Dagur - Tíminn Reykjavík - 16.05.1997, Blaðsíða 4

4 - Föstudagur 16. maí 1997
JDiigur-Œtttrimt
Húsavík-Lágey Ábyrgir feður
Neyðarskýli á faraldsfæti
Hús og hýbýli eru
yfirleitt ekki á veru-
legum faraldsfæti.
En nýtt björgunarskýli í
eigu Slysavarnadeildar
kvenna á Húsavík gerði
víðreist á dögunum og fór land-
leið, sjóleið og loftleið frá Húsa-
vík til Lágeyjar fyrir skömmu.
í eynni, sem er út af Tjörnesi
og hvar skammt frá er systur-
eyjan Háey, var fyrir gamalt
neyðarskýli, mjög úr sér gengið
og lengi staðið til að endurnýja
það. Nýtt skýli var smíðað og
fyrirhugað að flytja það út í eyju
sl. haust en frá því var horfið
vegna veðurs og einnig þar sem
björgunarþyrlan TF LÍF var
kölluð út þegar flutningarnir
stóðu fyrir dyrum.
3. maí sl. var gerð önnur til-
raun og nú gekk allt vel, að sögn
Jóns Einarssonar, formanns
björgunarsveitarinnar Garðars,
en sveitarmenn unnu að flutn-
ingunum. Neyðarskýlinu var ek-
ið niður á bryggju á Húsavík og
komið um borð í Grímseyjarferj-
una Sæfara, sem sigldi með það
langleiðina til Lágeyjar. Þar
mætti TF LÍF á staðinn og lyfti
skýhnu frá borði og flaug með
það til cyjarinnar þar sem frá
því var gengið.
Jón sagði að ýmsir aðilar
hefðu lagt þessu framntaki lið
og vildi hann koma á framfæri
sérstöku þakklæti til Landhelgis-
gæslunnar, Flutningamiðstöðvar
Norðurlands og Samskipa. js
TF LIF lyftir skýlinu frá borði. Lágey í baksýn.
Fyrsta spölinn var landleiðin farin.
Neyðarskýlið komið um borð í Sæfara við Húsavíkur-
höfn.
„Aðeins46 rúmlega 24
milljóna kr. hagnaður
Rekstrarhagnaður út-
gerðar- og fisk-
vinnslufyrirtækisins
Borgeyjar á Hornafirði nam
24,2 milljónum króna á síð-
asta ári sem er helmingi
minni hagnaður en árið
1995 þrátt fyrir verulega
veltuaukningu milli ára.
Rekstrartekjur samstæð-
unnar námu 2,3 milljörðum
króna og rekstrargjöld 2,0
milljörðum króna og skilaði
reksturinn því tæpum 300
milljónum króna upp í af-
skriftir og íjármagnskostnað.
Skuldir nema alls 1,8 millj-
arði króna en verulega var
íjárfest á síðasta ári, eða fyr-
ir liðlega 1 milljarð króna. Á
árinu réðist Borgey í tölu-
verðar breytingar á land-
vinnslu félagsins, m.a. nýjar
vinnslulínur fyrir kola, sfld
og loðnu og fest var kaup á
Húnaröst ehf. (100%), sem er
með 2,5% af loðnukvótanum,
-4,55% af sfldarkvótanum og
liðlega 100 þorskígildatonna
kvóta, og 40% hlut í loðnu-
verksmiðjunni Óslandi hf., og
jókst hlutur Borgeyjar við
það í 80%. Sfldar- og kola-
kvótar voru keyptir og
greiddir með peningum að
hluta en einnig að hluta með
þorskkvóta. Eigið fé nam 567
milljónum króna, eiginijár-
hlutfail 22,8% en veltufjár-
hlutfall 1,68. Hlutafé var
aukið um 60 milljónir króna
á árinu, í 426 milljónir króna
og er stærsti hluthafinn
Kaupfélag Austur-Skaft-
fellinga með 47,1%. Félagið
Áætlanir gerðu
ráð fyrir 90 milljóna
króna hagnaði
en vegna rekstrar-
stöðvunar í frysti-
húsi vegna galla í
frystikerfi og minni
síldarafla í nót gekk
það ekki eftir.
Gerðar verða
viðeigandi ráðstaf-
anir segir Halldór
Árnason, fram-
kvæmdastjóri.
er skráð á Opna tilboðs-
markaðnum og fór gengi
hlutabréfa hæst 3,85 en var
3,50 í árslok.
Borgey gerir út bátinn
Hvanney SF-51, en dótturfyr-
irtækið gerir út loðnu- og
síldarskipið Húnaröst SF-550
en auk þess aflaði Grindvík-
ingur GK hráefnis fyrir
loðnuverksmiðjuna.
