Dagblaðið Vísir - DV - 10.05.1986, Blaðsíða 19
DV. LAUGARDAGUR 10. MAÍ 1986.
19
Norskir jötnar í Norræna húsinu
Deviris kalla þeir sig - Norðmenn-
irnir fimm sem nú sýna í kjallara
Norræna hússins. Listamennimir
eru allir á sama aldri, standa ú fer-
tugu, hafa nokkuð svo sambærilegan
bakgmnn - nám og sýningar - og
eru vinir. Það ætti að duga mönnum
til að rotta sig saman í grúppu.
Þrír úr Deviris komu í eigin per-
sónu til íslands til að vera við opnun
sýningarinnar í Vatnsmýrinni. Helg-
arblaðið hitti tvo þeirra, mynd-
höggvarann Axel Tostrup og
málarann Ulf Valde Jensen.
„Við lentum í því að sýna saman
sumarið 1984 í Moss í Noregi,“ sagði
Jensen okkur. „Þetta var sýning sem
eftir var tekið. Tuttugu og fimm þús-
und manns komu og skoðuðu verk
okkar. Og blöðin auðvitað og sjón-
varpið - og síðan hefur verið meira
en nóg að gera við að sýna. Við ætl-
uðum að sýna í Tammerfors í Finn-
landi um þetta leyti núna, en þegar
boðið kom frá Norræna húsinu, köst-
uðum við því frá okkur í bili og fórum
hingað. Tammerfors næsta ár. Eða
Grænland. Það stendur líka til.“
„Já,“ sagði þá myndhöggvarinn,
Axel Tostrup. „Við höfum verið að
færast í vesturveg upp á síðkastið.
Deviris í vesturveg gæti eins verið
okkar mottó, því við höfum færst æ
vestar á jarðkringlunni síðan sumar-
ið í Moss. Nú stendur nefnilega til
að við sýnum á Grænlandi. Ég held
að það sé í fyrsta sinn sem menn
flytja listsýningu til Grænlands.“
Ulf Valde Jensen virðist mála í
anda „nýja málverksins", sem ein-
hvern tíma var nefnt svo hér á landi.
En kannski er það rangnefni,
kannski er „nýja málverkið" ekki
lengur nýtt. En sýningin er „ný“ -
hún er fersk og sterk - enda verkin
frá allra síðustu árum, sum reyndar
unnin í ár. Tostrup hefur greinilega
tilfinningu fyrir eilífðinni, því hann
vinnur í marmara sem aldrei hverf-
ur, aldrei eyðist, aldrei breytist. Og
því til sannindamerkis hefur hann
valið úr eitt verka sinna á sýning-
unni og fært Norræna húsinu að gjöf.
- Hvernig lýst ykkur á ísland?
„Við fórum þennan nærtækasta
rúnt,“ sagði Jensen. „Þingvellir,
Geysir og Gullfoss. Það var stórfínt.
Alveg stórfint."
- Engin hætta á að þið flytjist hing-
að til að mála landslag eins og svo
margir íslenskir málarar fást við?
„Það er skiljanlegt að landslags-
málverk hafi myndað tradisjónina
hér. En við þekkjum dável til ís-
lenskrar myndlistar. Svavar Guðna-
son er fi-ægur maður. Eins og
Kobra-hópurinn í heild. Og íslensk
myndlist er alþjóðleg. Hún er sterk."
Norsk myndlist er væntanlega líka
„sterk“ - ef marka má sýnishom
Deviris-manna í Norræna húsinu.
-GG
Ulf Valde Jensen og Axel Tostrup við skúlptúr eftir þann síðarnefnda.
75%&80%
Nú býöur Samvinnubankinn tvo
nýja og glæsilega kosti:
★ Verðtryggðan reikning, bundinn
í 18 mánuði. Vextir eru 7,5%
umfram verðbætur.
★ Verðtryggðan reikning, bundinn
í 24 mánuði. Vextir eru 8,0%
umfram verðbætur.
Ávöxtun
sem breytir öllu dæminu.
SAMVINNUBANKI ISLANDS HF.