Dagblaðið Vísir - DV - 04.03.1983, Blaðsíða 2
2
DV. FÖSTUDAGUR 4. MARS1983.
Frami Mezzoforte
fer enn vaxandi
— stór plata komin á topp 100 í Bretlandi
1(insældir Mezzoforte fara nú ört vaxandi í Bretlandi og er nú bæöi stór og
iítii plata á iistum yfir 100 mest seldu plötur þar i landi. Engin íslensk hljóm-
sveit hefur nóö siikum frama fyrr eöa síðar.
Frami hljómsveitarinnar Mezzo-
forte á vinsældalistum í Bretlandi fer
nú vaxandi meö viku hverri. Litla
platan með lögunum Garden Party
og FunkSuite no. 1, er nú komin í 61.
sæti vinsældalistans, en var í 86. sæti
í síðustu viku. Ekki nóg meö það því
nú hefur stóra platan Surprise Sur-
prise tekiö heldur betur við sér og er
komin í 78. sæti listans. Það kann
ekki að þykja ýkja hátt en ef tekið er
tillit til þess að hún var í 154. sæti vik-
una á undan eru hér mikil tiöindi á
ferð.
Að sögn Jónatans Garðarssonar
hjá Steinum h/f, hafa þessar tvær
plötur Mezzoforte nú selst í um 30
þúsund eintökum í Bretlandi og fer
salan vaxandi eins og listarnir bera
með sér. Nýlega birtust mjög lof-
samlegir dómar um báðar plötumar
i tónlistarblaðinu Record Mirror og
má nefna aö stóra platan hlaut þar
fjórar stjömur af fimm mögulegum
sem verður að teljast frambærilegt.
Þá hefur litla platan verið kjörin
plata vikunnar hjá fjölmörgum út-
varpsstöðvum.
Til að fylgja eftir þessum nýunnu
vinsældum hélt Mezzoforte til
Bretlands í gær, en hún á að koma
fram á hinum virta skemmtistað The
Venue í Lundúnum annaö kvöld. I
kvöld mun hún hita upp litilsháttar i
lokuöu samkvæmi á diskóteki
nokkm þar í borg.
Upphaflega var ætlunin að strák-
amir kæmu heim aftur strax eftir
helgina en vegna mikillar eftirspum-
ar eftir viðtölum og annarri kynn-
ingu, munu þeir dvelja í Bretlandi
fram á fimmtudag.
Að sögn Steinars Berg Isleifssonar
hjáSteinumh/fermjög mikilláhugi
fyrir Mezzoforte í Bretlandi og talið
að plötur hljómsveitarinnar eigi eftir
að færast enn ofar á vinsældalistum.
Ef önnur hvor platan fer að nálgast
topp 20 verður hljómsveitin að fara
aö huga að sjónvarpsupptökum því
hljómsveit sem á lag á topp 20 fær
sjálfkrafa kynningu í hinum víð-
fræga sjónvarpsþætti Top Of The
Pops, í BBC.
I framhaldi af þessari velgengni í
Bretlandi er verið að koma þessum
plötum Mezzoforte á markað í vel
flestum Vestur-Evrópulöndum og
þar aö auki í Suður-Afríku. Ekkert
hefur enn verið hugaö að Banda-
ríkjamarkaði og segir Jónatan
Garðarsson að þaö verði ekki gert
fýrr en staða hljómsveitarinnar er
orðin enn sterkari í Bretlandi.
Það fylgir ekki sögu frá Bretlandi
hvort það er sú staðreynd að Mezzo-
forte var stjömuband á Stjömu-
messu DV í fyrra sem veldur vel-
gengni hennar þar í landi.
-SþS
GunnarSalvarsson:
Rétt tónlist á réttum tíma
— en vara menn við of mikilli bjartsýni
„Vissulega er þetta mjög góð
frammistaða hjá Mezzoforte, en ég vil
vara menn við of mikilli bjartsýni í
þessum málum,” segir Gunnar
Salvarsson, poppskríbent DV með
meiru, en hann hefur fylgst með vin-
sældalistum og tónlistarlífi í Bretlandi
umárabil.
„Það kemur oft fy rir að plata geysist
upp listann í nokkuð stómm stökkum
tU að byrja með en það þarf ekki endi-
lega að þýða að hún fari á topp 20. En
það verður að teljast nokkuð gott að
vera í 61. sæti listans eftir aðeins tvær
vikur þar,” segir Gunnar.
