Dagur - Tíminn - 30.11.1996, Blaðsíða 7
Í5agur-®hrrám
ÍSLENDINGAÞÆTTIR
Laugardagur 30. nóvember 1996 - VII
Lostceti með
loðnar tœr
Núna er skotleyfi á rjúpuna og er mikill vopnaburður upp um
heiðar og fjöli til að granda þessum bragðgóða fugli. Fæð-
ingardegi frelsarans er fagnað með rjúpnaáti og leggja
menn á sig mikið erfiði og jafnvel h'fshættulegt við að ná til rjúp-
unnar.
Rjúpan er eini íslenski fuglinn sem er með loðna fætur, enda
lýsti listaskáidið góða henni svo:.hvít með loðnar tær“, og var
lítið hrifinn af fólki sem lagði sér svo ljúfan fugl til munns. Saga er
til af því hvers vegna rjúpan er ekki með bera fætur eins og aðrir
fuglar.
Rjúpan vildi ekki ganga í gegnum hreinsunareld Maríu eins og
hinir fuglarnir, því rjúpan hefur loðna fætur. í>ar að auki iagði
María það á hana, að hún skyldi aldrei mega óhrædd vera um líf
sitt nema rétt um hámessutímann á hvítasunnu.
Á þessi sögn greinilega ætt sína að rekja til pápísku.
Systurníðingur
Núna er setið um líf rjúpunnar af hálfu manna miklu skemur
en sem nemur einum messutíma. Samkvæmt fuglafriðunar-
lögum má aðeins skjóta hana í nokkrar vikur á ári.
Rjúpan á sér fleiri óvini en skotglaða byssumenn, því fleirum
þykir hún lostæti en mannfólkinu. I>að er haft fyrir satt og er í
fleiri þjóðsagnasöfnum, að valurinn og rjúpan séu systkini, en rán-
fuglinn er gráðugur að éta hana eigi að síður.
En valurinn er með þeim ósköpum gerður að hann man ekki
skyldleikann, en ofsækir rjúpuna, drepur og étur. Það er fyrst þeg-
ar hann er búinn að rífa sig inn að hjartanu að hann man eftir að
hann var að granda og éta systur sína. I>á setur að honum harm
mikinn og hann vælir og barmar sér ákaflega.
Núna er rjúpan til sölu fyrir 750 krónur stykkið, óhamflett.
(Jóhanna er höfundur greinarinnar).
Leiðrétting
Þau leiðu mistök áttu sér
stað í síðasta laugardags-
blaði að rangur texti var
birtur með mynd er fylgdi grein
um Guðrúnu Árnadóttur frá
Lundi. Textinn og myndirnar
tvær sem víxluðust birtast því
hér aftur.
Mjög fáar myndir eru til af Guðrúnu
ungri en hér er hún um tvítugt ásamt
vinkonu sinni Bjarnveigu frá Hnífsdal.
Guðrún er sú sem stendur á myndinni.
GAMLA MYNDIN
Ljósmynd: Hallgrímur Einarsson og synir/Minjasafnið á Akureyrí
Hver kannast við fólkið?
Ef lesendur Dags-Tímans
þekkja einhvern á þessari
mynd, eru þeir vinsamlegast
beðnir að snúa sér til Minja-
safnsins á Akureyri, annað
hvort með því að senda bréf í
pósthólf 341, 602 Akureyri,
eða hringja í síma 462 4162
eða 461 2562 (símsvari).
Prestsdætumar í Grímsey
Iíslendingaþáttum var spurt um stúlkurnar í Grímsey sem mynd var birt af. Nú hefur verið upp-
lýst að þrjár af stúlkunum fjórum eru dætur séra Matthísar Eggertssonar, sem þjónaði presta-
kallinu í yfir 40 ár, eða á árunum 1895 til 1937, er hann flutti til Reykjavíkur.
Stúlkan, sem er önnur frá vinstri, er Anna og síðan Agnes og Rannveig. Ileimildarmaður kann-
ast ekki við stúlkuna lengst til vinstri, en hún er greinilega vinkona systranna. Séra Matthías var
mjög kynsæll maður og átti íjölda barna. Líkur eru á að hann hafi sjálfur tekið þessa ágætu mynd,
sem telja verður að hafi ekki verið síðar en 1937, en sennilega þó nokkrum árum fyrr.