Dagblaðið Vísir - DV - 24.08.1985, Blaðsíða 9

Dagblaðið Vísir - DV - 24.08.1985, Blaðsíða 9
DV. LAUGARDAGUR24. AGUST1985 45 MESSAÐ I MERKIGILI MYNDIR OG TEXTI: FRIÐRIK INDRIÐASON Guðmundur Guðnason organisti, Heigi Jónsson meðhjálpari og séra Baldur í stólnum. Sunnudaginn í 16du viku sumars er sérstakur fyrir fólkiö í Ábæjarsókn, innarlega í Skagafiröi. Sérstakur fyrir þá sök að það er eini helgidagur ársins sem messaö er í sókninni en hún er með fámennustu sóknum landsins þar sem aðeins tveir bæir teljast til hennar, Merkigil og Skatastaðir. sjálfur bærinn, Ábær, lagðist í eyði árið 1941 en þrem árum síðar komst kirkjan undir verndarvæng kjarnakon- unnar Móniku á Merkigili og hefur hún haldiö kirkjunni og þessum siö við síðan. Sá sem tók aö sér aö messa í Ábæjar- kirkju í ár er séra Baldur Rafn Sigurösson, prestur í Bólstaðarpresta- kalli, og fékk DV aö fljóta með honum og f jölskyldu hans í messuna. Með prestinum í för voru fjórir menn frá Skagaströnd á öðrum bíl, hinni annáluðu dreifbýlisdrossíu Land Rover árgerð 1963. Bílstjóri þess bíls, vörpulegur náungi í blárri vindblússu, stífpressuðum gallabuxum og breik- skóm, meðhöndlaöi raunar jeppann eins og um ítalskan Lamborghini væri að ræða á veginum inn Skagafjörðinn. Prestsfjölskyldan og DV komu svo á eftir á gamalli Lödu og fylgdu út- blæstri jeppans sem oft á tíðum minnti á reykinn úr meðalstórum loðnu- bræðslustrompi. Veður þennan sunnudag var fremur leiðinlegt, rigning og þoka yfir fjöllunum og spillti þaö förinni aö nokkru því útsýni ku vera mjög fagurt á þessum slóðum. Þegar komið var að austari Jökulsárbrúnni var vegurinn orðinn að litlu öðru en troðningi svo aö létta þurfti á Lödunni. Var DV því skipað aftur í dreifbýlisdrossíuna en þar voru fyrir meðal annarra þeir Kristján Hjartarson, bróðir kántrýkóngsins, sem tekiö hafði að sér að vera for- söngvari í messunni, og Guömundur Guðnason, póstur á Skagaströnd, sem var organisti. A leiðinni inn að Ábæjar- kirkju barst talið í bílnum að mórum og skottum í sveitinni sem nóg var af í gamla daga og þá einkum að þeim draug sem Ábær varð hvað þekktastur fyrir, sjálfri Ábæjarskottu, en meðal afreka hennar var að angra stór- skáldið Bólu-Hjálmar. Sló Kristján botninn í þær umræður meö því aö segja: ,,Já, þær voru oftskæðarþessar kerlingar hér í gamla daga. ” Vegurinn frá austari Jökulsárbrúnni nær ekki alveg að Ábæjarkirkju og þarf að ganga drjúgan spöl til að komast að staðnum. Þar sá DV eftir að hafa ekki tekið með sér gamla kúa- gúmmíiö, því diskóbomsurnar frá Sambandsverksmiðjunum fóru heldur illa í urðinni. Viö kirkjuna var fyrir hópur hestamanna í tjöldum, en þaö voru brúöhjón ásamt gestum sínum. Haföi veriö gift í kirkjunni daginn áður en fólkið var nú að taka saman föggur sínar við ylinn frá brjóstbirtu úr ýmsum ílátum. Messan sjálf hjá séra Baldri var stutt og laggóð eins og vera ber en við hana naut hann aðstoðar Helga Jónssonar meðhjálpara og ráðsmanns á Merkigili. Tókst hún vel þótt kirkju- gestirnir væru ekki fleiri en 16 talsins. Mónika á Merkigili hafði svo boðið öllum kirkjugestum í kaffi að lok- inni messu og þangað hélt hópurinn en um 10 km eru á milli Ábæjar og Merkigils Skagstrendingarnir í dreifbýlis- drossíunni skemmtu sér við að kveða vísur á þessari leið, að gömlum og góöum sið. Þessi er lýsandi dæmi um aðstæður: „Ekki er hér gatan greiö en gagnar hún í bili. Það er alveg óraleið útaöMerkigili”. Og Kristján skaut þessari fram að bragði: „Þótt við þekkjum ei að sönnu þessarar sveitar króníku. Bíður okkar klárt á könnu kaffið hennar Móniku.” Á Merkigili Á bænum Merkigili tók Mónika sjálf á móti gestum og er hún vel ern þótt orðin sé 84 ára gömul. Hjá henni kom fram að kirkjan er byggð áriö 1921 og vígð árið eftir. Hún sagði að hún liti á Séra Baldur ber dóttur sina i fanginu síðasta spölinn að kirkjunni. kirkjuna sem kjördóttur sína og var sannfærð um að ekki hefðu verið beðnar heitari bænir viö altari hennar annarsstaðar á landinu. Kaffiborð hennar var veglegt og oft hefur hún haft fjölmenni að loknum þessum messum. Á fimmtíu ára afmæli kirkjunnar 1972 voru þannig hvorki meira né minna en 60 kaffi- gestir á Merkigili. Þar sem hér voru prúðir menn á ferð í þetta sinn var sest inn í stofu hjá Móniku að kaffinu loknu og þökkuðu menn henni góðgjörðirnar með því að syngja fyrir hana nokkur lög við undir- leik Guðmundar á heimilisorgelið, lög eins og Frjálst er í fjallasal, Blessuö sértu sveitin mín og Hvað er svo glatt, svodæmiséu tekin. Mónika vill að kirkjunni verði breytt úr safnaðarkirkju í þjóðkirkju, og hefur hún verið í sambandi við viðkomandi yfirvöld þess efnis, en enn hefur ekkert komið út úr þeirri mála- leitan. Meðan svo er verður þó ugg- laust haldið áfram að messa þar sunnudaginn i 16du viku sumars. -FRI.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.