Dagblaðið Vísir - DV - 12.03.1983, Blaðsíða 9

Dagblaðið Vísir - DV - 12.03.1983, Blaðsíða 9
DV. LAUGARDAGUR12. MARS1983. FRAMBOÐSMAL FORSÆTISRÁÐHERRA I vikunni voru gerðar heyrinkunn- ar niðurstöður í könnun Hagvangs um útbreiðslu og áhrif fjölmiðla. Engum kemur á óvart þótt Morgun- blaðiö sé enn stærst blaða og með mesta útbreiðslu. Hitt vekur athygli almennings, hversu mjög hefur dregið saman meö Morgunblaðinu og DV. Það kemur aðstandendum DV ekki á óvart og er síður en svo neitt áfall fyrir Morgunblaðið, enda sýnist það auka sina útbreiðslu jafnt og þétt. Moggamenn og reyndar allir þjóð- félagsþegnar geta glaðst yfír þeirri staðreynd að yfirburðir eins fjöl- miðils séu ekki algjörir og sam- keppni tveggja stórra blaða er af hinu góða og frjálsri fjölmiðlun til framdráttar. Vakinn upp draugur Ljóst er að Tíminn, Þjóðviljinn og Alþýðublaðiö eru ekki einu sinni hálf- drættingar miðað við útbreiðslu Morgunblaðsins og D V hvors um sig. I örvæntingu sinni hafa þrjú fyrr- nefndu blööin rekið upp ramakvein og hafið sönginn um „einokun íhalds- blaðanna". Aftur er vakinn upp sá draugur að vinstri menn þurfi að sameinast um útgáfu dagblaðs á sín- um vegum til mótvægis við voðatröll- inntilhægrí. Nú er það að vísu mikill misskiln- ingur að hægt sé að skilgreina Morgunblaðið og DV sem sambæri- leg blöð, hvað þá að dilka þau bæði sem forstokkuð ihaldsblöð. Morgun- blaðið svarar fyrir sig sjálft, en DV hef ur þann tíma, sem það hef ur verið gefið út, sýnt sig og sannað sem opinn vettvang fyrir allar stjórn- málaskoöanir. Fréttir blaðsins eru ekki skrifaðar samkvæmt pólitískri forskrift. Þetta má öllum vera ljóst sem blaðið lesa. Ölluin heiðarlegum og sanngjörnum mönnum er það einnig deginum ljósara að mikill blæ- brigða- og áherslumunur er á leiðaraskrifum DV og annarra blaða. Orsök uppdráttarsýkinnar Sannleikurinn er sá, að útbreiðsla blaða fer ekki eftir stjórnmálaskrif- um, hvort þau séu til hægri eða vinstri í pólitík. Utbreiðsla þeirra og lesning fer eftir gæðum blaðsins, fjölbreytileik og áreiðanleik. Hvenær ætla vinstri menn á Islandi aö uppgötva og viðurkenna að orsök uppdráttarsýkinnar í Tímanum, Þjóðviljanum og Alþýðu- blaðinu felst einfaldlega í því að al- menningur hefur ekki áhuga á flokksblöðum, málgögnum stjórn- málaflokka. Þau kunna aö þjóna sinu hlutverki gagnvart harðsoönum flokksmönnum, sem bíða eftir „lín- unni", en þau hafa ekkert gildi sem fréttablöð þegar fréttir þeirra eru ritaðar og fjarstýrðar af flokkseig- endafélaginu. Gleðilegasta niðurstaðan í könnun Hagvangs er sú staðreynd að DV er mest allra blaða lesið af fólki á aldr- inum 20 til 35 ára. Þetta er hin nýja kynslóð, fólkið sem tekur við og hef- ur þegar tekið við ábyrgð og forystu í þjóðfélaginu. Það vill lesa DV af því að blaðiö höföar til þess. Þessa fólks er framtíðin, DV sömuleiöis. Skírlhl Vilmundar Heldur fór skirlífi Vilmundar á skjön þegar fréttist að hann hefði látið skrifstofu Alþingis dreifa fyrir sig 5000 þingskjölum í allar áttir til kjós- enda. Slíkt er fáheyrt og flokkast auðvitað undir misnotkun á aöstöðu. Þingmaðurinn er að reka áróður fyrir bandalagið sitt með almannafé. Hann mun hafa skotið sér á bak viö þann vitnisburð forseta þingsins að engin regla væri fyrir hendi í hve miklum mæli þingmenn mættu senda pappírsgögn til kjósenda. Ennfrem- ur að hann hafi fullan rétt til þess að kynna almenningi þau þingmál sem hann leggur fram. , Þetta eru undanbrögð. Allir sem nálægt stjórnmálum og flokksstarfi koma vita ofurvel að skrifstofa Alþingis er ekki notuð sem af- greiðslustofnun fyrir flokksáróður. Ef þingskjölum er dreift af einst.uk- um þingmönnum til kjósenda sinna þá hefur það verið gert innan hóf- legra marka. í mesta lagi par hundr- aða. Þegar um almenna dreifingu er að ræða til að kynna þingmál, þá er það gert á vegum og á kostnað við- komandi flokka. Þingflokkar hafa og Laugardags- pistill Ellert B. Schram ritstjóri skrifar nokkurt fé til eigin ráðstöfunar, en þær fjárveitingar eru innan ramma fjárlaga og ákveðnar opinberlega hver ju sinni. Vilmundur hefur ekki brotið lög eða reglur. En eins og maðurinn sjálfur sagði: Löglegt — en siðlaust. Framboð forsætisráðherra Heldur er hún orðin skritin uppá- koman vegna margumrædds fram- boðs forsætisráðherra. Menn