Dagblaðið Vísir - DV - 21.04.1986, Blaðsíða 4

4
DV. MÁNUDAGUR 21. APRÍL 1986.
Stjórnmál____________Stjórnmál___________Stjórnmál___________Stjórnmál
Mikil aukning nauðungaruppboða:
Áhvflandi lán mun
hærri en söluverð
Frá 12. nóvember 1985 til 14. apríl
á þessu ári, eða á fimm mánuðum,
voru 19 fasteignir seldar á nauðung-
aruppboðum á vegum borgarfógeta-
embættisins í Reykjavík. Af þessum
19 eignum voru 7 íbúðir í verka-
mannabústöðunum. Að sögn yfir-
borgarfógeta, Jóns Skaftasonar, er
þetta mikil aukning frá því í fyrra.
Það sem af er þessu ári hafa þegar
verið seldar 13 eignir á nauðungar-
uppboðum. Til samanburðar voru
aðeins nimlega 20 eignir seldar á
öllu síðasta ári.
Svavar Gestsson, Alþýðubanda-
lagi, skýrði frá þessum staðreyndum
á Alþingi í síðustu viku þegar írum-
varp um nýjar lánareglur Húsnæðis-
stofnunar voru lagðar fram. Hann
sagði að þessar upplýsingar undir-
strikuðu fjárhagsvanda íbúðakaup-
enda og nauðsyn þess að auka lán
til þeirra.
Það er mjög mismunandi hversu
há áhvílandi lán eru vegna þessara
uppboða. í einu tilfelli eru áhvílandi
lán 8,6 milljónir króna en íbúðin
aðeins seld á 3,6 milljónir. Á 11 þess-
ara eigna eru áhvílandi lán alls 53,12
milljónír eða að meðaltali 4,8 millj-
ónir króna. Söluverð þessara íbúða
var 24,73 milljónir sem þýðir að hver
þeirra hefur að meðaltali verið seld
á 2,25 milljónir. Með öðrum orðum
voru áhvílandi lán um 114% hærri
en söluverð þeirra. Það vekur einnig
athygli að þessar 11 eignir eru seldar
að meðaltali um 374 þúsund krónum
undir fasteignamati.
í þeim tilfellum þegar íbúðir í
verkamannabústöðum hafa verið
boðnar upp hefúr stjóm Verka-
mannabústaðanna keypt eignimar.
Söluverð fer eftir ákveðnum út-
reikningum og miðast við hversu
mikið eigandi hefúr greitt af verði
þeirra. Á 4 af þeim 7 verkamanna-
íbúðum, sem fóm undir hamarinn,
vom áhvílandi lán 8,6 milljónir
króna. Söluverð þeirra eða matsverð
var hins vegar aðeins 3,36 milljónir.
Aðeins em gefnar upplýsingar um
kostnað við uppboðin á 7 af þessum
19 eignum. Kostnaðurinn var tæp-
lega 204 þúsund krónur. Þar af vom
innheimtulaun rúmar 57 þúsund
krónur og ríkissjóðsgjöld, eða það
sem fþr í ríkiskassann, 129 þúsund
Bjórinn
gufarupp
á Alþingi
Örlög bjórfrumvarpsins virðast
vera ráðin á þessu þingi. Enn
hefur fmmvarpið ekki verið tekið
til umræðu eftir að það kom úr
nefnd í efri deild. Nú eru aðeins
þrír dagar eftir af þinghaldinu og
því ekki mögulegt að afgreiða
frumvarpið. Einnig virðist vera
takmarkaður áhugi meðal þing-
manna að binda endahnútinn á
þetta erfiða mál.
Flutningsmaður þess, Bjöm
Dagbjartsson, er ekki ánægður
með þessa málsmeðferð frum-
varpsins. Hann telur að hægt
hefði verið að afgreiða málið á
þessu þingi. Nú sé hins vegar
orðinn naumur timi til stefnu.
Þó er ekki óiíkiegt að bjórinn
verði ræddur í efri deild og þing-
menn þar verði að taka afstöðu
til hans.
Frumvarpið gerir ráð fyrir að
bjór verði leyfður hér á landi en
áður en það verður eigi að fara
fram þjóðaratkvæðagreiðsla. Og
í henni verði endanlega tekin af-
staða til þess hvort leyfa eigi bjór
eða ekki.
-APH
Annir á
Alþingi
Þessa dagana em miklar annir
hjá aiþingismönnum. Stefnt er að
þinglokum á miðvikudag.
Undanfáríð hefur mikiíl skriður
komist á þingstörfin og fhunvörp
afgreidd með hraði. Þegar em
nokkur frumvörp orðin að lögum
og enn fleiri munu bætast í hópinn
fram að þinglokum.
