Dagur - Tíminn Reykjavík - 21.05.1997, Blaðsíða 5
Miðvikudagur 21. maí 1997 - 5
\PP\ inm iiinnHM-í'mMW — t
Bankar
Bankafólki hef- ^
ur fækkað úr Þ’
3800 í rúmlega 3000
á 6-7 árum, að sögn
Friðberts Trausta-
Kerfísbimdin fækk-
un starfsmanna
Starfsfólki Landsbanka og Búnaðar-
banka fækkar um nokkra tugi í ár.
Pama er ekki um beinar uppsagnir að
ræða heldur eru gerðir starfsloka-
samningar við starfsmenn 67 ára og
eldri. Samhliða þessari fækkun er
nánast ekkert um nýráðningar í venju-
leg bankastörf. Fækkun starfsmanna á
þennan hátt átti sér einnig stað í fyrra.
„Það er bara verið að halda áfram
þessari fækkun bankastarfsmanna
sem er búin að vera undanfarin 6-7
ár,“ segir Friðbert Traustason, for-
maður Sambands ísl. bankamarma.
Hann segir að sambandið hveti frekar
til þess að gerðir séu starfslokasamn-
ingar við þá eldri í stað þess að segja
upp þeim yngri. Það er þó háð því að
þessir samningar séu gerðir með samþykki við-
komandi starfsmanna sem margir hafa áunnið
sér full eftirlaunaréttindi. Samkvæmt þessum
samningum eru starfslok ýmist í næsta mánuði
og í haust. Samkvæmt lögum getur fólk unnið til
sjötugs. Formaður SÍB bendir á að þessi kerfis-
bundna fækkun starfsmanna í þessum tveimur
bönkum sé óháð þeirri ákvörðun að
breyta ríkisbönkunum í hlutafélög.
Óvíst er hvaða áhrif það muni hafa á
starfsmannahaldið þegar hlutafélags-
formið kemur til framkvæmda.
Með sameiningu banka og kerfis-
bundinni fækkun starfsmanna á þess-
um áratug hefur bankamönnum fækk-
að um 100 á ári eða um 700 í það
heila. Þessi þróun hefur leitt til þess
að félagsmenn í SÍB eru rétt rúmlega
3 þúsund en voru áður 3800.
Þessi fækkun starfsmanna og óvissa
annarra um framtíð sína hefur leitt til
þess að andrúmsloftið meðal banka-
manna er ansi spennuþrungið og þarf
ekki mikið til að gára vatnið. Sem
dæmi þá olli prentun 120 uppsagnar-
eyðublaða fyrir sumarafleysingafólk sögusögnum
um að Qöldauppsagnir væru framundan í Lands-
banka. Hið rétta er að sumarafleysingafólk, sem
er fær aðeins tímabundna ráðningu, er gert að
skrifa riöfn sín á þessi uppsagnareyðublöð sam-
hhða því að það er ráðið til vinnu. -grh
Starfsloka-
samningar
gerðir við
nokkra tugi
eldri starfs-
manna í
Landsbanka
og Búnaðar-
banka. Nær
ekkert um ný
ráðningar.
Borgarfjörður
Lögreglan of fámenn
Lögreglan í Borgar-
nesi er ekki í stakk
búin til að takast á
við óvæntar fjölda-
samkomur vegna
liðsfæðar.
Víð erum ekki í stakk bún-
ir til að afgreiða það með
viðhlítandi hætti,“ svar-
aði Þórður Sigurðsson, yfirlög-
regluþjónn í Borgarnesi, að-
spurður hvernig lögreglan í
Borgarnesi sé í stakk búin til að
afgreiða uppákomur sem þá er
var í Hreðavatnsskála um helg-
ina, en þar söfnuðust saman
hundruð ungmenna á dansleik.
Skortur á bílastæðum og að-
stöðu varð þess valdandi að
umferð tepptist um hringveginn
í Norðurárdal um tíma. Þórður
segir lögregluna ekki hafa get-
að annað en
látið samkom-
una hafa sinn
gang, „því við
vorum með allt
héraðið undir,“
sagði hann.
Sjö stöðu-
gildi eru hjá
lögreglunni í
Borgarnesi og
þar af ganga
fimm lögreglu-
menn vaktir.
„Það eru þrískiptar vaktir, tveir
á tveimur vöktum og einn á
einni.“ Svæðið sem þetta lög-
reglulið vaktar er allt Borgar-
fjarðarhérað og markast af
Hvalfjarðarbotni að sunnan,
Kaldadal, Holtavörðuheiði og
Bröttubrekku að austan og
norðan og Hítará að vestan.
„Ég hef nú
sagt sem svo;
Hvers eiga íbú-
ar þessa hér-
aðs að gjalda
að lögreglulið-
ið sé svona fá-
liðað. Mér er
ekkert kapps-
mál að hafa
hundrað lög-
reglumenn en
fólkinu ætti að
vera kappsmál
að hafa sömu
þjónustu og önnur lögsagnar-
umdæmi,“ segir Þórður.
-ohr
„Mér er ekkert
kappsmál að hafa
hundrað lögreglu-
menn en fólkinu ætti
að vera kappsmál að
hafa sömu þjónustu
og önnur lögsagnar-
umdæmi,“ segir
Þórður.