Hann bendir á að það sé mýgrútur af
hljómsveitum sem komist hafi þetta
langt, en síðan fallið í gleymsku og dá
daginn eftir. „Menn mega ekki halda
að þeir hafi höndlað heimsfrægðina í
einni svipan,” segir hann.
Gunnar minnir á það að hin almenna
regla fyrir vinsældum í tónlistarheim-
inum sé að vera með réttu tónlistina á
réttum tíma. Þar sé Mezzoforte mjög
vel stödd því funk sé á mikilli uppleið í
Bretlandi um þessar mundir., J5n það
er ekki nóg að leika góða tónlist til að
ná vinsældum, því að baki þeim liggur
óhemju mikið undirbúningsstarf og
verja þarf stórfé í kynningar,” segir
Gunnar.
Þess má geta aö vinsældalisti sá er
hér er tittnefndur er hinn opinberi
breski vinsældalisti, og er hann unninn
af Gallup stofnuninni þar í landi. Bygg-
ist hann á upplýsingum um sölu frá um
250 verslunum víðs vegar um Bret-
landseyjar. Birtist hann vikulega í
tímaritinu Music And Video Week, en
það er útbreiddasta viðskiptatimarit
Bretlands á tónlistarsviðinu. Hann
birtist einnig í hinu útbreidda tónlistar-
blaðiRecordMirror. -SþS
„Funktóniist er i mikiiii uppleiö i
Bretíandi um þessar mundir og þvi
úti'rtiö bjart fyrir Mezzoforte," segir
Gunnar Saivarsson.
KJÖTSYNING
Kjöt af 24 völdum nautgripum frá Slátur-
félagi Suöurlands verður kynnt á 1. hæð í
húsakynnum Afurðasölu Sambands ísl.
samvinnufélaga á Kirkjusandi.
Kjötiðnaðarmenn sýna hlutun á
nautakjöti.
Hvernig vilja neytendur nautakjötið?
Skoðanakönnun meðal sýningargesta.
Kjötiðnaðarstöð SÍS kynnir framleiðslu-
vörur sínar á 2. hæð hússins. Þar verða
gefnar bragðprufur og vinnsluvörur
seldar í sérstökum kynningarpökkum á
mjög hagstæðu verði.
SÝNINGIN VERÐUR 0PIN LAUGARDAG 5. MARS KL. 15.00 TIL 18.00
OG Á SUNNUDAG KL. 13.00 TIL 18.00
Sjónvarpið
sýnirekki
meira frá HM
íhandbolta
Sjónvarpið mun ekki nýta sér heim-
ild Utvarpsráðs til að sýna beint frá
fleiri leikjum í heimsmeistarakeppn-
inni í handknattleik karia sem nú fer
framíHollandi.
Sjónvarpið fékk heimild til að sýna
beint frá tveim leikjum Islands í
keppninni. Sýndur var leikur Islands
og Spánar en beðið var með að
ákvarða hvaða leikur yrði sýndur svo.
Áhugi var að sýna leik Islands og
Sviss en þá stóð illa á með gervi-
hnattartima, að sögn Ellerts Sigur-
bjömssonar dagskrárritstjóra sjón-
varpsins.
Áhugi á öðrum leikjum Islands í
keppninni er takmarkaöur þar sem Uð-
ið hafnaði í lakari flokknum á mótinu.
Verður því þessi heimild nýtt síðar og
þá sýnt beint frá einhverjum öðrum
merkum íþróttaviðburði út í heimi.
-klp-
Gunnar Thoroddsen:
Enn óvfst
um sér-
framboð
Gunnar Thoroddsen forsætisráð-
herra hefur enn ekki látið uppi hvort
hann hyggi á sérframboð í næstu kosn-
ingum. Er hann var inntur eftir því í
gær varðist hann allra frétta og kvaðst
ekkert um það segja.
Við sama tækifæri var forsætisráð-
herra einnig inntur eftir hugsanlegum
aðgerðum í efnahagsmálum á næst-
unni og hvað liöi frumvarpi um endur-
skoðun stjórnarskrárinnar. Því kvaðst
hann ekki geta s varað á þessu stigL
-PÁ