Dagblaðið Vísir - DV - 15.06.1985, Blaðsíða 23

Dagblaðið Vísir - DV - 15.06.1985, Blaðsíða 23
DV. LAUGARDAGUR15. JtJNI 1985. 23 T BUBBIMORTHENS HÆTTUR KEYRSLUNNI: NUNA FILA EG ÞAÐ ALVEG AÐ GANGA Bubbi Morthens er oröinn nýr og betri maður. Jæja, segir fólk gjarnan: so what else is new? En þó er þetta satt. Hann hefur losað sig við dópið sem farið var að há honum bæði í leik og starfi og virðist rólegri og yfir- vegaðri en áður. Ný plata, Kona, ber þess lika merki. „Þetta er öðruvísi plata en ég hef áð- ur gert," segir hann. „Hún er pósitíf- ari, ljúfari. Mig hefur oft langaö til þess aö gera svona plötu sem hægt er að hlusta á við hvaða kringumstæður sem er. Eiginlega er þetta bakkgránd- plata, dálítið í stíl við J.J.Cale. 1930 musfk." — Ertu orðinn leiður á rokki? „Neinei. En það bara ber sig ekki, það er ekki hægt að rokka mikið hér. Það er búið að sýna sig. Eg var hins vegar að gera samning við fyrirtæki í Stokkhólmi um að gera plötu þar úti i haust og það verður rokk. Púra rokk." „... var að gera mig að idjðt" Bubbi situr í nýrri íbúð sinni við Laufásveg innan um veggfóðursræm- ur og annan viðbúnað oghlustar á nýju plötuna. Frosin grima er fyrsta lagið; Það var sýnt í Skonrokki fyrir röskri viku. — A þetta aö verða hittlagið á plötunni? „Hittlagið? Það veit ég ekki. Það væri auðvitaö gaman. En ég veit ekk- ert hvernig viðtökur þess>i plata fær svo það er ómögulegt að segja. Annars er Frosin grima eiginlega bara mynd, eins og flestöll lögin á plötunni. Eg er að tala við sjálfan mig. Þetta var sam- iö þegar ég uppgötvaði að dópið var að gera mig að idjót, í janúar á þessu ári. Lagið er líka um Ulfinningar minar i sambandi við konuna mína." — Voru lógin tekin upp um svipað leyti og þau voru samin? „Já. Það er að segja grunnarnir aö öllum lögunum nema einu sem var samið í mars. Um þetta leyti var ég að keyra á mjög stífu rugli en svo tók ég mér pásu og stoppaði. Þegar ég var orðinn sæmilega skýr í kollinum fór ég svo i studíóið aftur og komst að þvi að það sem ég hafði verið að gera var al- veg út i hött, það var steindautt. Og þá var allt tekið upp aftur." — Textarnir eru líka samdir á þessu tímabili? „ Já. Eg stoppaði sjálfur á dópkeyrsl- unni hálfum mánuði áður en ég fór í þessa þurrkun og textamir eru eigin- lega niðurtúrinn, þegar ég var að taka út byrjunarskjálf tann." Fyrsta barnalagið — Talað við gluggann er næsta lag. „Það er líka samið út frá konunni minni. Hún er í námi úti og þá skapast eðlilega alls konar konfliktar. Þetta er samið um það leyti sem hún fór út til Bandarfk janna eftir jólin síöustu." — Söngurinn hennar Siggu. Hver er Sigga? „Sigga er lítil stelpa sem sendir mér myndir. Þar eru flestar af mér, sýna mig i pönkútgáfu eða álíka múnder- ingu, en svo er hún alltaf sjálf einhvers staðar á myndinni — voðalega fín og dömuleg með tíkarspena. Eg ætlaði að þakka henni fyrir þessar myndir með þvi að teikna s jálf ur handa henni mynd en ákvað svo aö gera þetta lag i stað- inn. Þetta er líklega fyrsta barnalagið sem ég bý til. Mér þykir vænt umþað." — Seinasta augnablikið heitir enn eitt lag. Þessir textar eru fæstir bjart- synirframúrhófi. „Nei, enda eru þeir flestir um þetta sama — skilnað og niðurtúr af dópi. Eg var það illa farinn að ég varð hreinlega að skrifa mig frá öllu saman. Og ég náði sem betur fer að tæma mig, enda hef ég aldrei unnið eins mikið meö textana. Yfirleitt hef ég hrist þá fram úr erminni en nú vildi ég athuga hvort ég hefði