Dagblaðið Vísir - DV - 23.03.1983, Blaðsíða 6

Dagblaðið Vísir - DV - 23.03.1983, Blaðsíða 6
DV. MIDVIKUDAGUR 23. MARS1983. Neytendur Neytendur Neytendur Neytendur GRÁFELDUR þlNGHOLTSSTRÆTI 2 99 I raun eru margir hlutir sem viðgetum verið án" Rætt við verðlaunahafa í heimilisbókhaldi DV, Steinunni Gísladóttur og Jón Magnússon „Viö höfum stundum spilaö í happdrættum og þá meö veika vinningsvon í huga, en aldrei unniö neitt. Ekki datt okkur í hug að verö- launin í heimilisbókhaldinu kæmu í okkar hlut, en þaö var óvæntur glaðningur." Við erum á tali við Steinunni Gísladóttur og Jón Magnússon verðlaunahafa í heimilisbókhaldi DV í desember. Vinningsupphæðin er þrjú þúsund krónur og þau Steinunn og Jón ákváðu að verja peningunum til kaupa á Kenwood hrærivél. Hræri- vélin, ásamt nokkrum góöum fylgi- hlutum, kostaði meira en verðlauna- upphæðinni nam, en um afganginn sáu þau Steinunn og Jón. I verslun- inni Heklu við Laugaveg áttum við stefnumót í síðustu viku. Þar var hrærivélin afhent og spjallað um stund um heimilisbókhald og lifs- baráttuna. Steinunn og Jón eiga tvo drengi, Magnús Kára sem er tæplega fjögurra ára gamall, og Gísla Þór, aðeins níu mánaða. Þau búa í eigin íbúð í Árbæjarhverfi. Steinunn er kennari og kennir hálfan daginn i Laugarnesskóla og Jón vinnur hjá Hekluhf. ívarahlutaversluninni. Hvernig gengur svo þessari fjög- urra manna f jölskyldu að ná endum saman i sínum búskap? Geri verðsamanburð „Það gengur ef maður passar vel upp á hlutina, en lítið getur maður leyft sér fyrir utan brýnustu nauð- synjar," svarar Steinunn. „Það er margt sem hjálpast að, verðbólgan, f jölskyldan hefur stækkað og ég hef minnkað við mig vinnu þar af leið- andi. I dag hugsum við okkur vel um áður en við kaupum einhverja hluti og sérstaklega í matarinnkaupum því hjá þeim verður ekki komist. Ég geri verðsamanburð í verslunum, sleppi því að kaupa kex og jafnveltil- búinn mat, sem ég leyfði mér áður. Það eru margir hlutir sem maður getur í raun verið án og þá sleppum- við aö kaupa í dag." „Við kaupum miklu minna til heimilisins í dag, engin husgögn eða heimilistæki," segir Jón, „en það leyföum við okkur í upphafi búskap- Jón Magnusson og Steinunn Gísladóttir með Kenwood hrærivélina sem þau keyptu fyrir verðlaunapeningana. Þrjú þusund krónur f engu þau f yrir þátttöku í heimilisbókhaldi DV í desember. DV-mynd GVA arins. Þá unnum við líka bæði fullan vinnudag. Mér finnst áberandi í dag hve mikið af heildartekjunum fer í skatta." „Það er svo langt síðan ég hef fariö i verslanir til fatakaupa að ég geri mér varla grein fyrir hvað föt kosta í dag. Og ekki hafði ég tök á því að fara á útsölur, hafði ekki tíma til þess." Þessu svarar Steinunn, þegar spurt var um hvernig gangi að sjá um fatakost á fjölskylduna af heim- ilistekjunum, ,,og lítið sauma ég eða prjóna," bætti hún við. Þaö kemur fram í viðræðum okkar að Jón er „bókhaldari" heimilisins. Þau hafa haldið reikningum saman um nokkurt skeið, fyrst var byrjað á því að skrifa niður öll útgjöld varð- andi matarinnkaup. Síðar varð þróunin sú að öll gjöld voru bókfærð ogallartekjur. Jón átti hugmyndina Fyrsta upplýsingaseðil í heimilis- bókhaldi DV sendu þau inn fyrir nóvembermánuð... „Jón átti hug- myndina að því," skýtur Stenunn inn í. Talið berst að fleiri kostnaðarlið- um til dæmis rekstri eigin bifreiðar. „Yfir