Dagur - Tíminn Reykjavík - 07.05.1997, Blaðsíða 6
6 - Miðvikudagur 7. maí 1997
MuiviJaulnmir 3' mm / yy/ - /
®agur-®fcttrám
FRÉTTASKÝRING
R-lista fólk á góðri stundu. Skyldu kratar og alþýðubandalagsmenn eiga eftir að dansa sömbu saman? Mynd. GVA
Vangadans A-flokkanna
BValgerður
Jóhannsdóttir
í mörgum stærstu
bæjarfélögum lands-
ins eru hafnar við-
ræður um samstarf
eða sameiginlegt
framboð Alþýðu-
bandalags og Alþýðu-
flokks í næstu sveit-
arstjórnarkosningum.
✓
Reykjanesbæ er nýhafið
formlegt samstarf A-flokk-
anna. Bæjarfulltrúar flokk-
anna hafa í nærri ár hist og rætt
saman fyrir bæjarstjórnarfundi
og í desember síðastliðnum var
næsta skref tekið og ákveðið að
halda sameiginlega bæjarmála-
ráðsfundi, m.ö.o. var samstarfið
ekki lengur bundið við bæjarfull-
trúa heldur nær nú til almennra
flokksfélaga. Einnig hefur verið
skipuð 5 manna framkvæmda-
stjórn, sem í sitja 2 frá hvorum
flokki og einn óflokksbundinn.
Þetta samstarf þykir um margt
merkilegt, ekki síst í ljósi þess að
þar sem heitir Reykjanesbær
hafa þessi flokkar fremur verið
andstæðingar en samherjar í
póhtík. Flokkarnir stefna að því
að vera saman við stjórnvölinn
eftir næstu kosningar, en
ákvörðun um sameiginlegt fram-
boð verður tekin í haust.
„Þegar okkar fólk hefur
kynnst og vanist því að vinna
saman, verður það raunhæfur
valkostur í haust að ræða sam-
eiginlegt framboð. Okkur finnst
þetta hafa gefist mjög vel og við
teljum að það hafi verið rétt að-
ferð að fara skref fyrir skref og
leyfa þessu þróast," segir Jóhann
Geirdal, bæjarfulltrúi Alþýðu-
bandalagsins í Reykjanesbæ.
Boðið upp í dans
Kratar í Grindavík vildu reyna
eitthvað þessu hkt og skrifuðu AI-
þýðubandalaginu bréf þar um í
janúar. Svarið var að, að svo
stöddu sæu Alþýðubandalags-
menn ekki ástæðu til að taka upp
sameiginlega bæjarmálaráðs-
fundi, en hvatt var til nánara
samstarfs bæjarfulltrúa. Áslaug
Kjartansdóttir, formaður Alþýðu-
bandalagsfélagsins, segir að
framhaldið hafi ekkert verið rætt.
í Hafnafirði hafa kratar og
allaballar einnig skipst á bréf-
um. Alþýðuflokksmenn buðu
upp á viðræður og Alþýðu-
bandalagsfélagið í firðinum tók
því. HafnarQörður hefur löng-
um verið höfuðvígi krata og
þeir eru nú í meirihluta með
hluta Sjálfstæðisflokksins, eins
og frægt er orðið. Það hefur
ekki verið mjög kært með þess-
um flokkum á kjörtímabilinu,
en viðræður sem sagt hafnar.
Hefð fyrir samstarfi
í Garðabæ var nýlega boðað tO
fundar með félögum úr A-flokk-
unum og Framsókn, þar sem
fulltrúar 2ja nefnda minnihlut-
ans höfðu framsögu og annar
slíkur á döfinni. Þarna var ekki
verið að ræða formlega um sam-
starf, heldur voru menn f.o.f. að
þreifa fyrir sér, segir Erna Ara-
dóttir, formaður Alþýðuflokksfé-
lagsins í Garðabæ. „Hvað verður
næsta skref verður bara að
koma í Ijós. Sameiginlegt fram-
boð var reynt í Garðabæ 1990,
en þótti ekki takast vel og fengu
flokkarnir færri atkvæði saman-
legt, en þegar þeir buðu fram
„klofið“. AJþýðuflokkurinn var
ekki með 1990 og að svo stöddu
afar ólíkt að Framsókn taki þátt
í næstu kosningum.
Alþýðuflokkurinn í Kópavogi
bauð Alþýðubandalaginu nýlega
upp í dans og það var þegið.
Það er löng hefð fyrir samstarfi
þessara flokka í bæjarstjórn
Kópavogs. Þeir mynduðu meiri-
hluta á árunum 1978 tO 1990,
ýmist með Framsókn eða án og
á þessum tíma fékk bærinn við-
urnefhið félagsmálabærinn.
Sameiginleg blaðaútgáfa
Samstarf A-flokka á Vesturlandi
hófst með sameiginlegri blaða-
útgáfu í haust sem leið. Þar fóru
fremstir í flokki Gísli Einarsson,
þingmaður krata, og Jóhann Ár-
sælsson, skipasmiður og fyrrver-
andi þingmaður Alþýðubanda-
lagsins, og hafa þeir meðal ann-
ars skrifað saman leiðara í Vest-
urlandsblaðið-Skaginn. Jóhann
var nýlega kjörinn formaður AI-
þýðubandalagsins á Akranesi.
