Dagur - Tíminn Reykjavík - 03.05.1997, Blaðsíða 6

6 - Laugardagur 3. maí 1997
F R E T T I R
íDagur-Hmróm
Uerður ekkert ósvipað og
að treða upp í Sialanum
Yktir,“ svaraði Páll Óskar Hjálmtýsson spurningunni
hvernig síðustu sólarhringir hefðu verið, þegar Dagur-
Tfminn náði viðtali af kappanum um miðjan dag í Dubl-
in í gær. Hann var þá á leiðinni í tvö „rennsli" og virtist sjálfs-
öryggið uppmálað, enda engin ástæða til annars. í dag um
hádegi verður síðasta æfingin og þá munu dómnefndirnar
horfa á. Loks rennur svo stóra stundin upp í kvöld fyrir fram-
an 500 milljónir manna.
Eg er búinn að upplifa einn
besta tíma ævi minnar og
pílagrímsferðin er að ná
hámarki," sagði Páll Óskar. „Ég
geri mér þó varla grein fyrir hve
stutt er í þetta en allt er búið að
ganga ógeðslega vel, eins og í
lygasögu. Nú er bara að hvíla
sig aðeins og ná sér síðan í smá
adrenalín á morgun [í dag].“
Besta partýið
Dana og flutti „All times for ev-
erything" og við Reynir tókum
saman Baccara-píurnar. ís-
lenski danshópurinn okkar var
líka með frumsýnt atriði og svo
endaði ég á að flytja slatta af
lögum og endaði á Eurovision-
laginu. Þá ætlaði staðurinn að
hrynja til grunna, allt varð
brjálað. Þetta var yndislegt og
nú er talað um þetta partý sem
EurovisionpartýlÐ. “
Páll og föruneyti hafa ekki setið
auðum höndum. íslendingaboð-
ið sem fór fram á miðvikudags-
kvöld sló í gegn. „Það tókst
ógeðslega flott. Við héldum
þetta á næturklúbbi sem heitir
Rumours og er reyndar með
slæmt orðspor, en ég hélt bara
fyrir nefið og ________________
kýldi á að
halda partýið.
(Hlær). Þetta er
ein sóðalegasta
búlla sem ég
hef komið á, -.................
gamla góða
Moulin Rouge stemmningin, en
það mættu allar þjóðirnar
nema Rússarnir - þeir fara ekki
neitt þessir Rússar - og þetta
tókst frábærlega. Við ákváðum
að tileinka kvöldið gömlum
Eurovision-stjörnum og vorum
með ýmis drag-show. Ég var
„Stelpurnar fjórar eru
rosalega duglegar
að vera sætar.“
Mesta athyglin
Páll Óskar segir að íslenski
hópurinn fái tvímælalaust meiri
athygli en nokkur önnur þjóð
en hverjar eru skýringarnar á
því? „Við reynum að mæta allt-
af jafn flott klædd og við getum.
_____________ Stelpurnar ijór-
ar eru rosalega
duglegar að
vera sætar og
ég geri mitt
besta til að
sjúga að mér
alla þá athygli
sem ég get. Það hefur gengið
ágætlega á íslandi og hefði
komið mér óvart ef það hefði
ekki tekist hér. Við erum búin
að bursta liðið að því leytinu til,
en hvort það gagnast í sjálfri
keppninni er allt önnur saga.
Ég er búinn að dekka allar
Páll Óskar Hjálmtýsson er hvergi banginn fyrir kvöldið þegar 500 milljónir
áhorfenda munu berja hann augum í Dublin, írlandi. Hann er að sögn þeg-
ar búinn að vinna stóra sigra.
stærstu sjónvarpsstöðvarnar,
dagblöð í mikilvægum löndum
o.s.frv. í kvöld verð ég t.d. í 10
mínútna þætti í franska sjón-
Mynd: JHF
varpinu, „Dagur í lífi Páls Ósk-
ars“. 12 milljónir munu horfa á
þann þátt. Ég höfða sennilega
meira til ijölmiðlanna en flestir
hinna og er kannski pínulítið
meira spennandi persóna en
t.d. þýska söngkonan. Ég hef
alltaf svör á reiðum höndum og
er kannski skemmtilegri í við-
tölum. En þessar 500 milljónir
sem horfa á mig í keppninni
eru svo e.t.v. fólk sem hefur
engar hugmyndir um mig.“
Víða tilboð
En er íslenski hópurinn yfirhöf-
uð að pæla í gengi lagsins
„Minn hinsti dans“?
„Nei, blessunarlega ekki,
enda sýnir sagan að það skiptir
engu máli. Ég reyni að vekja á
mér mikla athygli því að lagið
er það spes að e.t.v. vinnst sig-
urinn ef fólk kannast við mig
eftir keppnina. Ég trúi að það
sé líf eftir Eurovision! E.t.v.
lendi ég í 20. sæti en verð samt
vinsælasti skemmtikrafturinn af
öllu þessu liði.“
Þess má geta að Páll Óskar
segist þegar hafa fengið tilboð
um að koma fram í klúbbum á
Spáni, Þýskalandi, Frakklandi,
Bretlandi og írlandi.