skegg- ræða það fram og aftur hvort hæst- virtum ráðherranum komi það í hug að bjóða fram í næstu kosningum og stofna til undirskrif tarherferðar með og móti. Sjálfur glottir ráðherrann við tönn og liggur undir feldi eins og véfrétt. Ekki er að efa aö stuðningsmenn Gunnars Thoroddsen, hverjir sem það eru, hafi einlægan og trúanlegan áhuga á að foringinn fari í framboð. Ætla má að þar séu fremstir í flokki einstaklingar sem fylgt hafa Gunn- ari á fimmtiu ára ferli hans i Sjálf- stæðisflokknum. Ef þessu fólki er meira annt um Gunnar en flokkinn og stefnu hans, þá væri auðvitað hreinlegast að það verði sagt opin- skátt og nýr stjórnmálaflokkur myndaður um þær stjórnmála- skoðanir sem skilja Gunnar frá Sjálf- stæðisflokknum. Það kæmi þá í ljós í hverju þær eru fólgnar, og raunar timi til kominn eftir hálfrar aldar forystuhlutverk Gunnars Thorodd- sen í þessum sama f lokki. Það væri gagnlegt fyrir okkur hina, sem fylgt hafa báðum að málum, Gunnari og Sjálfstæðisflokknum. Traustustu fyfgismennimir Hins vegar gæti það runnið upp fyrir sumum, að eitt er að fylgja Gunnari Thoroddsen í gegnum þykkt og þunnt í innanflokksátökum og ævintýraferðinni þegar rikisstjórnin var mynduð. En annað er að fylgja honum eftir, ef honum verður att út í framboð gegn Sjálfstæðisflokknum. Sannleikurinn er nemilega sá að traustustu fylgismennina hefur Gunnar Thoroddsen sótt í raöir þess fólks, sem alla sína tið hefur sett X við D-listann og aldrei getur annað kosið. Og til hvers ætti svo forsætis- ráöherra að hlaupa til með f ramboð í einu kjördæmi gegn sínum gamla flokki og fyrri samherjum? Dettur virkilega einhverjum í hug að sagan frá því í febrúar 1980 endurtaki sig? Pálmi Jónsson hefur tekið af skarið um að núverandi stjórnarmunstur verði ekki vakið upp að loknum kosn- ingum. Friðjón Þórðarson hefur tek- iöísamastreng. Aörir þeir, sem „kennt" hefur ver- ið um vinfengi við Gunnar Thorodd- sen, hafa lýst yfir því að þeir brjóti ekki gegn meirihluta ákvörðunum S jálfstæðisf lokksins. Hvað er þá eftir fyrir Gunnar ef hann kemst inn á þing utan flokka? Eyðimerkurganga með Vilmundi og öörum sérframboðskandidötum?! Eg get hugsað mér betri og sóma- samlegri endalok á löngum stjórn- málaferli forsætisráðherra en slík örlög. Gegn atvinnuleysi Kosningarnar í Vestur-Þýskalandi og Frakklandi sem fram fóru um daginn voru sigrar fyrir mið- og hægrif lokka. Sósíalistar og kommún- istar hafa til skamms tíma ráðið lög- um og lofum i sveitarstjórnum og Iandsmálum Frakklands og jafn- aöarmenn hafa haldið um stjórnar- tauminn í Þýskalandi. I báðum þessum löndum hefur at- vinnuleysi og efnahagsöðugleikar verið helstu vandamálin. Ekki þarf að taka f ram að atvinnuleysið þar er enguminna en á Bretlandi og annars staðar í Evrópu, þar sem hægri f lokkar fara með völd. Hef ur þó mátt skilja á fréttaskrifum vinstri sinna aö Thatcher hafi fundið upp at- vinnuleysið. Ekki virðast Frakkar og Þjóðverj- ar hafa sömu sögu að segja og at- hyglisverðasta ályktunin sem dregin er af kosningaúrslitunum í vikunni, er einmitt sú að kjósendur treysta mið- og hægriflokkum betur til að bæta atvinnuástandið heldur en sósíalistum og jafnaðarmönnum. Skyldu tslendingar ekki geta dreg- ið sinn lærdóm af viðhorf um Evrópu- búa, þegar sá áróður er rekinn hér á landi að vinstri flokkamir séu besta vörnin gegn atvinnuleysinu? Bakkabræður vissubetur Atvinnuleysi má vitaskuld bægja frá með fjáraustri i óarðbæran at- vinnurekstur, seðlaprentun ' og himinháum niðurgreiðslum á óselj- anlegri vöru. Atvinnuleysið má sömuleiðis forðast með því að þenja út ríkisbáknið og bæta fleiri og fleiri á jiitu hins opinbera. En það kostar skatta og verðbólgu, aukna miðstýringu á skömmtunar- kerfi rfkisins, pólitíska úthlutun á fé og fyrirgreiðslu. Svo ekki sé talað um fúna innviði atvinnufyrirtækja, sem þjóna og framleiða án minnstu tengsla við lögmál framboðs og eftirspurnar, arðsemi eða heilbrigöan rekstrar- grundvöll. Forsenda arðvænlegrar atvinnu og áframhaldandi þjóðartekna er að koma atvinnurekstrinum á réttan kjöl. öðruvísi birtir ekki upp. Það er þýðingarlaust að bera sólskinið inn í myrkvað hús. Það uppgötvuðu Bakkabræður. Varia erum við vit- lausari en þeir. EllertB.Schram.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.