Þegar það var ljóst sammæltust
hann og Hervar Gunnarsson,
formaður Alþýðuflokksfélagsins
á staðnum, um að bera upp
samhljóða tillögu í báðum flokk-
um, þess efnis að stjórnir þeirra
fái umboð til að ræða samstarf.
Tillagan var samþykkt á félags-
fundi í Alþýðubandalaginu í
fyrrkvöld, en kratar hafa ekki
fjallað um hana enn.
í Stykkishólmi hafa A-flokk-
arnir boðið fram sameiginlegan
lista í mörg ár. í SnæfeUsbæ hef-
ur ekkert verið rætt um samstarf
A-ílokkanna eða annarra, eftir
því sem næst verður komist. í
Borgarbyggð stefna menn hins-
vegar að sameiginlegu framboði
A-flokkanna að ári. „Fyrirætlan-
ir okkar ganga út á það að
mynda sjálfstæð samtök um
þetta strax á haustmánuðum og
byrja þá stefnumótunarvinnuna.
Við gerum ráð fyrir að bjóða
fram saman," segir Jenni R. Óla-
son, Alþýðubandalagi.
Skýrist með haustinu
Á Vestljörðum fer fáum sögum
af samstarfi flokka enn sem
komið er. Fyrir kosningar í sam-
einuðum ísafjarðarbæ í fyrra,
var rætt um sameiginlegt fram-
boð A- flokkanna, Framsóknar,
Kvennalista og óháðra, en það
fór út um þúfur. Kvennalisti, Al-
þýðubandalagið og óháðir fóru
þó í eina sæng undir merkjum
F-lista. Jóna Símonía Bjarna-
dóttir, formaður Jafnaðar-
mannafélagsins á staðnum, seg-
ir engar þreifingar byrjaðar, en
á von á að það gerist. „Ég hef
trú á því að menn ræðist við hér
eins og annars staðar, en ég
spái engu um útkomuna."
Nokkur áhugi er sagður á
samstarfí Alþýðuflokks og Al-
þýðubandalags í Vesturbyggð, en
talsverð andstaða einnig í báð-
um flokkum. Það er víða geymt
en ekki gleymt að það slitnaði
upp úr meirihlutasamstarfi þess-
ara flokka aðeins 4 mánuðum
eftir síðustu kosningar. Líklegt
þykir að menn byrji að huga að
þessum málum í haust. Sömu
sögu er að segja af Bolungarvík.
Djarfir Akureyringar
Öfugt við Kópavog voru það al-
þýðubandalagsmenn sem buðu
krötum upp í dans á Akureyri
og þótti sumum djarft í ljósi
þess að kratar eru í meirihluta í
bæjarstjórn með framsóknar-
mönnum. Þeir þáðu eigi að síð-
ur. Þetta vekur einnig athygli
fyrir þá sök að kratar og alla-
ballar á Akureyri hafa ekki
unnið saman í bæjarstjórn í 16
ár, hvorki í meiri- né minni-
hluta. Flokkar hafa skipað
þriggja manna viðræðunefndir,
en væntanlega verður fjölgað í
nefndunum fljótlega, segir
Finnur Birgisson, einn fulltrúa
Alþýðuflokksins. Á Dalvík hefur
verið sameiginlegt framboð og
einnig í Ólafsfirði, en það slitn-
aði upp úr fyrir síðustu sveitar-
stjórnarkosningar og fer fáum
sögum af frekari tilraunum þar.
Á Sauðárkróki er sagður
talsverður vilji í báðum flokkum
fyrir samstarfi, þótt ekkert sé
þar fast í hendi. Á Siglufirði er
sameiginlegt framboð Alþýðu-
bandalags og óháðra, en kratar
stóðu ekki að því. Hins vegar
hefur heyrst að rætt hafi verið
við krata um að stökkva á
vagninn, en það er óstaðfest.
Litlar breytingar
Fátt bendir til að það verði mikl-
ar breytingar á pólitísku lands-
lagi á Austurlandi í næstu sveit-
arstjórnarkosningum. Aiþýðu-
flokkurinn hefur víða tekið þátt í
sameiginlegu framboði, t.d. á
Seyðisfirði, Egilsstöðum, Vopna-
firði og Höfn. Sumsstaðar hefur
Alþýðubandalagið verið með, en
flokkurinn er mjög sterkur t.d. í
Neskaupsstað, á Egilsstöðum og
Vopnafirði og hefur því ekki ver-
ið mjög ginnkeyptur fyrir sam-
starfi þar.
Á Suðurlandi hefur einnig
verið talsvert um sameiginleg
framboð og t.d. bauð Alþýðu-
flokkurinn hvergi fram undir
eigin merki 1994. Á Selfossi
hafa A-flokkarnir og Kvenna-
listi unnið saman undanfarin 2
kjörtímabil, og ætla áfram eftir
því sem næst verður komist. í
Hveragerði buðu A-flokkarnir,
Framsókn og óflokksbundnir
fram saman fyrst 1986, aftur
1990 og náðu þá meirihlutan-
um í bæjarstjórn af Sjálfstæðis-
flokknum. H-listinn tapaði
meirihlutanum í síðustu kosn-
ingum, en starfar nú með sjálf-
stæðismönnum í einu minni-
hlutalausu bæjarstjórninni á
landinu. Kratar, allaballar og
Framsókn buðu einnig fram
saman í Vestmannaeyjum og
þar á bæ eru menn farnir að
spá í framhaldið, en niðurstaða
ekki fengin.