Dagblaðið Vísir - DV - 24.08.1985, Blaðsíða 9

Dagblaðið Vísir - DV - 24.08.1985, Blaðsíða 9
DV. LAUGARDAGUR24. ÁGUST1985 45 MESSAÐ í MERKIGILI MYNDIR OG TEXTI: FRIÐRIK INDRIÐASON Sunnudaginn í 16du viku sumars er sérstakur fyrir fólkið í Ábæjarsókn, innarlega í Skagafirði. Sérstakur fyrir þá sök að það er eini helgidagur ársins sem messað er í sókninni en hún er með f ámennustu sóknum landsins þar sem aðeins tveir bæir teljast til hennar, Merkigil og Skatastaðir. sjálfur bærinn, Ábær, lagðist í eyði árið 1941 en þrem árum síðar komst kirkjan undir verndarvæng kjarnakon- unnar Móniku á Merkigili og hef ur hún haldið kirkjunni og þessum sið við síðan. Sá sem tók að sér að messa i Ábæjar- kirkju í ár er séra Baldur Rafn Sigurðsson, prestur í Bólstaðarpresta- kalli, og fékk DV að fljóta með honum og fjölskyldu hans í messuna. Með prestinum í för voru f jórir menn frá Skagaströnd á öðrum bíl, hinni annáluðu dreifbýlisdrossíu Land Rover árgerð 1963. Bílstjóri þess bíls, vörpulegur náungi í blárri vindblússu, stífpressuðum gallabuxum og breik- skóm, meðhöndlaöi raunar jeppann eins og um ítalskan Lamborghini væri að ræða á veginum inn Skagaf jörðinn. Prestsfjölskyldan og DV komu svo á eftir á gamalli Lödu og fylgdu út- blæstri jeppans sem oft á tíðum minnti á reykinn úr meðalstórum loðnu- bræðslustrompi. Veður þennan sunnudag var fremur leiðinlegt, rigning og þoka yfir fjöllunum og spillti það förinni að nokkru þvi útsýni ku vera mjög fagurt á þessum sióðum. Þegar komið var að austari Jökulsárbrúnni var vegurinn orðinn aö litlu öðru en troðningi svo að létta þurfti á Lödunni. Var DV því skipað aftur í dreifbýlisdrossíuna en þar voru fyrir meðal annarra þeir Kristján Hjartarson, bróðir kántrýkóngsins, sem tekið hafði að sér að vera for- söngvari í messunni, og Guðmundur Guðnason, póstur á Skagaströnd, sem var organisti. Á leiðinni inn að Ábæjar- kirkju barst talið í bílnum að mórum og skottum í sveitinni sem nóg var af í gamla daga og þá einkum að þeim draug sem Ábær varð hvað þekktastur fyrir, sjálfri Ábæjarskottu, en meðal afreka hennar var að angra stór- skáldið Bólu-Hjálmar. Sló Kristján botninn í þær umræður með því að segja:,,Já, þær voru oft skæðar þessar kerlingar hér í gamla daga." Vegurinn frá austari Jökulsárbrúnni nær ekki alveg að Ábæjarkirkju og þarf að ganga drjúgan spöl til að komast að staðnum. Þar sá DV eftir að hafa ekki tekið með sér gamla kúa- gúmmíið, því diskóbomsurnar frá Sambandsverksmiðjunum fóru heldur illa í urðinni. Við kirkjuna var fyrir hópur hestamanna í tjöldum, en það voru brúðhjón ásamt gestum sínum. Hafði verið gift í kirkjunni daginn áður en fólkið var nú að taka saman föggur sínar viö ylinn frá brjóstbirtu úr ýmsum ílátum. Messan sjálf hjá séra Baldri var stutt og laggóð eins og vera ber en við hana naut hann aðstoðar Helga Jónssonar meðhjálpara og ráðsmanns á Merkigili. Tókst hún vel þótt kirkju- gestirnir væru ekki fleiri en 16 talsins. Mónika á Merkigili haföi svo boðið öllum kirkjugestum í kaffi að lok- inni messu og þangað hélt hópurinn en um 10 km eru á milli Ábæjar og Merkigils Skagstrendingarnir í dreifbýlis- drossíunni skemmtu sér við að kveða vísur á þessari leið, að gömlum og góöum sið. Þessi er lýsandi dæmi um aðstæður: „Ekki er hér gatan greið en gagnar hún i bili. Það er alveg óraleið útaðMerkigili". Og Kristján skaut þessari fram að bragði: „Þótt við þekkjum ei að sönnu þessarar sveitar króniku. Bíður okkar klárt á könnu kaf f ið hennar Móniku." Á Merkigili Á bænum Merkigili tók Mónika sjálf á móti gestum og er hún vel ern þótt orðin sé 84 ára gömul. Hjá henni kom fram að kirkjan er byggð árið 1921 og vígð árið eftir. Hún sagöi að hún liti á w4JÞn' :*>'.-*' ¦ *-*< 'i/. Séra Baldur ber dóttur sína í fanginu siflasta spölinn afl kirkjunni. Hluti kirkjugesta kom ríðandi — eins og á hverju ári þegar messafl er í hinni gömlu Ábœjarkirkju. kirkjuna sem kjördóttur sína og var sannfærð um að ekki hefðu verið beönar heitari bænir við altari hennar annarsstaðar á landinu. Kaffiborð hennar var veglegt og oft hefur hún haft fjölmenni að loknum þessum messum. Á fimmtíu ára afmæli kirkjunnar 1972 voru þannig hvorki meira né minna en 60 kaffi- gestir á Merkigili. Þar sem hér voru prúðir menn á ferð í þetta sinn var sest inn í stofu hjá Móniku að kaffinu loknu og þökkuðu menn henni góðgjbrðirnar með því að syngja fyrir hana nokkur lög við undir- leik Guðmundar á heimilisorgelið, lög eins og Frjálst er í fjallasal, Blessuð sértu sveitin mín og Hvað er svo glatt, svodæmiséutekin. Mónika vill að kirkjunni verði breytt úr safnaðarkirkju í þjóðkirkju, og hefur hún verið í sambandi við viðkomandi yfirvöld þess efnis, en enn hefur ekkert komið út úr þeirri mála- leitan. Meðan svo er verður þó ugg- laust haldið áfram að messa þar sunnudaginn í 16du viku sumars. -FRI.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.