Dagblaðið Vísir - DV - 21.07.1986, Blaðsíða 32

MÁNUDAGUR 21. JÚLÍ 1986.
, 32
Andlát
v Ingibjörg Guðmundsdóttir lést 11.
júlí sl. Hún fæddist í byrjun þessarar
aldar í Skálholti við Bræðraborgar-
stíg, dóttir hjónanna Sigurveigar
Einarsdóttur og Guðmundar Guð-
mundssonar. Ingibjörg var tvígift.
Fyrri maður hennar var Gísli Péturs-
son Kæmested en hann lést aðeins
35 ára gamall. Þau hjónin eignuðust
þrjú böm og er eitt á lífi. Seinni
maður Ingibjargar var Gottsveinn
Oddsson, hann lést eftir 13 ára hjóna-
band. Þau eignuðust eina dóttur.
Útför Ingibjargar verður gerð frá
Fossvogskirkju í dag kl. 13.30.
Útför Ingimundu Bjarnadóttur frá
Snæfjallaströnd, sem lést 13. júlí sl.,
var gerð frá Fossvogskirkju í morg-
un.
Útför Hreins Bergþórssonar,
Nökkvavogi 1, fer fram frá Lang-
holtskirkju í dag, 21. júlí, kl. 13.30.
Daníel Jónsson, Álfheimum 68, áð-
ur Akurgerði 10, verður jarðsunginn
frá Fossvogskirkju þriðjudaginn 22.
júlí kl. 13.30.
Útför Þórðar Jónssonar, Fossa-
götu 14, Reykjavík, fer fram frá
Fossvogskirkju þriðjudaginn 22. júlí
kl. 15.
Pétur Pétursson, fv. verkstjóri,
Vesturbergi 138, sem lést 14. júlí sl.,
verður jarðsunginn frá Fíladelfíu-
kirkjunni, Hátúni 2, í dag, 21. júlí,
kl. 13.30. Jarðsett verður í Gufunesi.
Tónleikar
Swedenborgarkvartettinn í
Norræna húsinu
Þriðjudaginn 22. júlí kl. 20.30 leikur Swed-
enborgarkvartettinn frá Svíþjóð í Norr-
æna húsinu. Kvartettinn skipa: Lars
Holm, Matts Eriksson, Anders Lindgren
og Hákan Molander. Þeir munu leika verk
eftir Prokofiev, Schubert, Haydn, Bartók
og Beethoven.
TjJkyimingar
Sumarhátíð að Sogni
Hin árlega sumarhátíð Styrktarfélags
Sogns verður haldin að Sogni í Ölfusi
dagana 25.-27. júlí nk. Að venju verður
um að ræða hátíð fjölskyldunnar og munu
margir góðir skemmtikraftar koma. Dans-
að verður bæði á föstudags- og laugardags-
kvöld. Sú nýbreytni verður upp tekin að
dans og dagskrá mun fara fram inni í 400
Jeppinn, sem valt í Svínahrauni í gærkvöldi, er mikiö skemmdur. í baksýn
sést ökumaður bifhjólsins ásamt iögreglumönnum.
DV-mynd S
Bílvelta í Svínahrauni
9- Jeppi valt í Svínahrauni, skammt SelfossiogúrReykjavíkkomástaðinn
ofan við Litlu kaffistofuna, um ellefu- auk sjúkrabíls. Þrennt var í bílnum
leytið í gærkvöldi. og voru þau öll flutt á slysadeild.
Slysið varð með þeim hætti að öku- Meiðsli þeirra eru ekki talin alvarleg.
maður jeppans hugðist fara fram úr Ökumann bifhjólsins sakaði ekki.
öðrum bíl. í sama mund kom bifhjól Jeppinn, sem var af Mitsubishi gerð,
úr gagnstæðri átt. Sveigði ökumaður ‘ er mikið skemmdur. Hann var dreginn
jeppans út í vegarkantinn vinstra af vettvangi með kranabíl.
megin með þeim afleiðingum að jepp-
inn valt eina veltu. Lögreglan á -ÞJV
KENNARAR
Kennara vantar að grunnskóla Hólmavíkur, meðal
kennslugreina almenn kennsla á barnastigi og
tungumál. Frítt húsnæði. Upplýsingar gefur skóla-
nefndarformaður í síma 95-3155 og sveitarstj óri í
síma 95-3193.
Skólanefnd.
Utvaip - sjónvaip______________________________________pv
Hafsteinn Eggertsson tannlæknanemi:
„Góðar myndir í sjón-
varpi
Á sumrin getur oft verið erfitt að
festa sig við fjölmiðla en þessa helgi
reyndist það þó auðveldara en á
horfðist. Eg er farinn að þekkja rás
2 nokkuð vel og tek ég hana yfir-
leitt fram yfir rás 1. Um helgina fór
ég þó að hlusta á rás 1 og fannst það
ágætt. Þar er mikið af fróðlegum og
skemmtilegum erindum og þáttum.
Á laugardaginn var góður j)áttur
sem hét Á söguslóðum í Suður-
Þýskalandi. Ég hef líka gaman af
Svavari Gests og þætti hans Alltaf
á sunnudögum þar sem hann dregur
fram gamalt útvarpsefhi. Fram-
haldsleikritið 1 leit að sökudólgi er
skemmtilegt og á sunnudaginn
heyrði ég líka stórgóðan lestur Ein-
ars Ólafs á Njálssögu.
