Dagur - Tíminn Reykjavík - 28.05.1997, Blaðsíða 2

|Dagur-®tmrttit
2 - Miðvikudagur 28. maí 1997
Heiti Potturinn
Fullyrt er í heita pottinum
að forsvarsmönnum
nýju tímaritanna Allt,
Heimsmyndar og Lífstíls
hafi sárnað mjög umfjöllun
keppinautanna í nýjasta
Mannlífi. Þar er ekki verið
að fjalla um tímaritin sem
slík eða þá sem að þeim
standa, en í blaðinu er ítar-
leg grein um fjölmiðlaveldi
Jóns Ólafssonar. I einni
setningu er talið upp hversu
víða í íslenskri fjölmiðlun
veldi Jóns teygir sig og
nýju tímaritunum skellt með
í þeirri upptalningu. Jón Ól-
afsson og félagar á Stöð 2
eiga hins vegar ekki krónu í
útgáfufyrirtæki nýju tímarit-
anna og forsvarsmönnum
þeirra þykir ekki gott að
vera bendlaðir við fjöl-
miðlarisann, enda séu þeir
frjálsir og engum háðir.
Framkvæmdastjórastað-
an í Kísiliðjunni í Mý-
vatnssveit barst í tal í heita
pottinum, en hún losnaði
óvænt þegar Bjarni Bjarna-
son var ráðinn fram-
kvæmdastjóri Járnblendis-
ins á Grundartanga. Ekki
þykir ólíklegt að stjórn Kís-
iliðjunnar fari nú á stúfana
og leiti að góðum manni í
stað Bjarna, fremur en að
staðan verði auglýst.
Þannig hreppti Bjarni víst
hnossið segja pottormar.
Stjórn Járnblendisins leitaði
til hans og bauð honum
starfið, án þess að Bjarni
hefði neitt frumkvæði í þeim
efnum. Þótt deilur hafi
gjarnan sett svip sinn á
fréttir úr Mývatnssveit,
hlýtur framkvæmdastjóra-
staðan í Kísiliðjunni að vera
með þeim eftirsóttari enda
fyrirtækið stórt og stönd-
ugt.
F R É T T I R
Samkeppnisstofnun
Bleikt og blátt undir borðið
Samkeppnisstofnun og aug-
lýsinganefnd ráðgjafa-
nefndar samkeppnisráðs
hafa snúið sér til Kaupmanna-
samtaka fslands og óskað eftir
að samtökin komi því á fram-
færi við kaupmenn að tímaritið
Bleikt og blátt blasi ekki við
börnum og ungmennum í versl-
unum.
Stofnunin bendir á, af gefnu
tilefni, að „útstilling tímarits í
verslun telst auglýsing" og að í
22. grein samkeppnislaga segi:
„Auglýsingar skulu miðast við
að börn sjái þær og heyri og
mega þær á engan hátt mis-
bjóða þeim.“
Óskað er eftir að kaupmenn
sjái svo um að tímaritum sé
ekki stillt út þannig að þau séu í
augnhæð ungra barna - ef for-
síður þeirra kunna að misbjóða
þeim. - JBP
- tld Ársins í
h»n*iboit* og
kðrfytíattx
Siguröur
Húsnæðiskerfið
Yfirklór og
kattarþvottur
✓
g vil ekki sitja undir því
að vera kallaður falsari
eða vera sakaður um að
vilja eyðileggja félagslega hús-
næðiskerfið," segir Páll Péturs-
son, félagsmálaráðherra, sem
segir að lítill munur sé á svör-
um sínum á þingi um félags-
lega kerfið og svörum Ríkis-
endurskoðunar um sama mál.
Síðasta dag þingsins sakaði
Jóhanna Sigurðardóttir, þing-
maður Jafnaðarmanna, Pál um
að gefa rangar upplýsingar um
kostnað í félagslega kerlinu í
þeim tilgangi að sverta kerfið.
Vitnaði Jóhanna í svör Ríkis-
endurskoðunar við spurningum
sínum. Á blaðamannafundi í
vikunni lagði Páll hins vegar
fram bréf frá Ríkiendurskoðun,
þar sem fram kemur að spurn-
ingar þær sem Jóhanna lagði
fyrir hana og félagsmálaráð-
herra hafi aðeins að hluta til
verið þær sömu og þess vegna
ekki hægt að bera þær saman.
Páll segir að svör Ríkisend-
urskoðunar staðfesti sitt mál í
öllum meginatriðinn, þótt efnis-
tök og viðmiðanir séu mismun-
andi í örfáum tilvikum.
Pingflokkur Jafnaðarmanna
situr hins vegar við sinn keip. í
fréttatilkynningu frá honum í
gær segir að skýringar ráð-
herrans séu aumkunarvert yfir-
klór og kattarvottur. Vinnu-
brögð ráðherrans eru átalin og
því lofað að málið verði tekið
upp aftur á Alþingi í haust. -vj
Perlan
Vel sóttir
Bygginga-
dagar
Um 15.000 manns heimsóttu
fyrirtæki á Byggingadögum
1997, sem efnt var til í Perlunni
í Reykjavík um helgina. Auk
þessa sóttu þúsundir heim þau
fyrirtæki sem voru með opið
hús, víðsvegar á höfuðborgar-
svæðinu. Byggingadagar voru
uð þessu sinni haldnir undir
kjörorðunum Hús skulu standa,
en þetta var í fyrsta sinn sem
efnt var til sameiginlegrar sýn-
ingar byggingafyrirtækja.
Víðsvegar á höfuðborgarsvæð-
inu gátu gestir síðan af eigin
raun séð hvernig byggingavör-
ur verða til, skoðað íbúðir og
hús á ýmsum byggingastigum
og fengið ráðgjöf á ýmsum svið-
um.