vetrarmánuðina, eða nú síðustu mánuði, höfum við farið með rúmar tvö þúsund krónur á mánuði í bensín á bilinn," segir Jón. „Minna er keyrt á erfiðri færð, en við förum oft í biltúra og viðrum okkur meö börnin. A sumrin förum við nokkuð út á landsbyggðina, enda eigum við bæöi ættingja úti á landi. Ég reikna með að bensínreikningurinn á ári sé um þrj átíu þúsund krónur.'' Jon varð fyrir vinnuslysi á togara fyrir nokkrum árum, slasaðist á fæti, og er bíllinn honumnauðsynlegt tæki til aö komast á milli staða. Þrátt fyrir byl og éljagang utan dyra er komið fram á vorjafndægur og sumarið framundan. Steinunn og Jón eru spurð hvort þau sjái fram á langferð í sumarleyfinu, hvort einhverjar afgangstekjur leyfi slikt? „Nei," svarar Steinunn, „víð verðum að bíða eftir stóra vinningn- um í happdrætti nú til að komast saman til dæmis í utanlándsferð. Við förum í heimsókn til ættingja úti á landi í sumar og er þáð ágætis sumarfrí." Viðtalið fór fram á vinnustað Jóns í Heklu. Hér-var tali slitið. Jón hélt áfram vinnu sinni og Steinunn hélt í Arbæjarhverfið, drengirnir biðu, sá eldri í leikskóla og yngri sonurinn í gæslu hjá dagmömmu. Fjöl- skyldunni óskum við til hamingju með nýju hrærivélina og biðjum hana vel að njóta. -ÞG Lítill hlutur en gagnlegur „Reynið nú að geta ykkur til, stúlk- ur mínar, til hvers þessi hlutur er notaður," sagði Guðlaug Guðjóns- dóttir einn af „stuöningsmönnum" neytendasíðunnar. er hún fékk sér sæti i aðalstöðvum neytendasíöunn- ar. „Stúikurnar" spreyttu sig hvað af tók og nefndulok;á könnu eða glas og öskubakka. Lengra náði hug- myndaflugið ekki. Hluturinn, sem Guðlaug lagði á borðið, er úr stáli, hringlaga (gæti verið lok!) og með upphleyptri rauf. „Mér áskotnaðist svona hlutur fyrir einum tólf árum og hef haft mikið gagn af honum siðan í mínurn búskap," sagðiGuðlaug. Nú var for- vitni okkar komin í hámark og Guð- laug varð að leysa þrautína. „Þetta er ólgustillir. Eg læt hann á botninn í til dæmis fiskpottinn, þegar ég sýð fisk. Þegar suðan kemur upp, fer ólgustillirinn að skrölta í pottinum. Þetta er mjög gagnlegur hlutur og aldrei sýður upp úr pottinum h já mér þegar ég nota ólgustillinn." Sem fyrr segir hefur Guðlaug notað ólgustilli við suðustörf í mörg ár. Nýlega rakst hún á svona hlut í verslun Ofna- smiðjunnar og komst að því að þaðan er hann upprunninn. Við höfoum samband við Jón Helga Eiðsson, afgreiðslumann í Smiðjubúðinni, og spurðum nánar um ólgustillinn. „Okkur minnir að það hafi verið í kringum 1960 sem ólgustillirinn var fyrst framleiddur Lítfll, gagnlegur hlutur úr stáli — Ólgustillir. DV-myndGVA. hér. Hluturinn er fundinn upp af Sveinbirni Jónssyni, stofnanda og fyrrum forstjóra Ofnasmiöjunnar. En þessi hlutur hefur lítið selst und- anfarin ár. Við eigum nokkur stykki til af gömlum lager. Þegar fólk hefur spurt um þetta höfum við annað- hvort gefiö ólgustiUinneðaselt fyrir tíu eða tuttugu krónur." J6n Helgi Eiðsson var spurður hvort einhver fyrirstaða væri á framleiöslu á ólgustilli í dag. „Nei, mér hefur skilist á mönnum hér að það sé ekkert vandamál að fram- leiöa hluönn í dag, ef fólk hefur áhuga á að eignast hann." Þetta er lítill, gagnlegur hlutur, en mikiö hugvit á bak við smíði hans. Við þökkum Guölaugu „stuðnings- manni" fyrir ábendinguna. -ÞG

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.