Dagur - Tíminn Reykjavík - 13.05.1997, Blaðsíða 9
|Dagur:®mnfm
Þriðjudagur Í3. níái í$i)7 - 9
Iifeyrissj óðafrumvarpið
saltað til haustsins
Frá Alþingi.
Ríkisstjórnarflokkarnir
hafa ákveðið að fresta
afgreiðslu lífeyrissjóða-
frumvarpsins umdeilda til
hausts. Sérstök nefnd á fjalla
um frumvarpið í sumar og
freista þess að ná sáttum í
þessu viðkvæma deilumáli.
Alþýðusambandið og vinnu-
veitendur óskuðu eftir því að
málinu yrði frestað og stjórn-
arandstæðingar voru því ein-
dregið fylgjandi. Hins vegar
eru þeir afar ósáttir við
hvernig að því var staðið.
Frumvarpið var afgreitt úr i
efnahags- og viðskiptanefnd í
gærmorgun, með 23 breyt-
ingatillögum meirihlutans,
með 5 atkvæðum gegn 4.
Mikill árangur náðst
„Við vildum
sýna með
þessu að
meirihlutinn
væri tilbúinn
til að flytja
breytingatil-
lögur við
frumvarpið.
Staðfesta að stjórnarfrumvarpið
taki breytingum og að við séum
ekki bundnir af því, eins og það
var upphaflega lagt fram. Við
teljum að tillögurnar séu allar
til bóta, enda hafa nefndin og
fjármálaráðuneytið unnið mjög
ötullega að því að brúa bil milli
ólíkra sjónarmiða. Núna er
miklu meiri friður og sátt um
frumvarpið en þegar það var
fyrst lagt fram og það vildum
við staðfesta," segir Friðrik
Sophusson, fjármálaráðherra.
ASÍ og VSÍ hafi óskað eftir fresti
m.a. til að kynna betur og
reikna út nýjar hugmyndir um
sveigjanleika í kerfinu og sjálf-
sagt hafi þótt að verða við því.
Að auki sé ágreiningur um
ákvæði um aðild að lífeyrissjóð-
um og það verði skoðað í sum-
ar.
„Ég er alveg sannfærður um
það að öll þessi umræða sem
orðið hefur um lffeyrismálin og
öll sú vinna sem hefur verið
lögð í þetta, hefur fært okkur
nánast að því marki að setja lög
sem sæmileg sátt getur orðið
um. Þar með setjum við löggjöf
sem eykur sveigjanleikann í
kerfinu, eykur frelsið en gerir
það jafnframt að verkum að öll-
um er skylt að taka þátt í sam-
tryggingunni að ákveðnu
marki. Það er svo nauðsynleg
forsenda þess að hægt sé að
tvinna saman almannatrygg-
ingakerfið og lffeyrisjóðakerfið í
framtíðinni,“ segir Friðrik.
Hann vill engu spá um hvort
það fullkomið samkomulag
tekst í sumar, „en ég er alveg
sannfærður um það að málið er
komið svo langt, að það er eng-
in afsökun til fyrir því að leggja
frumvarpið ekki fram í haust og
klára það. Það rekur mjög á
eftir okkur að skortur á löggjöf
er farinn að hamla eðlilegri
þróun á þessu sviði.“
Sérkennilegt vinnulag
„Það var skynsamlegt að fresta
málinu,“ segir Grétar Þorsteins-
son, forseti Al-
þýðusam-
bandsins. „En
vinniúagið er
afskaplega
sérkennilegt.
Það er sér-
kennilegt við
þessar að-
stæður að afgreiða málið með
formlegum hætti út úr þing-
nefnd og fara með það þannig í
viðræður við þá sem málið
varðar. Við h'tum auðvitað svo á
að málið sé allt opið og komum
þannig að málinu,“ segir Grétar
og vill ekki kannast við að meiri
sátt sé um frumvarpið einsog
það lítur út með breytingartil-
lögum efnahags- og viðskipta-
nefndar, en eins og það var
þegar það var fyrst lagt fram.
„Það læt ég alveg ósagt.“
í viðræðum við stjórnar-
meirihlutann undanfarna daga
viðruðu forsvarsmenn ASÍ nýjar
hugmyndir um meiri sveigjan-
leika í Iffeyrissjóðakerfinu. „Við
vorum að byrja að skoða það
hjá okkur hvort hægt væri að
finna leið, sem væri sæmilega
ásættanleg fyrir flesta sem að
málinu koma og gæfi hugsan-
lega meira innbyrðis svigrúm
varðandi 10 prósenta iðgjald-
ið,“ segir Grétar en er ekki
reiðubúinn til þess að tjá sig
frekar um þessar hugmyndir.