Skatturinn
Nær helm-
ingur í
vanskilum
Nærri 100 einstakhngar og
fyrirtæki hafa fengið að
skuldbreyta skattaskuldum sín-
um undanfarin 8 ár og námu
þær samtals um 369 milljónum
króna. Samþykkt var á Álþingi
1988 að heimila fjármálaráð-
herra að semja um greiðslur á
skattaskuldum, ef hægt væri að
tryggja skuldina þannig og ljóst
þætti að hún myndi ella tapast.
Ríkisendurskoðun ber að gefa
umsögn um samninga af þessu
tagi og jafnframt að skila. Alls
hafa verið gefin út 101 skulda-
bréf síðan og eru 51 uppgreidd,
10 í skilum en 40 í vanskilum.
Af þeim er búið að afskrifa 22
að fullu eða öllu leyti.
Undanfarin ár hefur þeim
farið fækkandi sem fengið hafa
skuldbreytingu og í fyrra voru
þeir aðeins 4 og skuldir þeirra
samtals að íjárhæð um 9,5
milljónir króna. Árið 1995
sömdu sex um skuldir að ijár-
hæð rúmar 16b milljónir króna,
en 1994 voru þeir 14 og skuld-
irnar um 48 milljónir króna.
Tilkynningaskyldan
Metí
sjósókn
Um 900 skip og bátar
tilkynntu sig til tilkynninga-
skyldunnar í fyrradag. Það er
einn sá mesti fjöldi sem verið
hefur sjó á einum og sama deg-
inum á þessu ári.
í gær var ekki eins gott veð-
ur til sjósóknar fyrir smærri
bátana og því mun færri sem
réru til fiskjar. Um hádegisbil í
gær voru um 350 skip og bátar
á sjó. -grh
TRÉTTAVIÐTALIB
Tölur Hafró raska ekki
heildarmynd af hagvexti
Björn Rúnar
Guðmundsson
hagfrœðingur hjá
Þjóðhagsstofnun
Ráðleggingar Hafró um legfi-
legan hámarksafla á nœsta
Jiskveiðiári koma Þjóðhags-
stofnun ekki á óvart, enda eru
þter á því róli sem sérfrœðingar
stofnunarinnar bjuggust við.
Ekki er talið líklegt að þœr kalli
á endurskoðun þjóðhagsspár.
„Já, þessar tölur eru nálægt því sem
við reiknuðum með við gerð þjóðhags-
áætlunar síðasta haust. í fljótu bragði
gefa tölur þessar frá Hafrannsóknar-
stofnun ekki tilefni til þess að við tök-
um spána upp og endurskoðum. Auð-
vitað getur alltaf skeikað einhverju til
eða frá í einstökum fiskitegundum, en
tölur Hafró eru ekki á þeim nótum að
heildarmyndin í okkar áætlunum rask-
ist. Við höfum í langtímaspám einnig
gert ráð fyrir 2,5% aukningu í útflutn-
ingi sjávarafurða á hverju ári, frá 1998
og fram til ársins 2001. Ég sé á þess-
um tímapunkti fátt sem ætti að breyta
þeirri spá, þótt forsendur geti auðvitað
alltaf breyst."
- En nú eru enn ekki komnar tölur
um hver verður heildarkvóti á nœstu
loðnuvertíð. Geta þœr ekki eitthvað
raskað myndinni?
„Við höfum nú viljað láta þá óvissu
liggja á milli hluta. í sjávarútvegi er
alltaf ákveðinn sveigjanleiki, þannig að
ef við erum nærri lagi með einhverja
heildartölu þá kemur ekki stórlega að
sök þótt ráðgjöf Hafró og ákvörðun
ráðherra í einstökum fiskitegundum sé
alltaf eitthvað lítið eitt minni eða meiri
en okkar áætlanir hafa gert ráð fyrir.“
- Þannig að þjóðhagsspá verður
ekki endurskoðuð að fengnum tillög-
um Hafró?
„Ég ætla svo sem ekkert að útiloka
það, þótt ég geti ekki svarað því beint.
En einsog ég segi þá er þetta nærri því
sem við reiknuðum með og þarna
kemur ekkert á óvart.“
- En hvernig er útlitið í þjóðar-
hagnum að öðru leyti?
„Ef við lítum á innflutning og út-
flutning þá hefur verið þar viss óróleiki
að undanförnu. Strand Vikartinds á
Háfsfjöru setti til dæmis innflutnings-
statistikina talsvert úr skorðum og það
hefur greinilega komið fram í hagtöl-
um. Þá höfðu verkföll í vetur sitt að
segja í þessu sambandi. Um tekjur af
ferðamönnum er erfitt að segja, einsog
alltaf er þá hafa þeir verið fáir nú á
fyrstu mánuðum ársins. En í ferða-
mannageiranum eru ákveðnir óvissu-
þættir þessa stundina, efnahagsástand
í Þýskalandi hefur oft verið betra en
nú og það getur haft áhrif. Þá gerðum
við verðbólguspár í vetur þegar nýir
kjarasamningar tóku gildi og útkoman
þar hefur verið heldur betri en við
reiknuðum með. Verðbólgan er núna
um 2,0%, en við áttum jafnvel von á
því að hún yrði meiri.
Er eitthvað megineinkenni í þjóð-
arbúskapnum um þessar mundir?
„Núna leika stóriðjuframkvæmdir
mjög stórt hlutverk í öllum þjóðarbú-
skapnum. Pær framkvæmdir eru lykil-
atriði og gefa mikla inntekt inn í allt
hagkerfið." -sbs.