðar. Hin árlega
og hefðbundna birtingarmynd þessara vinabæja-
tengsla í huga hins almenna borgara hefur verið í
formi gjafa á jólatrjám sem tendruð eru við hátíða-
lega athöfn. Samskiptin eru hins vegar mun víð-
tækari og fjölbreyttari og það er talsverður fjöldi
manna sem að þeim kemur, gjarnan ungt fólk. Þar
gefast kærkomin tækifæri til að horfa út fyrir land-
steinana og kynnast erlendum sjónarmiðum og
hugsunarhætti og kynna íslensk sjónarmið.
þriðja lagi
Þessa vikuna hefur staðið yfir á Akureyri sérstök
vinabæjavika þar sem vinabæir Akureyrar á Norð-
urlöndum hafa sent fulltrúa sína til að fagna því
að 50 ár eru liðin frá því að samstarf vinabæjanna
hófst. Á þessari hátíð á Akureyri hefur borið hæst
samstarf og samvinna ungmenna frá vinabæjun-
um, og hafa þau í sameiningu verið að skapa hluti
og takast á við ýmis mál með mjög góðum árangri.
Samstarf þeirra er táknræn yfirlýsing um framtíð-
ina auk þess sem árangur þeirra er til vitnis um
almennt gildi vinabæjatengsla af þessu tagi í al-
þjóðasamstarfi.
Birgir Guðmundsson.
ÞJOÐMAL
Sp
ttrirti
Uló
Er rétt að loka hluta Hafnarstrætis í Reykjavík
til austurs, einsog meirihluti borgarstjórnar
hefur ákveðið?
Lilja
Ólafsdóttir
forstjóri Strœtis-
vagna Reykjavikur
Já, ég tel svo vera. Skv.
deiliskipulagi frá því um
1990 á Hafnarstræti að
vera lokað í austurenda og í
samræmi við það var byggð
skipistöð fyrir SVR við enda
götunnar og tvístefna sett á
Hverfisgötu. Forsenda þeirra
framkvæmda var lokun Hafn-
arstrætis til austurs. Hafnar-
stræti er enn opið með þeim
afleiðingum að slysahætta er
fyrir gangandi fólk á skipti-
stöðinni og umferðarteppur
eru á Hverfisgötu. Það bitnar
á viðskiptavinum SVR.
Hilmar
Þorbjörnsson
aðst. yjirlögregluþj.
og yfirmaður
umferðardeildar
Við féUumst á þetta sem
tilraun, en teljum þetta
ekki framtíðarlausn að
svo stöddu. Þess tilraun getur
e.t.v. leyst umferðarvanda í
miðborginni. Skilyrði lögreglu
voru að breytingar yrðu gerð-
ar á Póshússtræti, Geirs- og
Tryggvagötu, sem auðvelduðu
akstur úr miðborginni hvort
sem er til austurs eða vesturs;
úr Geirsgötu eða suður Lækj-
argötu. Hnnfremur yrði
Tryggvagata gerð auðveldari
fyrir almenningsvagna og
hættuminni gangandi fólki.
Gunnar Jóhann
Birgisson
borgarfulltrúi
Sjálftœðisfiokks
Nei, og ég tel enga
ástæðu fyrir lokuninni
- og rökin að Hafnar-
stræti sé slysagildra eru létt-
væg. Strætið hefur verið opið
til fjölda ára án teljandi vand-
ræða. Kaupmenn hafa lagst
gegn lokun Hafnarstrætis og
telja hana getað skaðað starf-
semi sína og ég treysti þeim
til að meta það. f skipulags-
nefnd féllust við á þessa iokun
á sínum tíma því fullyrt var að
Miðbæjarsamtökin hefðu lagt
blessun sína yfir lokunina.
Það reyndist síðan rangt.
Guðmundur G.
Kristinsson
framkv.stj. Kola-
portsins og form. Mið-
borgarsamlakanna
Akvörðun um að loka
Hafnarstræti setur
samstarf Miðborgar-
samtakanna og borgarinnar í
erfiða stöðu og er í raun
skilaboð um að meirihlutinn
ætli að fara sínu fram, án
samráðs. Hagsmunir eru í
húfi því þegar götunni var
lokað um tíma í fyrra dróst
verslun sarnan um fjórðung.
Miðborgarsamtökin harma
ákvörðun borgarstjórnar og
áskilja sór rétt til að bregðast
við af hörku.
1 1
5 L,ucvu~
Að eiga en mega ekki
„Heiðarleg samkeppni felst í því
að ókunnir menn sem eiga
engra hagsmuna að gæta taki
sæti í stjórnum fyrirtækja sem
þeir eiga ekkert í.“
- Dagfari gerir grín að úrskurði sam-
keppnisráðs sem hefur bannað Flug-
leiðamönnum að sitja í stjórn Flugfélags
íslands. DV í gær.
Nýjasti óvinurinn:
Upplýsingar!
...þýðingarmesta kunnátta
upplýsingaþjóðfélagsins er fólg-
in í því að vera nógu harður og
grimmur við upplýsingar. Van-
treysta þeim og átta sig fljótt á
því hve fáar skipta máli og
stugga öllum öðrum frá sér.“
- Árni Bergmann orðinn þreyttur á rós-
rauðri umræðu um hið undursamlega
upplýsingasamfélag. Kjallaragrein í DV
í gær.