Halldór Árnason, fram-
kvæmdastjóri Borgeyjar, seg-
ir afkomuna á síðasta ári
ekki ásættanlega, gerðar hafi
verið áætlanir um að skila
um 90 milljóna króna hagn-
aði, en brugðist verði við
vandanum og gerðar verði
ráðstafanir á þessu ári til að
laga stöðuna. Halldór segir
skýringarnar af ýmsum toga
og nefna megi að rekstrar-
stöðvun varð er frystingin í
frystihúsinu datt niður í hálf-
an mánuð á miðri sfldarver-
tíð vegna galla er kom upp
við þrýstiprófun á frystikerf-
inu og mjög illa gekk að
veiða sfldina í nót í október-
og nóvembermánuði. Sfldar-
aflinn varð því aðeins 2.287
tonn á móti 4.265 tonnum
árið 1995, en sfldarsöltun
jókst um 14 þúsund tunnur,
varð 40.050 tunnur og loðnu-
frysting nam 4.454 tonnum,
jókst um 1.860 tonn. GG
Tugir karla
í vanda
Félagið Ábyrgir feður er
orðið að veruleika.
Þeir eru með fundi á
hverju miðvikudagskvöldi
kl. 20.00 við Skeljanes f
Reykjavík merkt Miðstöð
Nýbúa.
Að mati aðstandenda fé-
lagsins er full þörf á félagi
sem þessu, þar sem hátt í
sjötíu einstaklingar (stærsti
hlutinn karlmenn) hafa
haft samband við það og
segja farir sínar ekki slétt-
ar við meðferð og úrskurði
yfirvalda í forsjár- og um-
gengismálum.
Feðrum á íslandi og
börnum þeirra er tryggðm
réttur samkvæmt íslensku
barnalögunum og barna-
sáttmála Sameinuðu þjóð-
anna um umgengnisrétt ef
þeir hafa ekki forsjá barns
síns. Samkvæmt upplýsing-
um frá Ábyrgum feðrum
hafa margir feður, þrátt
fyrir þennan rétt, fengið
mjög ósanngjarna meðferð
og úrskurði hjá þartilbær-
um yfirvöldum. Stefna fé-
lagsins er að knýja fram
réttlátari meðferð og úr-
skmði hjá úrskurðaraðilum
um land allt, þar sem
barnalög og sáttmálar eru
látnir gilda en ekki hefðir
sem viðkomandi embætti
hafa komið sér upp. Auk
þess vill félagið aðstoða og
leiðbeina þeim sem standa
frammi fyrir skilnaði, for-
sjármissi og skyldum mál-
um.
Símanúmer hjá Ábyrg-
um feðrum er 466-3166.
Suðurland
Alþýðubandalag og Sjálf-
stæðisflokkur í sókn
Niðurstöður úr skoðana-
könnun Gallup á íslandi
um fylgi stjórnamála-
flokka á Suðurlandi í alþingis-
kosningum var birt í Sunn-
lenska fréttablaðinu fyrir
skömmu. Þar kemur fram að
alþýðubandalagsmenn og sjálf-
stæðismenn sækja í sig veðrið
frá síðustu kosningum.
Sjálfstæðismenn misstu
þriðja þingmann sinn til Al-
þýðuflokksmanna í síðustu
kosningum. Þá bauð Eggert
Haukdal, þingmaður sjálfstæð-
ismanna um árabil, fram sér-
lista, S-hstann. Samkvæmt
könnuninni fá önnur framboð
en fimmflokkarnir einungis 1%
atkvæða. Þeir listar, S-listi,
Þjóðvaki og Náttúrulagaflokk-
urinn fengu samtals 12,9% í
síðustu kosningum, S-listi sýnu
mest.
G-listinn fær samkvæmt Gall-
up 22,6%, fékk 15,8% í kosn-
ingunum en D-listi 37% var
með 33,2% og á möguleika á
þriðja þingmanni sínum. Fram-
sóknarmenn fá nánast sama
fylgi og í kosningunum 1995
eða 28,9% atkvæða. Alþýðu-
flokkurinn fær ekki kjördæma-
kjörinn þingmann samkvæmt
þessu, flokkurinn fær 8,3% í
könnuninni en fékk 6,8% og
uppbótarþingmann 1995.
Kvennalistinn er með 2,2%,
svipað og í kosningunum.
Tekið var tilviljunarúrtak úr
þjóðskrá, 800 manns voru
spurðir og 412 svöruðu. Könn-
unin fór fram í gegnum síma.
-hþ./Selfossi
Hagstofan
Vísitala neysluverðs
Vísitala neysluverðs hefur
lækkað um 0,2% frá aprfl
1997. Lækkun á ávöxtum um
19,2% olli 0,2% vísitölulækkun.
Síðastliðna tólf mánuði hefur vísi-
tala neysluverðs hækkað um
1,4% og vísitala neysluverðs án
húsnæðis um 1,2%. Undanfarna
þrjá mánuði hefur vísitala
neysluverðs hækkað rnn 0,5%,
sem jafngildir 2,0% verðbólgu á
ári. Sambærileg þriggja mánaða
breyting á vísitölu neysluverðs án
vísitölu án húsnæðis svarar til
2,2% verðbólgu á ári.
Verðbólgan í EES ríkjum frá
mars 1996 til mars 1997 var
1,7% að meðaltali. í Finnlandi
var 0,8% verðbólga og 1,0% í Sví-
þjóð. Verðbólgan á íslandi var á
sama tímabili 1,7% og í helstu
viðskiptalöndum íslendinga 1,8%.