Dagblaðið Vísir - DV - 21.04.1986, Blaðsíða 31

DV. MÁNUDAGUR 21. APRÍL 1986.
31
Sandkorn Sandkorn
Smjörvi er símjúkur.
Fóni á mis
við jötuninn
Þeir á Hótel KEA eru
sagðir naga sig í handar-
bökin yfir því að hafa farið
á mis við kraftajötuninn
sem braut allt og bramlaði
á Hótel Varðborg nýlega.
Þeir KEA-menn hafa nefni-
lega staðið fyrir rándýrum
breytingum á hóteli sínu í
vetur og háum fjárhæðum
verið eytt í múrbrot.
Bara að jötunninn hefði
sótt Akureyri heim í haust,
heyrist nú sagt á Hótel
KEA.
Skiltin á
Ráðhústorgi
Hvort sem menn trúa því
eða ekki þá eru tólf um-
ferðarskilti við Ráðhús-
torgið á Akureyri. Það er
líka svo að hvergi er rugl-
ingslegra að aka. Verið er
að búa til vandamál, segja
sumir. Það hlýtur að vera
skiltagerð þarna nálægt,
segja aðrir.
3000 pör
af skóm
Skógerðin hjá Samband-
inu á Akureyri gengur með
afbrigðum vel. Act i takt
og allt það...
Nú heyrist að Act-menn
ætli að bjóða konu Markos-
ar, fyrrum forseta á Filipps-
eyjum, skó. Hún er
nefnilega með skóæði og á
3000 pör af skóm. En það
sem verra er, kerlingin er
sögð með ilsig.
Barinn við
lurkinn
Allmargir útlendingar
eru búsettir á Akureyri.
Útlendingur einn sem búið
hefur í bænum í nokkur ár
og talar sæmilega íslensku
sagði nýlega þegar hann
var útkeyrður:
„Þetta er ægilegt, maður
er alveg eins og barinn við
lurkinn.“
Til nánari skýringar mun
hann hafa átt við að hann
væri lurkum laminn.
Þriggja ára
biðröð
Nýlega sagði frá því í
Tímanum að margir
áhugasamir húsbyggjend-
ur og kaupendur húsnæðis
verði að bíða úrræðis hjá
Húsnæðisstofnum og að
biðröðin jafnist ekki fyrr en
eftir 2-3 ár. Það er svo gott
til þess að vita að þeir hafi
húsaskjól á meðan.
Júlli rækja
Rækjutogarinn Júlíus
Havsteen frá Húsavík held-
ur áfram að setja aflamet
en hann hefur sett nokkur
slík það sem af er árinu. I
síðasta túr kom Júlli inn
með 50 tonn af rækju. í við-
tali við Víkurblaðið segist
skipstjórinn á Júliusi enda
„alls ekki vera óánægður
með aflann það sem af er
árinu“. Hógvær skipperinn
á Havsteen.
Júlli rækja fékk 50 tonn.
Smjörvi
Akureyringar eru frægir
fyrir að gefa mönnum við-
urnefni. Sennilega hefur þó
enginn á Akureyri fengið
eins góða nafngift og Akur-
nesingurinn sem fær sér oft
neðan í því. Skagamenn
kalla hann Smjörva. Hann
er nefnilega símjúkur.
Geðþekkt
hótel
Blaðamenn og fyrirmenn
hjá Flugleiðum fóru fyrir
skömmu í ferð til Þýska-
lands til að skoða sumar-
húsaþorpið við Biersdorf.
Lent var í Luxemburg og
þaðan ekið til Bjarts í Sum-
arhúsum. Hópurinn gisti þó
í Luxemburg, nánar tiltek-
ið á hótel Inter-Continen-
tal. Í frásögn blaðamanns
Dags, sem fór í ferðina, seg-
ir að hótelið sé ákaflega
geðþekkt. Segið þið svo að
hús hafi ekki sál.
Flensuborg
Flensa hefur herjað á
Akureyringa að undan-
förnu. Þetta er illskeytt
flensa, um 40 stiga hiti með
verkjum og öllu tilheyr-
andi. Svo hefur verið að
undanförnu að heilu
„vinnustaðirnir" hafa
lagst.
Heyrst hefur að sjö kenn-
ara hafi vantað í Síðuskóla
sl. fimmtudag. Ástandið i
Lundarskóla var einnig
slæmt þennan dag. Í einn
bekkinn mættu níu nem-
endur en þrettán vantaði
og allir auðvitað heima
liggjandi í flensu.
Frímúrarar
í vígslu
Frímúrararnir á Húsavík
vigðu kjallaramusteri sitt
fyrir skömmu. „Frimmar"
frá Akureyri mættu í vígsl-
una. Þeir komu í tveim
rútum og að sögn Víkur-
blaðsins létu þeir líkt og
knattspyrnulið á keppnis-
ferðalagi. Þeir gengu fyrst
um bæinn í hversdagsgall-
anum en skunduðu síðan í
hús eitt og skiptu um
múnderingu. Og við mikinn
fögnuð komu þeir út í bún-
ingnum, kjól og hvítu, og
þrömmuðu í nýja kjallar-
ann
Umsjón: Jón G. Hauksson.
fFrá Grunnskólum
Reykjavíkur
Innritun sex ára barna (þ.e. barna sem fædd eru á
árinu 1980) fer fram í skólum borgarinnar mánudag-
inn 21. og lýkur þriöjudaginn 22. apríl nk. kl. 15-17
báða dagana.
Þaö er mjög áríöandi að foreldrar láti innrita börnin á
þessum tilgreinda tíma eigi þau að stunda forskólanám
næsta vetur.
Skólastjórar.
