Dagblaðið Vísir - DV - 30.08.1985, Blaðsíða 9

Dagblaðið Vísir - DV - 30.08.1985, Blaðsíða 9
DV. FÖSTUDAGUR 30. ÁGUST1985. Utlönd Utlönd Nigería: BABANGIDA SKIPAR NÝTT STJÓRNARRÁÐ Mohammaed Buhari hershöföingi sem vikio var frá völdum i byltingu án blóflsúthellinga á þriðjudag. Ibrahim Babangida, nýr leiðtogi her- stjórnarinnar í Nígeríu, skipar í dag formlega nýtt 28 manna stjórnarráö í staö herráðs Buharis hershöfðingja sem settur var frá völdum í hallarbylt- inguáþriðjudag. Hið nýja stjórnarráð fer með æðsta vald í málefnum landsins. I gærkvöldi var ljóst að margir fyrrum fulltrúar í herráði Buharis koma til með að halda stöðu sinni í hinu nýja stjóniarráði. Þá má helsta telja Bali, varnarmálaráð- herra, sem nú er titlaður sem yfir- maður herráðsins og, Alfa yfirmann flughers, Aikhomu, yfirmann sjóhers- ins, og Inyang lögreglustjóra. Allir halda þessir menn stöðum sínum. Líf í Nigeríu er nú óðum að færast í eðlilegt horf eftir valdaránið á þriðju- dag. Flugvellir voru opnaðir í fyrradag og nú hefur útgöngubanni á næturnar veriö aflétt. Síma- og fjarskiptasam- bandi við útlönd hefur einnig verið komið á aftur. Enn er ekki búið aö opna landamærin á landi en sum þeirra hafa verið lokuð í meira en ár. Herstjórnin nýja hefur heitið því að koma að nýju á fullkomnum borgara- legum réttindum íbúanna sem hún seg- ir að hafi verið troðið á í tíð stjórnar Buharis. Fulltrúar stjórnarinnar sýndu í gær blaðamönnum fangelsi i Lagos þar sem sagt var aö stjórnar- andstæðingum hefði veriö haldið við bágbornar aðstæður án dóms og laga. Hin nýja stjórn segist hafa leyst fjöld- ann allan af pólitískum föngum úr haldi eftir byltinguna. Hinn nýi leiðtogi Nígeríu sagði í sjónvarpsávarpi að hann skyldi beita sér fyrir málstað þeirra pólitísku fanga er fangelsaðir voru í tíð Buharis og hefur sagst ætla aö skipa opinbera nefnd til að kanna málavexti hjá fyrrverandi pólitískum föngum. Dagblöö i Nigeriu hafa látiö i ljós ánægju með byltinguna á þriðjudag en undirstrika í forystugreinum í gær og fyrradag að aðalverkefni hinna nýju valdhafa verði sem fyrr að finna lausn á gífurlegum efnahagsörðugleikum landsins." Við erum ekki svo einfaldir að búast við kraftaverki en nýir leið- togar ættu að geta tekist á við efna- hagsvandann af meiri festu en fyrri valdhafar," segir blaðið New Nigerian í f orystugrein í gær. Chelvanayagan f er hvergi Indversk yfirvöld hafa ákveðið að leyfa Chelvanayagan Chandra- hasam, kunnum leiðtoga aðskiln- aðarhreyfingar tamíla á Sri Lanka, að vera áfram á Indlandi. Ákvörð- un indversku stjórnarinnar kom aðeins fimm dögum áður en vísa átti leiðtoganum úr landi. Chandrahasam hefur nú verið leyft að fara til borgarinnar Madras á Suður-Indlandi þar sem fjölmargir tamílar búa er berjast fyrir sjálfstæðu ríki tamíla á Sri Lanka. Eftir að tilkynnt var um ákvörðun stjórnarinnar aö vísa Chandrahasam úr landi brutust út mikil mótmæli á meðal indverskra tamila. Tamílskir skæruliöar hótuðu meöal annars að hindra allar lestarsamgöngur í indverska ríkinu Nadu þar sem tamilar eru í meirihluta. Talið er að stjórnin í Nýju-Deihi hafi ekki viljað hætta á róstur meðal herskárra tamila ef leiðtog- anum yrði vísað úr landi og hafa því leyf t honum að vera um kyrrt. Cranston enn vinsæll Kaliforniubúar eru nú aö komast í kosningaham enda styttist stöðugt í að ríkið kjósi sér tvo fulltrúa í öldunga- deild bandaríska þingsins. Kosning- arnar fara fram á næsta ári og kosningabaráttan er hafin fyrir alvöru. Demókratar haf a verið á undanhaldi í ríkinu á síðustu árum en nú virðast þeir ögn vera að rétta úr kútnum. Alan Cranston öldungadeildarþingmaður er fulltrúi þeirra í Washington og býður sig fram áfram á næsta ári. Cranston var sem kunnugt er einn af 8 frambjóöendum demókrata í for- kosningum flokksins fyrir síðustu for- setakosningar. Þar fór Cranston mjög halloka. Það voru ýmsir er spáðu því að með tapinu i forkosningunum væri ferill hans sem stjórnmálamanns á enda. Ef marka má nýlegar skoðanakann- anir í Kaliforníu að undanförnu virðist sú ekki ætla að verða raunin. Repú- blikönum hefur ekki tekist að sam- einast á bak við neinn ákveðinn frambjóðanda í kosningunum til öldungadeildarinnar og fylgi Cranstons fer vaxandi. Cranston er gamall í hettunni í b.andariskum stjórnmálum og hefur mikið persónu- fylgi. Hann er frjálslyndur mjög, ein- dreginn talsmaður þeirra er frysta vilja framleiðslu kjarnorkuvopna og ötull andstæðingur stjörnustríðs- áætlana Reagansforseta. Umsjón: ÞórirGuðmundsson og Hannes Heimisson IMY VIDEOLEIGA I HLIÐUIMUM STÓRKOSTLEGT ÚRVAL AF GÓÐU EFNI ATHUGIÐ! ALLT í SÖMU FERÐINNI i sama húsnæði er úrvals söluturn svo að þú getur fengið þér meðlætið um leið og þú velur mynd Opið 9—23.30 alla daga HLÍÐAVIDEO Mávahlíð 25. Sími 10733.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.