-APH
Nú eru aðeins eftir þrír dagar af 108. löggjafarþingi íslendinga. Mikið verður að gera hjá þingmönnunum og líklegt að þeir eigi eftir að rétta upp hönd
oft þessa daga. DV-mynd PK
I dag mælir Dagfari________Idag mælir Dagfari Idag mælir Dagfari
Viikjað á vegum úti
Hún er nokkuð skondin þessi til-
laga Verktakasambandsins um að
sambandið taki að sér að flýta vega-
framkvæmdum i landinu. Raunar er
þetta meira entillaga, þvi verktakar
hafa gert ríkinu tilboð um að slá lán
hjá þjóðinni upp á nokkra milljarða
og ennfremur gerir tilboðið ráð fyrir
þvi að frekari lækkanir á bensínverði
komi ekki til framkvæmda heldur
renni mismunurinn til vegagerðar.
Fjármálaráðherra varð að vonum
nokkuð hvumsa við svo óvenjulegu
boði og lét orð falla á þann veg, að
ríkið þyrfti ekki að fá menn úti i bæ
til að slá lán hjá þjóðinni ef auka
ætti fé til vegagerðar. En það mega
verktakar eiga að þeir fara ekki í
launkofa með að tilgangurinn með
þessu brambolti sé fyrst og fremst
sá að útvega verkefni fyrir tæki og
mannskap og er ekkert við þvi að
segja þótt menn reyni að bjarga eigin
skinni.
Nú munu vera til í landinu þau
ókjör af stórvirkum vinnuvélum að
nægja mimdi til að vinna við tvær
stórvirkjanir árið um kring. Enda
ekki langt síðan að sú stefna var ríkj-
andi að hér skyldi virkjað upp á líf
og dauða upp á hvern dag næstu
áratugi. Mokað var inn í landið
tækjakosti í samræmi við þessa
stefnu og allir undu glaðir við sitt -
um stund.
Tvennt varð síðan til að spilla
virkjanagleði frammámanna. f
fyrsta lagi kom í ljós að láðst hafði
að afla kaupenda að þeirri gifurlegu
orku sem þessar virkjanir áttu að
framleiða. í öðru lagi höfðu ein-
hveijir óprúttnir náungar lagst svo
lágt að setjast niður og reikna út hve
mikið væri búið að virkja miðað við
þörfina í dag og næstu ár. Kom þá í
ljós að við framleiðum nú miklu
meira rafmagn en við getum torgað.
Þegar þessi tíðindi spurðust sló
nokkrum óhug á menn og ákveðið
var að hægja á öllum framkvæmdum
við Blöndu meðan frekara ráða-
brugg færi fram. Urðu þá vörubíl-
stjórar fyrir norðan æfir og bentu á
að þeir væru allir búnir að kaupa sér
nýja og rándýra bíla til að keyra við
Blöndu. Brýna nauðsyn bæri til að
halda áfram að virkja í djöfulmóð
svo þeir gætu haldið bílunum stóru
og dýru. En þeir töluðu fyrir daufúm
eyrum og lepja nú dauðann úr skel.
En það er viðar sem menn gráta
en við Blöndu. Búið er að leggja á
hilluna áætlanir um stækkun Þóris-
vatnsmiðlunar og frekari fram-
kvæmdir við Kvíslaveitu úr sögunni
að sinni. Af gömlum vana getur
Landsvirkjun hins vegar ekki hugs-
að sér að hætta að taka lán erlendis
og ætlar að slá hátt i 600 milljónir á
þessu ári þótt gróði fyrirtækisins
hafi numið hátt í 300 milljónum í
fyrra. Báknið verður auðvitað að
hafa sinn gang þótt verktakar séu
komnir á hausinn. Það má þó alltaf
halda áfram að rannsaka dýrum
dómum.
En víkjum aftur að tilboði verktak-
anna. Ekki er langt síðan Hagvirki
bauðst til að leggja slitlag á veginn
milli Akureyrar og Reykjavíkiu- fyrir
900 milljónir króna. Þetta tilboð kom
aldrei til umræðu meðal ráðherra og
alþingismanna. Ástæðan er ofurein-
föld. Ekki kom til mála að taka út
úr aðalveginn milli Norður- og Suð-
urlands. Þá hefðu kjósendur fyrir
vestan, austan og sunnan orðið óðir.
Allt verður þetta að hlíta vilja kjör-
dæmapotara. Þess vegna var Hag-
virki hundsað. Verktakasambandið
varaðist að detta í slikan hagkvæm-
ispytt og býður þingmönnum að
ráða því alfarið hvar skuli vegagert
í dag og á morgun. Þess vegna megi
taka spotta á Austfjöröum í júní og
svo nyrst á Vestfjörðum í ágúst áður
en komið verði að Norðurlandi í
september. Þetta lævísa bragð kitlar
ýmsa þingmenn sem nú sjá fram á
að geta lofað meiri framkvæmdum
fyrir kosningar á næsta ári en áætlað
var. Enda var samgönguráðherra
ansi svag fyrir þessum tillögum eins
og við mátti búast.
Það er hins vegar greinilegt að fjár-
málaráðherra er raunsær í þessu
máli og hyggst ekki ganga í flokk
FÍB og verktaka. Auðvitað vilja allir
betri vegi, en það þarf að borga fyrir
þær framkvæmdir sem aðrar og litill
vandi að koma fram fyrir þjóðina og
segja: Við skulum láta ykkur hafa
betri vegi ef þið komið með pening-
ana strax.
Dagfari