úthald og geö til þess að vanda mig s volítið. Eg f 6r yfir þá aftur og aft- ur, prófaði ýmsar variasjónir og svo framvegis. Þessir textar eru eins kon- ar lokasprengja á vissum kafla í lífi minu og mér fannst lágmark að géra þáalmennilega." y, Rómeópg Juíía djönkarar — Þú yrkir lfka um Rómeó og Júlíu á plötunni. „Þetta lag er eiginlega sprottiö af því að ég heyrði elnu sinni Dana syngja um Rómeó og Júlíu. Það var alveg fáránlegt með þessum framburði þeir rá og siðan hef ég g engið með þetta í kollinum. Annars er lagið um par sem ég þekki, fólk sem streitaði sig af og fór i þurrkun. Mér fannst svolitiö snið- ugt að gera Rómeó og Júliu að djönk- urum" /'/////;. -Einanótt? „Þetta lag var samið eina stjörnu- bjarta nótt i jahúar. Þá stóð ég við gluggannmeðgítarinn..." Semurðu lag og texta yf irleitt sam- tímis? „Oftastnær er þetta þannig að ég sem fyrsta erindi textans, tek svo gítarinn og reyni að finna grunn sem passar við. Þegar ég er kominn með einhverja hljoma sem eiga við sem ég" annað erindið, tek aftur fram gítarinn og prófa mig þannig áfram þangaðtil allt er klappað og klárt. Svona aðferðir henta mér mjög vel, meðal annars vegna þess að ég nota mjög sjaldan kórusa." — Og við erum komnir að laginu Sanduríglasi. „Þetta lag samdi ég markvisst i anda Hauks Morthens. Eg er ægilega hrifinn af mörgu þvi sem hann hefur gert, margt af því er djöfull vel gert. Mögnuð sum lögin hans." Að lif a f yrir líðandi stund Við höldum áfram að hlusta á plöt- una Konu. Bubbi er þegjandalegur um sum lö'gin á henni. Þess í stað býsnast hann yfir þvi að þurfa að fara að taka til. — Hvemig ætlarðu að fylgja þessari plötu eftir? Nú ertu ekki með neina hljómsveit á þinum snærum. „Nei. En ég er búinn að fara um stóran hluta landsins og er að leggja af stað um Vestfirðina. Síðan ætla ég að taka mér frí þangað til ég fer að vinna efni fyrir þessa plötu f yrir Stokkhólms- fyrirtækið. Sú plata verður gefin út fyr- ir Skandinavíumarkað bg við yinnum saman að henni, ég og bassaleikarinn í Imperjét^X-' S//j/,-jry/ — Ekkiætlarðuaðsyngjaásænsku? „A sœhsku? Nei, guð forðí mér'Ira því! Þetta er hryllileg tilhugsun; það væri meira að segja skárra að syngja á dönsku — að minnsta kosti rokk. Nei, ætli ég syngi ekki á tungu Engla og Sæb,^í^«53 — Hvað svo? Hvaða framtíöarhorfur hefurðugertþér? „Ehgar. Eg er ekkert að spá I svo- leiöis. Eg lifi bara fyrir daginn i dag. Dagurinn i gær er liðinn og dagurinná morgun ekki kominn. Að lifa fyrir líð- andi stund er ósköp lógískt fyrir mig núna." Kappakstur á 250 km hraða — Það eru fimm ár síðan f yrsta plat- an þín um Isbjarnarblúsinn kom ut. Þessi fimm ár hafa liðið hratt, er það ekki? „Jesús minn, þetta hefur verið eins og á kappakstursbíl á 250 kilómctra hraða. Álger einstefna. Núna ffla ég al- — Sérðu eftir því sem þú gerðir þessi ár? „Nei. Eg er ekkert í því að sjá eftir neinu. Það er ekki hægt; þá yrðí mað- ur fastur í fortíðinni og einhverjum gömlum bömmerum. Mér finnst engin astæða til þess. Punktur." Punktur. Þegar ég fer er Bubbi enn að býsnast yfir því að þurfa að taka til. ,' -— ItlUUUESTUIIE GERIR GÓÐAN BÍL BETFtl! Það er ótrúlegt hvað góðir hjólbarðar elns og BRIDGESTONE gera fyrir bíllnn. Með BRIDGESTONE fæst frábært veggrip, rásfesta og mikið slitþol. Tryggðu öryggiþitt og þinna settu BRIDGESTONE undir bílinn —þeir fást hjá hjólbarðasölum um land allt. BÍLABORG HF. Smiðshöfða 23, Sími 81299 &

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.