Stutt & laggott
Nýr sparisjóður á ísafirði
Sameining ljögurra sparisjóða við norðanverða Vestfirði er
enn í „vinnslu" en unnið er að úttekt á kostum og göllum
sameiningar sparisjóðanna af Gísla Arasyni, hagfræðingi,
og er að vænta niðurstöðu á næstu vikum. Um er að ræða
sparisjóðina í Súðavík, Bolungarvík, Þingeyri og Flateyri.
Stefnt er að því að þessi nýi „Sparisjóður ísfirðinga“ verði
með aðalstöðvar á ísafirði að Aðalstræti 17, en áfram verða
afgreiðslur í núverandi starfsaðstöðu sparisjóðanna. Ljóst
er nú þegar að það er meira peningalegt hagræði að því að
sameina sparisjóðina en að þeir starfi hver í sínu lagi. GG
Ný hraðverslun
Skeljungur hefur opnað nýja hraðverslun í Shellstöðinni við
Suðurfell í Breiðholti. Þetta er önnur Select-hraðverslunin
sem opnuð er hér á landi, en sú fyrsta var opnuð við Vestur-
landsveg í mars síðastliðnum. Þetta eru í senn hraðverslanir
og skyndiréttastaðir, þar sem hægt er að kaupa ýmsa heim-
ilsvöru og brauð- og pylsurétti. Þar eru einnig á boðstólnum
nýbökuð brauð og kökur. Verslanir af þessu tagi eru algeng-
ar víða í nágrannalöndunum, en nýjung hér á landi.
Maður borinn um borð í þyrlu. Mynd: ohr
Þyrla sótti mann
Þyrla Landhelgisgæslunnar, TF-LÍF, lenti á nýjum íþrótta-
velli í Borgarnesi á öðrum tímanum aðfaranótt þriðjudags-
ins til að sækja veikan mann. Skúli Bjarnason, læknir í
Borgarnesi, staðfesti að um hefði verið að ræða eftirköst af
slysi en vildi ekki tjá sig frekar um líðan mannsins.
Fleiri lækna á Selfoss
Bæjarráð Selfoss vill að heilbrigðisráðherra tryggi að fjár-
veitingar fáist til þess að ráðinn verði svæfingalæknir til
starfa við Sjúkrahús Suðurlands, og að einn læknir til við-
bótar verði ráðinn að heilsugæslunni á Selfossi, en þar er
nú allt að viku bið eftir viðtali við lækni.
„Sú þjónusta sem Sunnlendingar vilja sækja til Sjúkra-
húss Suðurlands er alls ekki fullnægjandi, án þess að við
sjúkrahúsið starfi svæfingalæknir. I því sambandi vegur
fæðingarhjálpin, og almennar aðgerðir sem sjúkrahúsið
getur veitt, mjög þungt,“ segir í ályktun bæjarstjórnar.
Hvað varðar heilsugæslustöðina segir að á upptökusvæði
Heilsugæslustöðvar Selfoss búi um 6.000 manns, auk þess
sem veruleg ásókn sé annarsstaðar frá eftir þjónustu - með-
al annars frá íbúum í sumarhúsum í uppsveitum Árnes-
sýslu. Því sé núverandi ástand í málefnum heilsugæslunnar
óviðunandi og það verði fjárveitingavaldið að taka til já-
kvæðrar skoðunar. -sbs.
Atvinnulausum fjölgaði
Skráðir atvinnuleysisdagar voru 5 þúsund fleiri í apríl sl. en
í mánuðinum þar á undan, eða alls 136 þúsund. Það jafn-
gildir um 4,7% atvinnuleysi. Búist er við að það verði 4,1-
4,5% í yfirstandandi mánuði.
í yfirliti vinnumálaskrifstofu félagsmálaráðuneytisins um
atvinnuástandið kemur fram að atvinnuleysi kvenna jókst
um 6,3% og karla um 1,3%. Þannig fjölgaði atvinnulausum
konum að meðaltali um 217 og körlum um 36. Samtals voru
984 í hlutastörfum í lok aprfl sl. eða 15,2% þeirra sem voru
skráðir atvinnulausir. Alls voru veitt 128 atvinnuleyfi í sl.
mánuði en þá voru 68 störf skráð laus hjá vinnumiðlunum.
Af einstökum Iandsvæðum jókst atvinnuleysið hlutfalls-
lega mest á Suðurnesjum en fjöldi atvinnulausra er sem
fyrr mestur á höfuðborgarsvæðinu. Atvinnulausum fækkaði
mest á Vestfjörðum og á Vesturlandi. Eins og áður er at-
vinnuleysið hlutfallslega mest á Norðurlandi vestra. -grh
Launavísitalan hækkar
Hagstofan hefur reiknað út launavísitölu miðað við meðal-
laun í apríl 1997. Er vísitalan 154,1 og hækkar um 3,1% frá
fyrra mánuði. Samsvarandi launavísitala, sem gildir við út-
reikning greiðslumarks fasteignaveðlána, er 3370 stig í júní
1997. Þá hefur vísitala byggingakostnaðar verið reiknuð
eftir verðlagi um miðjan maí. Hún reyndist vera 223,2 stig
og hafði hækkað um 1,9% frá því í apríl.