Hlakka bara til
Lokaspurning. Hvernig verð-
urðu stemmdur á morgun [í
kvöld]?
„Stemmdur?" hváir hann
forviða. „Innst inni verð ég bara
alveg eins stemmdur og þegar
ég er að fara að troða upp í
Sjallanum. Ég get ekki sagt að
ég komi af ijöllum þegar kemur
að því að troða upp. Ahorfenda-
fjöldinn er ekki mál númer eitt
og hann villir mér ekki sýn. Ég
hlakka bara til.“
Viðtal: Björn Þorláksson.
Ævintýrið er
Lundabyggðin í Stórhöfða, eldgosið og afleiðingar þess eru það efni
sem nú er sent út frá Vestmannaeyjum gegnum Internetið. Þar geta
áhugasamir nemendur beggja vegna Atlantshafsins og kennarar þeirra
kynnst sérstöðu Vestmannaeyja.
Beinar sjónvarpsút-
sendingar frá Vest-
mannaeyjum í gegnum
Intemetið, þar sem áhuga-
samir nemendur beggja
vegna Atlantshafsins og
kennarar þeirra era leiddir í
allan sannleika um lunda-
byggðina í Stórhöfða og um
eldgosið og afleiðingar
þess, hófust sl. mánudag.
Eftir nokkra byrjunarörð-
ugleika við útsendingarnar,
vegna tæknilegra vandamála í
Bandaríkjunum, hefur allt
gengið að óskum.
Nemendurnir og Gísli kom-
ust mjög vel frá sínu. Þau
sögðu frá og fengu spurningar
frá Yellowstone; inn á milli
var skotið inn myndum sem
voru teknar hér sl. sumar.
750 þúsund og Vigdís!
Gert er ráð fyrir að um
750.000 nemendur beggja
vegna Atlantshafsins fylgist
með útsendingunum. Internet-
ið er notað til þess að koma
útsendingunum héðan til
Bandaríkjanna og þaðan upp í
gervihnetti víða um heim. Vig-
dís Finnbogadóttir, fyrrverandi
forseti íslands, tók þátt í beinu
útsendingunum á föstudag og
aftur í dag, laugardag.
Að sögn Páls Marvins Jóns-
sonar, forstöðumanns Rann-
sóknasetursins, sem hefur
haft veg og vanda af undir-
búningnum ásamt Gísla Ósk-
arssyni, er hér um sannkallað
ævintýri að ræða. Ef vel tekst
til gæti orðið um áframhald-
andi samstarf að ræða við
Jason næsta sumar.
hafið
Mikil vinna
„Þetta er mikil vinna og undir-
búningurinn staðið í allan vet-
ur. Síðasta helgi fór öll í að
undirbúa beinu sjónvarpsút-
sendingarnar þannig að lítill
tími gafst fyrir lærdóm fyrir
samræmda prófið í stærðfræði
á mánudaginn, segir Jón
Kristinn Sverrisson, einn
fimmmenninganna sem hefur
unnið að Jasonverkefninu.
Jón segir að hver útsending
sé þaulskipulögð, hvað hver
segi o.s.frv. Fimmmenning-
arnir skiptast á að vera í út-
sendingunum með Gísla Ósk-
arssyni kennara.
„Við segjum frá rannsókn-
um okkar á lundanum og í
Eldfelli, erum spurð um mæl-
ingar og íleira af höfuðpaurn-
um, Dr. Ballard. Við höfum
einnig setið fyrir svörum á
Internetinu í vetur og einnig
spurt aðra krakka í Yellow-
stone. Þetta hefur verið mjög
skemmtilegur tími og hreint
og beint ævintýri, segir Jón
Kristinn.
ÞoGuÆyjum
Á netinu
Hœgt er að fylgjast með þessum beinu útsendingum á heimasíðu Jason. Tenging
er á heimasíðu Jason frá heimasíðu Tölvunar í Eyjum. Þar verður að hlaða inn
hugbúnaðinn Stream Works, sem er í forritasafni á heimasíðu Tölvunar. Að því
loknu er hœgt að fylgjast með beinni útsendingu. Gœðin eru reyndar ekki mikil
en duga samt. Slóðin á heimasíðu Jasonverkefnisins, Úr iðrum jarðar, eins og
það nefnist (Journey from the center of earth) er www.jason8eds.com.
Þau standa í ströngu!
í beinu útsendingunum mœðir mest á Gísla Óskarssyni kennara og nemendum
hans fimm sem eru Jón Kristinn Sverrisson, Freydís Vigfúsdóttir, Bjarki Trausta-
son, Davíð Egilsson og Þórhildur Ögn Jónsdóttir. Gísli er í öllum útsendingunum
en honum til fulltingis í fyrstu útsendingunni á mánudaginn var Bjarki. Þá tók
Jón Kristinn við, síðan Þórhildur Ögn, þá Freydís og að síðustu Davíð. Nemend-
urnir skipta á milli sín þessum fimm beinu útsendingum á dag sem eru í 10 daga.
Blaðamaður fylgdist með útsendingunum sl. mánudag.