Dagblaðið Vísir - DV - 22.05.1984, Blaðsíða 9

Dagblaðið Vísir - DV - 22.05.1984, Blaðsíða 9
DV. ÞRIÐJUDAGUR 22. MAl 1984. Útlönd Útlönd Útlönd Útlönd Of lugur jarð- skjálfti í Kína Oflugur jaröskjálfti varö í austurhluta Kína í gær og skók hann meöal annars Shanghai-borg. Ekki höföu þó borist fréttir af tjóni. Fréttastofan Nýja Kína sagði aö skjálftinn heföi mælst 6,2 gráður á Richters-kvarða. Þá sagði í fréttinni að rannsókn færi nú fram á því hvert tjón hefði orðið. Erlendir stjórnarerindrekar í Shanghai sögðu að þar í borg hefði fólk hlaupið í skelf ingu út úr húsum sínum. Fyrirskipar hand- töku á Mengele Dómstóll í Paraguay fyrir- skipaði í gær lögreglu í landinu að handtaka þýska stríðsglæpamann- inn Josef Mengele er hefðist upp á honum. Þessi úrskurður dómstóls- ins kemur í kjölfar beiöni Vestur- Þýskalands um að Mengele verði framseldur. Stjórnvöld í Paraguay neita því að „engill dauðans" — eins og Mengele hef ur verið nef ndur vegna starfs síns í útrýmingarbúðum nas- ista í Auschwitz — búi í Paraguay. Þau segja að hann hafi f engið rikis- borgarrétt þar í landi eftir síðari heimsstyrjöldina en horfið spor- laust fyrir mörgum árum. Palestínumenn * dæmdir í fangelsi Herdómstóll í Israel dæmdi í gær fjóra Palestínumenn í lífstíðar- fangelsi fyrir morð á ísraelskum námsmanni í Hebron í júlí í fyrra. Dómstóllinn sem er staðsettur í borginni Nablus á vesturbakka Jórdanár dæmdi fjóra aðra Palestínumenn í 10 til 25 ára fang- elsi. Námsmaðurinn sem hét Aharon Gross var stunginn til bana er hann var á gangi ásamt vinum sinum á markaössvæðinu í Hebron þar sem þrásinnis hefur komið til átaka á niilli ísraelskra landnema og palestinskra íbúa. Mondale klæðlaus Þær lyftu augabrúnunum og brostu feimnislega, gömlu konurnar tvær, sem ráku augun í auglýsingaspjaldið á neðanjaröar- lestarstöðinni í New York. Spjaldið prýddi nefnilega sjálfur Walter Mondale klæölaus með öllu. Þarna var um að ræða auglýs- ingu frá tímaritinu Penthouse sem hafði látið útbúa mynd af Mondale sem strípalingi. Koch, borgarstjóri í New York, sem raunar er gall- harður stuöningsmaður Mondales, gaf þegar í stað skipun um að auglýsingaspjöldin yrðu fjarlægð. Shamir segist ekki fylgjandi rádstefn Yit hak Shamir, forsætisráöherra Israels hafnaði í gær hugmyndum semi fram hafa komið um alþjóðlega ráð- stefnu um deilu Israels og arabaríkj- anna og sagöi að slík ráðstefna yrði aðeins „vettvanguráróðurs". Hann ítrekaði ennfremur að Israels- menn heföu ekki í hyggju að ráöast á Sýrlendinga þrátt fyrir fullyrðingar' hinna síðarnefndu um að árás Israels séyfirvofandi. Shamir fordæmdi Israelsmenn þá sem grunaðir eru um hryðjuverka- starfsemi gegn aröbum á vesturbakka Jórdanár og sagði að hinum seku yrði refsað. En hann bætti þvi viö að landnám gyðinga á hernumdu svæðunum myndi halda áfram með stuðningi stjórnar- innar. ^I^THOUse Walter Mondale þykir enn sigurstranglegastur í forkosning- uni Demókrataflokksins og ótrú- legt er að niyutiiii í Penthouse breyti þar nokkru um. Til vonar og vara lét borgarstjórinn í New York fjarlægja auglýsingaspjöld Pent- house á almannafæri. Glistrup færekki aðhalda kosningi fundi Stjórn Horseröd-fangelsis í Dan- mörku hefur stöðvað Mogens Glistrup í fyrirhugaðri kosningabaráttu hans. Glistrup hafði ákveðið að bjóða sig fram til Evrópuþingsins og hafði í því skyni safnað saman átta frísólar- hringum úr fangelsinu og hugðist taka fríið á einu bretti og nota í kosningabaráttuna. En nú hefur fangelsisstjórnin lýst þvi yfir að friið megi hann ekki nota til pólitískra fundahalda. Glistrup krefst þess nú að dóms- málaráðuneytið breyti þessari ákvörð- un sem hann telur ólöglega. Þrátt fyrir lítiö fylgi Framfara- flokksins í skoðanakönnunum þá á Glistrup sjálfur dyggan hóp stuðnings- manna og hefur verið talinn eiga möguleika á að verða kjörinn á Evrópuþingiö. Reagan í bréfi til Fahds, konungs Saudi-Arabíu: VILL EKKIUTILOKA Reagan Bandarikjaforseti hefur skýrt Fahd, konungi Saudi-Arabíu, frá þvi í sendibréfi aö Bandaríkin muni ihuga hernaðaraðgerðir ef nauðsyn krefji til að verja oh'uskip á siglingu