Heilsubótarskór
— Þýsk gæðavara
LAUGAVEG/ 1- S/M/ 1-6SS4
XECOrabb
SJÚKRASKÓR
Kvikmyndir__________Kvikmyndir
Regnboginn - Innrásin 0
Furðuleg della
Innrásin (Invasion USA).
Bandarisk, árgerð 1985.
Framleiðandi: Cannon Group.
Leikstjóri: Joseph Zito.
Handrit: James Burner.
Kvikmyndun: Joao Fernandes.
Tónlist Jay Chattaway.
Aðalhlutverk: Chuck Norris, Richard Lynch
og Melissa Prophet.
Það eru næstum því engin takmörk
fyrir því sem þeim félögum Golan
og Globus dettur í hug að framleiða
og gæti virst sem svo að þeir félagar
vilji koma einhverjum ákveðnum
skoðunum á framfæri. Myndir þeirra
eru hlaðnar pólitískum skoðunum
og hugmyndum sem eru ekki í nein-
um tengslum við raunveruleikann.
Söguþráður myndarinnar er einn
brandari og enginn maður með fullu
viti getur tekið hann alvarlega. Það
er í sjálfu sér allt í lagi að beita
ímyndunaraflinu við kvikmynda-
gerð en þegar maður fer að efast um
heiðarleika þeirra sem það gera þá
er rétt að stoppa aðeins við og íhuga
hvað er á ferðinni.
Myndin lýsir innrás í Bandaríkin.
Innrásin er gerð af heilli herdeild
hryðjuverkamanna sem á að lama
landið og er hún undir stjóm náunga
að nafni Rostov sem vinnur fyrir
óþekkt stórveldi og grunar trúlega
flesta við hvaða stórveldi er átt.
Hryðjuverkamennimir hefjast þegar
handa við að fremja hin hryllile-
gustu óhæfuverk og er hálfósmekk-
legt að þurfa að horfa upp á þá
murka lífið úr friðsömum borgurum.
Þeim hefði sjálfsagt tekist ætlunar-
verk sitt, sem var að brjóta niður
bandarískt þjóðfélag, ef þeir hefðu
ekki verið svo óheppnir að erta
Chuck Norris. Eftir það eiga þeir sér
ekki viðreisnar von.
Þrátt fyrir fáránlegt handrit þá er
greinilegt að myndin er ekki gerð
af neinum vanefhum. Mikið er lagt
í margvíslegar átakasenur og er ekki
hægt að segja annað en að þær hafi
tekist vel! Heilu íbúðarhverfúnum
er eytt í stuttum senum og bílunum
er ekki hlíft. Það liggur við að fari
um efnishygjumenn hér á klakanum
þegar heilu flotarnir af nýjum spegil-
gljáandi bílum brenna upp í örstutt-
um atriðum - allt gert til að skemmta
skrattanum í okkur.
Aðalathafnamaður (það er varla
hægt að tala um leikara) þessarar
myndar er Chuck Norris. Hann nýt-
ur orðið töluverðra vinsælda fyrir
þátttöku sína í myndum eins og þess-
ari og er í raun að fikra sig upp í
verðflokkum innan kvikmyndaiðn-
aðarins. Er að verða óhætt að nefna
hann í sömu andrá og kappa eins
og Stallone og Schwarzenegger.
Menn sem geta ekki leikið en eru
hins vegar færir um að framkvæma
ákveðna hluti í kvikmyndum - hluti
sem njóta mikilla vinsælda á afþrey-
ingarmarkaðnum.
Sigurður Már Jónsson.
Frábær ★★★ Góð ★★ Miðlungs ★ Léleg 0 Afleit
RÍKISSPÍTALARNIR
lausar stöður
Hjúkrunarfræöingar óskast í föst störf og til sumaraf-
leysinga á bæklunarlækningadeild og á handlækn-
ingadeildir Landspítalans.
Sjúkraliðar óskast á fastar næturvaktir og til sumaraf-
leysinga við handlækningadeildir Landspítalans.
Hjúkrunarfræöingar og sjúkraliðar óskast á lyflækn-
ingadeildir og á taugalækningadeild 11 -E sem verður
opnuð að nýju 1. til 15. maí nk. eftir gagngerar breyt-
ingar.
Möguleikar eru á föstum kvöld- og næturvöktum.
Upplýsingar um ofangreindar stöður veitir hjúkrunar-
forstjóri Landspítalans í síma 29000.
Hjúkrunarfræðslustjóri óskast við geðdeild Landspít-
alans.
Umsóknir er greini menntun og fyrri störf sendist
hjúkrunarforstjóra geðdeildar Landspítalans fyrir 18.
maí nk.
Upplýsingar veitir hjúkrunarforstjóri geðdeildar
Landspítalans í síma 38160.
Sjúkraþjálfari óskast til sumarafleysinga við öldrunar-
lækningadeild Landspítalans.
Upplýsingar veitir yfirsjúkraþjálfari öldrunarlækninga-
deildar í síma 29000.
Starfsfólk óskast til ræstinga við Landspítalann. Full
vinna eða hlutastarf.
Upplýsingar veita ræstingastjórar Landspítalans í síma
29000.
Læknaritari óskast nú þegar við geðdeild Landspítal-
ans. Stúdentspróf eða hliðstæð menntun áskilin ásamt
góðri vélritunar- og íslenskukunnáttu.
Upplýsingar veitir skrifstofustjóri geðdeildar Land-
spítalans í síma 29000-637.
Starfsmaður óskast til frambúðar í fullt starf við fata-
búr Landspítalans 14 A.
Upplýsingar veitir yfirsaumakona í síma 29000-587.
Reykjavík, 21. apríl 1986.