Málœði eftir sex ára þögn
„Eiginlega átti ég erfiðast með
að stytta viðtalið, hann hafði
svo mikið að segja,“
- segir Sigursteinn Másson, ritstjóri
Heimsmyndar, um viðtal við Jón Óttar
sem ekki hefur viljað tjá sig við fjöl-
miðla í sex ár. Dagur-Tíminn í gær.
En ekki hvað?
„Kúreki með fortfð."
- Fyrirsögn í Mogganum í gær. Tilefnið
var gagnrýni um sjónvarpsmyndina
Óskastund eða „Blue Rodeo“.
Afdrep fyrir þingmenn
Ekkert rými er fyrir Alþingi í Alþing-
ishúsinu og því hafa verið keypt og
leigð íjöldi húsa í nágrenninu til að
halda starfseminni gangandi. En það
dugir ekki til þar sem þingstörfin þyngj-
ast og aukast með hverju árinu og verð-
ur ekki lengur undan þvi vikist að byggja
við þinghúsið og liggur fyrir nýtt og flott
skipulag um framkvæmdir á svokölluð-
um Alþingisreit.
Þar verður reistur þingmanmnaskáli
með glertengingu við gamla húsið og svo
verða grafin niður bflastæði og svo reist-
ar umfangsmiklar skrifstofubyggingar og
svo verða garðar og göngustígar. Allt
verður þetta í miðju ölkráahverfi lands-
ins, þar sem 20 þúsund manns geta setið
samtímis að drykkju, og þarna eru
haldnar allar þær sérstæðu og fjölmennu
næturskemmtanir ungmenna, sem
Reykjavik er orðin heimsfræg fyrir. Nýju
garðarnir á milli þingbygginganna verða
kærkomin viðbót við Austurvöll, sem er
ástsælasti útidrykkjustaður landsins, sér-
staklega eftir að áfengisútsala var sett
upp við völlinn og nú síðast var nágrenn-
ið gert enn girnilegra til drykkjuláta, eft-
ir að Ieyft var að selja eina og eina öldós
í áfengisbúðínni fyrir þurfandi.
Einhvers staðar verða
góðir að vera
Það gefur auga leið að bæta þarf veru-
lega við Alþingishúsið, sem er orðið alltof
þröngt fyrir þingfundi. Einfaldlega vegna
þess að ekkert pláss er fyrir alþingis-
mennina í bakher-
bergjum og kaífistofu
þegar þingfundir
standa yfir.
Eins og allir vita er
þingsalurinn tómur
þegar málin eru rædd
þar. Þá eru þar aðeins
ræðumaður, forseti og starfsmenn. Ein-
hvers staðar verða allir hinir að vera og
er ófært að láta þá kúldrast í göngum og
bakheriídí^um í þröngu Alþingishúsinu,
til að þurfa‘:ekki að hlusta á ræður hver
annars. Nú verður reistur sérstakur þing-
mannaskáli, sem kallað er þjónustuhús
innan sviga, og þangað verður innangengt
beint úr þingsalnum og auðvelt að
skreppa þangað undan orðaflaumi þeirra
þingmanna sem eru haldnir þeirri náttúru
að hafa ánægju af að heyra sjálfa sig tala.
Álitlegar tillögur
Annars sýnast þær tillögur um útfærslu
á Alþingisreitnum vera skynsamlegar og
jafnvel álitlegar. Núverandi notkun á
svæðinu er fráleit, eins og önnur for-
gangsverkefni í bflalandi. Það er sjálf-
sagt að búa vel að Al-
þingi og þeim sem
þar starfa.
Eins og víðast hvar
í höfuðborginni er
nóg rými fyrir hvers
konar byggingar og
starfsemi. Bflastæða-
ílæmið á Alþingisreitnum er smekk-
leysa, eins og raunar talsvert af nánasta
umhverfi þingsins. Þarna er tilvalið að
bæta starfsskilyrði Alþingis og betrum-
bæta ásjónu höfuðborgarinnar og þeirra
stofnana sem eiga að gera hana ögn
virðulegri en aðra hreppa.
En með viðbótarbyggingum og bætt-
um starfsskilyrðum þingsins, fer endan-
lega í vaskinn gömul og afskaplega góð
hugmynd, sem oft hefur verið viðruð í
pistli. Hún er sú, að þingmenn skuli
aldrei vera fleiri en komast fyrir með
góðu móti í gamla góða Alþingishúsinu.
Það var byggt fyrir 36 þingmenn, sem
sátu í tveim deildum.
En það er borin von að úr þvi geti
orðið, því alltaf aukast þingstörfin og
fleiri þarf til að annast þau. Samt er
myndast við að hagræða á þeim bæ, eins
og annars staðar, og var deildum fækkað
og ræðutími skorinn niður, en allt kemur
fyrir ekki. Löggjafarstarfið hleður utan á
sig og er Alþingi fyrir löngu búið að
sprengja utan af sér öll bönd.
Með stækkun hússins skapast nú
möguleiki á að fjölga þingmönnum enn
meira en orðið er og fá þá fleiri tækifæri
til að komast á þing og láta Ijós sín
skína. Stækkun þings og fjölgun þing-
manna mun leysa margan vanda, aðal-
lega þeirra sem þrá það heitast að bæt-
ast í hóp þeirra útvöldu.
Og þjóðin mun njóta góðs af, saman-
ber hið fornkveðna: Því betur gefast
vitra manna ráð sem fleiri koma saman.
- Eða svoleiðis. OÓ