umPersaflóa. Embættismenn Bandaríkjastjórnar hafa skýrt frá því að Reagan hafi í bréfi þessu gert það ljóst að Banda- ríkin þyrftu að fá aðstöðu á flugvöllum í Saudi-Arabíu ef styrjöld Irans og Iraks héldi áfram að magnast. Richard Murphy, aðstoðarutan- ríkisráðherra Bandaríkjanna, afhenti Saudi-Aröbum bréfið í gær er hann flaug til Saudi-Arabíu til viðræðna við ráðamenn þar. Reagan mun hafa lýst því yf ir í bréf- inu til Fahds konungs að hann gæti reitt sig á aðstoð Bandaríkjanna ef á þyrfti að halda. Ráðamenn í Washing- ton hafa áður gert það ljóst aö þeir muni ekki blanda sér í Persaflóa- deiluna nema beiðni um það komi frá einhverri þjóöanna þar. Norskir viðskiptaviuir vændiskvenna eiga það nú yfir höfði sér að hafna á skrá rannsóknarnefndar er starfar á ábyrgð félagsmálaráðuneytisins. Vidskiptavinir vændis- kvenna veröa skrádir „Það er fyrst og fremst markmið okkar að komast að hverjir viðskipta- vinir vændiskvenna eru með tilliti til aldurs, þjóðfélagsstööu og hvers vegna þeir kaupa sér þjónustu vændis- kvenna. Hvaða leiðir við förum til að ná þessu markmiði okkar er ekki f ull- komlega ljóst á þessari stundu þar sem mismunandi leiðir eru enn til um- ræðu," sagði Cecilie nokkur Höygaard í blaðaviðtali á dögunum en hún mun stjórna rannsókn á viðskiptavinum vændiskvenna sem hefst í Osló 1. júli næstkomandi. Að rannsókninni munu auk hennar vinna tveir nemendur í afbrotafræöi og er miðaö við að rannsóknin taki hálft ár. Það er norska félagsmálaráðuneyt- ið sem ber ábyrgð á rannsókninni. Aðspurð hvaða hagnýt not væru af rannsókn sem þessari svaraöi Höygaard: „Almennt munu þær upp- lýsingar sem við fáum þarna auka þekkingu okkar á hinum ýmsu vanda- málum sem tengjast vændinu. Upplýs- ingarnar ættu einnig að geta orðið vís- bending fyrir þá sem fjalla um félags- legt átak til hjálpar þeim sem leggja stund á vændi. Það ætti einnig að liggja ljóst fyrir hvaða refsingar eru raun- hæfar þegar niðurstöðurnar eru fengnar." Holly- wood- stjörnur stydja Sakharov Hollywood-stjörnurnar Paul Newman, Cary Grant, Jack Lemmon og Liv Ullmann voru meðal þrjátiu þekktra kvikmyndaleikara, rithöf unda og stjórnmálamanna sem í gær sendu skeyti til Tsjernenkos, forseta Sovét- ríkjanna, þar sem heitið var á hann að leyfa Yelenu Bonner, eiginkonu Andreis Sakharovs, að ferðast til Vesturlanda til að leita sér læknis- hjálpar. „I dag getur mannkynið ekki staðið aðgerðalaust og horft upp á Andrei Sakharov deyja," sagði í skeytinu og var höfðað til þess aðSakharov byrjaði hungurverkfall 2. maí. Af öðrum sem undirrituðu skeytið má nefna Arthur Cohen, Rod Steiger, Joanne Woodward og öldungadeildar- þingmanninn Alan Cranston. Isabellu Peronvel fagnaéaf Argentínu- mönnum María Estela Peron, fyrrverandi forseti Argentínu, sneri um helgina heim úr útlegðinni á Spáni til viðræðna við Raul Alf onsin, f orseta landsins, um leiðir út úr efnahagsógöngum þjóðar- innar. Henni var fagnað gífurlega á flug- vellinum í Buenos Aires og er hún steig út úr flugvélinni hrópuðu þúsundir stuöningsmanna hennar: „Isabella, Isabella,'" en undir því nafni er hún kunnust. „Hún kemur til að sameina Argentínu og Peronistahreyfinguna. Þetta er mikil gleöistuhd fyrir alla Peronista," sagði einn af leiðtogum Peronistaflokksins. Viðræður Isabellu Peron við Alfonsin forseta snúast meðal annars um baráttuna gegn verðbólgunni sem nú mælist 522 prósent í Argentínu. Fígueiredi ferbónar- vegaéKín- verjumog Japönum Joao Figueiredo, forseti Brasilíu, er lagður upp í för til Japans og Kína, þýðingarmestu viðskiptalanda Brasilíu í Asíu. Tilgangurinn með heimsókn hans er að reyna að fá þess- ar þjóðir til að kaupa meira af Brasilíu- mönnum sem skulda nú hvorki meira né minna en 93 milljarða dollara erlendis. Japan er næststærsti viðskiptavinur Brasilíu á eftir Bandaríkjunum og hefur keypt fyrir meira en 1,4 milljarða árlega frá Brasilíu, einkum járn og kaff i. Brasilíuforseti gerir sér einnig vonir um að undirrita sáttmála um samstarf á sviði vísinda og tækni við Japani sem muni örva tölvu- og rafeindaiðnaö Brasih'u.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.