Dagblaðið Vísir - DV - 30.03.1983, Blaðsíða 3

DV. MIÐVIKUDAGUR 30. MARS1983.
3
Dómur hæstaréttar um Þingvallastræti á Akureyri:
MEINAÐIKONUNNI
SLA TÚNBLETTINN
— Hljómflutningstækjum komið fyrir við skáp til að valda ónæði
Þingvallastræti 22 Akureyri, tveggja
hæöa hús auk kjallara, hefur undan-
farin átta ár verið vettvangur harðvít-
ugra nágrannaerja. Ofriðarbál hefur
logað í húsinu. V onandi hefur nýfallinn
hæstaréttardómur slökkt það bál.
Ljóst er að mikið hefur gengið á úr
því að hæsti.réttur hefur orðið sam-
mála um það aö ung hjón, Danielle
Somers Jónsson og Olafur Rafn Jóns-
son, verða að flytjast úr sinni eigin
íbúö innan þriggja mánaða. Shkur út-
burðardómur mun vera einstakur í ís-
lenskri réttarsögu.
Á efstu hæð hússins býr s jötug ekkja.
Hún og eiginmaður hennar heitinn
reistu húsið áriö 1950. Árið 1975 keyptu
Daniella og Olafur Rafn miðhæðina. 1
kjallaraíbúð hefur undanfarin ár búið
áttræðkona.
Hjónin á miðhæðinni hafa aldrei get-
að sætt sig við vegg í kjallara. Þau
töldu vegginn reistan á eignarhluta
þeirra, auk þess sem hann hindraði
gagnveg að þvottahúsi.
Fram til ársins 1977 var þetta þil-
veggur. Það ár kom upp eldur í kjall-
ara. I framhaldi af eldsvoðanum hugð-
ist ekkjan á efstu hæð reisa steinvegg í
staðinn, meöal annars að ósk bruna-
málastjóra.
Hjónin fengu lögbann sett á smíöi
steinveggjarins en fylgdu því máli ekki
eftir með staðfestingarkröfu. Lög-
banniö rann út og veggurinn reis.
Síðan hefur gengið á ýmsu og verið
grunnt á því góða. Lögreglan hefur
margoft verið kvödd að húsinu, klögu-
málin hafa gengið og starfsmenn
fógeta hafa haft ærinn starfa vegna
samskiptavandamála í Þingvalla-
stræti 22. Deilumar hafa nú gengið alla
leið í gegnum íslenska dómskerfið.
Til að gefa lesendum hugmynd um
hvaö verið hefur að gerast í húsi þessu
á Akureyri skal hér á eftir vitnað í ný-
fallinn hæstaréttardóm.
1 dómnum kemur fram aö hjónin á
miðhæðinni hafa í nóvember 1981 feng-
ið tvo menn úr Reykjavík til að brjóta
niður steinvegginn. Vegna veggrofsins
hrökklaöist áttræða konan i kjallaran-
um að heiman og leitaöi á náðir sonar
síns.
Veggurinn var endurreistur undir
lögregluvernd þremur dögum síðar.
Á árunum frá 1977 til 1981 gerðist
margt undarlegt í húsi þessu. Marg-
sinnis var reynt aö vinna spell á veggn-
um og telur hæstiréttur sannað að
h jónin beri ábyrgð áþeim.Ýmsufleiru
var kvartað undan, til dæmis því þegar'
síldarflökum var raðaö við rafmagns-
töflu. „Stefnda Danielle viðurkenndi í
Húsiö viö Þingvallastrœti 22. Hjónin búa á miðhæðinni. Meöai ftess sem /itla hrifningu nágrannanna vakti, voru gluggarnir, sem fólkið á miðhæð-
inni fókk sór. DV-mvnd: Guðmundur Svansson.
sakadómi að hafa komið flökunum
fyrir. Skýringar hennar á þessu fram-
ferði eru fráleitar og verkið sýnilega
unniö til þess eins að valda áfrýjanda
og leigjanda hennar vandræðum,” seg-
ir í dómi hæstaréttar.
Þar segir ennfremur að samkvæmt
lögregluskýrslu frá apríl 1979 verði að
telja sannaö að hávaðavaldi, útvarps-
tæki eða öðru hljómflutningstæki, hafi
verið komið fyrir við op að skáp í k jall-
araíbúð í því skyni að valda ónæöi.
„Sannað er með framburði vitna að
stefnda Danielle meinaöi áfrýjanda að
láta slá túnblett viö húsiö hinn 2. júli
1979 og réðst síðan á áfrýjanda, er
áfrýjandiíkonan á efstu hæðinni) gerði
tilraun til þess að færa til á túnblettin-
um hindranir er stefnda hafði komið
þarfyrir,” segir í dómnum.
Síðansegir:
„Þá liggja fyrir lögregluskýrslur út
af kvörtunum um að vatni hafi verið
sprautað á tröppur áfrýjanda í frosti,
aö vatni hafi verið sprautaö eða skvett
á rafmagnstöflu hússins og að vatns-
leiösla hafi verið rofin, en eigi þykir
fram komnar nægar sannanir um þess-
arsakargiftir,” segirhæstiréttur.
-KMU.
Launagreiðslur:
Flestir fá útborgað
fyrir mánaðamót
Margur maöurinn hefur að undan-
förnu velt því fyrir sér hvort laun verði'
greidd út fyrir páska eður ei, en svo
illa stendur á að 1. apríl ber upp á
föstudaginn langa. Einhlítt svar víð
þessu er ekki að fá því að viö könnun
hjá hinum ýmsu launþegasamtökum
kemur í ljós að á þessu er allur gangur.
Langalgengasta reglan er að laun
skuli greidd fyrsta virka dag hvers
mánaðar og gildir þá einu hvort hann
ber upp á 1. eða 5. eins og nú. Atvinnu-
rekendum er því fullkomlega heimilt
aö greiða ekki út laun fyrr en eftir
páska. Hins vegar hafa margir at-
vinnurekendur það fyrir reglu þegar
mánaðamót ber upp á stórhelgi eins og
nú, að borga starfsfólki sínu út fyrir
mánaðamótin. Þetta gerir til dæmis
ríkiðnú.
Sum f élög hafa aftur á móti varnagla
í sínum samningum um launagreiðslur
þegar mánaðamót ber upp á helgidag.
Þar má nefna Verkamannafélagið
Dagsbrún, en í samningum þess segir
að laun skuli greidd næsta vinnudag á
undan, beri mánaðamót upp á helgi-
dag. Hjá Verkakvennafélaginu Fram-
sókn fengust þær upplýsingar að
reglan væri fyrsti virki dagur hvers
mánaöar, en hjá öllum þeim atvinnu-
rekendum, sem skrifstofa félagsins
hafði haft samband við, var tekið vel í
þá málaleitan að borga út fyrir páska.
Það er því ljóst að obbinn af laun-
þegum fær laun sín greidd út fyrir
páska.
-SþS.

don cano
Vind
ATMAÐUR.
^ð/.
*
0 i
SK
tsendum
utiuf
ÆSIBÆ SÍMI82922