Ilann segir að þær séu á al-
gjöru frumstigi og eigi eftir að
gera á þeim tryggingarfræði-
lega úttekt og skoða það hvort
þetta geti verið skynsamleg
leið. „Við höfum lítið um þetta
að segja fyrr en búið er að
vinna þetta eitthvað frekar."
Þótt forseti ASÍ sé ósáttur við
vinnulagið, segist hann treysta
því að það sé raunverulegur
vilji stjórnarflokkanna að ræða
h'feyrismálin og reyna að ná um
þau sátt. Hann er hóflega bjart-
sýnn á að sátt geti tekist. „Ef
vel er unnið að þessu fram á
haustið eru meiri líkur en
minni á því að sæmileg sátt geti
orðið um þetta, en við gefum
okkur ekki niðurstöðuna."
Stefnt í átök
Stjórnarand-
staðan er eng-
an veginn sátt
við þessa
málsmeðferð,"
segir Ágúst
Einarsson,
þingmaður
Jafnaðar-
manna og varaformaður efna-
hags- og viðskiptanefndar.
„Meirihluti efnahags- og við-
skiptanefndar er að stefna
þessu í farveg átaka, með því
að afgreiða frumvarpið með
sínum breytingartillögum,
vegna þess að þar með eru þeir
að marka frekari vinnu í mál-
inu. Við hefðum talið eðlilegt að
skoða málið í sumar með opn-
um huga, í stað þess að binda
sig við breytingartillögur Vil-
hjálms Egilssonar, sem engin
sátt er um.“ Ágúst segir íjarri
lagi að halda því fram að það sé
meiri sátt um frumvarpið í
þessum búningi, en eins og það
var fyrst lagt fram. „Þvert á
móti. Það er meiri sátt um
óbreytt frumvarp, en þessar
breytingartillögur. Málið var
komið í shkt óefni að bæði Al-
þýðusambandið og Vinnuveit-
endasambandið óskuðu form-
lega eftir því við forsætisráð-
herra að því yrði frestað og
unnið frekar í því. Á þetta var
fallist, en með þeim hætti að
þeirri vinnu sem á eftir að fara
fram í sumar, er stefnt í hættu.
Með afgreiðslu sinni er meiri-
hlutinn í raun að segja að frum-
varpið, sem lagt verður fram í
haust, verði með þessum um-
deildu breytingartillögum og
um það getur aldrei náðst sátt,“
segir Ágúst. Hann segir að
ágreiningurinn sé f.o.f. um
ákvæðið um aðild að lífeyris-
sjóðum. „Með frumvarpinu er
verið að breyta skipulagi á
vinnumarkaði og við teljum að
það eigi ekki að standa svona
að því. Það er samdóma álit
stjórnarandstöðunnar, Vinnu-
veitendasambandsins og AI-
þýðusambandsins. Menn vilja
hafa núverandi fyrirkomulag
við greiðslu inn í h'feyrissjóðina.
Hins vegar eru allir sammála
um að það eigi að taka tilllit til
aðstæðna séreignasjóðanna og
tryggja hag þeirra sem hafa
sparað þar með reglulegum
hætti."
Blendnar tilfinningar
„Við hefðum gjarnan viljað að
þetta mál væri útkljáð núna,
segir Baldur Guðlaugsson, for-
finna fólk sem
greitt hefur í
séreignasjóði.
1Bpa5 er nauð-
synlegt bæði séreignasjóðanna
vegna og h'feyriskerfisins vegna
að það sé fast land undir fótum
og þess vegna hefði verið æski-
legt að ljiika þessu máli. Hins
vegar held ég að menn geri sér
grein fyrir því að það skiptir
máli að ná sem víðtækastri sátt
og það er útlit fyrir að það sé
að opnast möguleiki á því og úr
því aðilar vinnumarkaðarins
óskuðu svona ákaft eftir því að
málinu yrði frestað, þá skilur
maður þá pólitísku nauðsyn
sem var talin á því. Þetta eru
sem sagt svona blendnar til-
finningar.“
Ilann segir að í breytingartil-
lögum meirihlutans felist
ákveðin stefnubreyting, í átt til
sjónarmiða sinna samtaka og
eins veki hugmyndir aðila
vinnumarkaðarins, um meiri
sveigjanleika, vonir um að sátt
geti tekist. „Það á síðan eftir að
reyna á það hvað felst í þessum
tillögum og menn eiga eftir að
takst á um það. Það má kannski
segja að það sé búið að setja
nýjan pólitískan grunnpunkt
með breytingatillögunum og
það á eftir að koma í ljós hvaða
sátt menn ná út frá honum.“