Mér fannst takast vel til með val
á helgarmyndum í sjónvarpið. Ég
horfði á báðar bíómyndimar á laug-
um helgina
ardagskvöldið og fannst þær báðar
góðar. Sú fyrri með Taylor og Burton
var þó betri og endir hennar var
hjartanlegur þar sem allir ui-ðu
ánægðir í lokin. Á sunnudaginn bil-
aði sjónvarpið mitt en annars hefði
ég horft á Aftur til Edens sem mér
fundust skemmtilegir þættir. Ég hef
gaman af áströlskum myndaflokkum
yfirleitt. Ég held að Ameríkanar
gætu lært margt af Áströlum sem
hafa súnt fram á að svona þættir
þurfa ekki að vera stjömum hlaðnir
til að teljast góð afþreying. Mér
finnst líka að það mætti vera meira
af ítölskimi þáttum í sjónvarpinu.
Þeir ítölsku þættir sem hafa verið
sýndir hafa verið mjög góðir.
Ég er almennt nokkuð ánægður
með dagskrá útvarps og sjónvarps.
Rás 2 er góð afþreyingarrás og mér
finnst ekki þörf á að minnka tónlist-
ina þar. Eini gallinn við hana er að
maður hlustar heldur lítið á rás 1
en þar em oft fróðlegir þættir um
land og lýð.
m skemmu þannig að rok og regn mun
ekki hafa truflandi áhrif á samkomuna.
Sumarleyfi í Borgarbókasafni
Vegna sumarleyfa í Borgarbókasafni eru
þrjú útibú safnsins lokuð fram í ágúst,
Hofsvallasafn frá 1. júlí til H. ágúst, Bú-
staðasafn frá 7. júlí - til 14. ágúst og
Sólheimasafn frá 14. júlí til 18. ágúst. Ferð-
ir bókabílanna falla ennfremur niður frá
1. júlí til 18. ágúst. Lestrarsalurinn að
Þingholtsstræti 27 er lokaður til 1. sept.
Lánþegum er hins vegar bent á að hvorki
aðalsafninu, Þingholtsstr. 29a, né nýja
útibúinu í menningarmiðstöðinni Gerðu-
bergi þarf að loka, heldur er opið þar
mánud.-föstud. frá kl. 9-21 og eru allir
velkomnir á þessa staði.
Hlaupið milli byggðra bóla
Laugardaginn 26. júlí nk. munu ung-
mennafélagar í A-Skaft. standa fyrir
boðhlaupi milli byggðra bóla í Austur-
Skaftafellssýslu. Hlaupið verður frá
Hvalnesi í Lóni að Skaftafelli í Öræfum,
um það bil 200 km, og er áætlað að hlaup-
ið taki nálægt 20 klst. Hlaupið er í fjáröfl-
unarskyni fyrir íþróttastarfsemi í sýslunni
og er fólk hvatt til að heita á hlauparana.
Tapað - Fimdið
Hestur í óskilum
Brúnn hestur tapaðist úr girðingu við
Helgafell í Mosfellssveit. Hesturinn er
frostmerktur og einnig merktur N7. Þeir
sem upplýsingar geta gefið um hestinn
vinsamlegast hringi í síma 82848.
Menning____________________pv
Nútímatónlistin á N’ART
í þeirri viku, sem í hönd fer, verð-
ur mikið um norrænar listadýrðir í
höfuðstaðnum á vegum menningar-
hátíðarinnar N’ART ’86. Þar á meðal
verða tvennir tónleikar með nýrri
tónlist, hinir fyrri í kvöld kl. 21 í
tjaldi hátíðarinnar við Vatnsmýrina
með tónlist eftir Lárus H. Grímsson.
Síðari tónleikamir verða á þriðju-
dagskvöld kl. 21 í Borgarskála við
Sigtún en þar verða flutt verk eftir
finnsku tón-skáldkonuna Kaiju Sa-
ariaho. Bæði hafa þessi tónskáld
fengist mikið við raftónlist eins og
efnisskrár tónleikanna bera með sér.
Lárusar þáttur Grímssonar
Lárus Halldór Grímsson hefur
fengist meira við smíði raftónlistar
en flest önnur íslensk tónskáld. Áður
en hann lagði út á þá braut haföi
hann lengi starfað með popphljóm-
sveitum en popptónlistarferil sinn
hóf hann átta ára gamall sem eins
konar dráttarvéladjúkbox í sveit.
Höföu bændur þá gaman af að láta
snáðann syngja sér dægurlögin eftir
pöntun meðan þeir hristust um teig-
inn. Þetta var áður en hljóðeinangr-
aðar dráttarvélar búnar hljómflutn-
ingstækjum komu til sögunnar en
þegar þær hófu innreið sína í sveitir
landsins var Lárus sestur að í Holl-
andi. Þar stundaði hann nám við
raftónlistarstofnun háskólans í
Utrecht, þar sem ýmsir íslenskir tón-
listarmenn hafa drepið niður feti,
þó enginn þeirra eins lengi og Lárus
sem dvaldi þar í fjögur ár, írá 1980
til 1984.
Elsta verkið á tónleikunum á
mánudaginn er unnið í hljóðveri
þeirrar stofhunar árið 1982. Þetta
verk,... og þá riðu hetjur um héruð,
er flutt af fjögurra rása tónbandi en
það er tileinkað „forfeðrum okkar
allra er höfðu það sér til dægrastytt-
ingar að höggva mann og annan.“
Ekki hefur Lárus alveg sagt skilið
við popptónlistina enn og virðist
hafa forlagatrú forfeðranna í heiðri
ef marka má heiti tónsmíðar frá 1983
sem verður nú flutt hér á landi í
fyrsta sinn og ber heitið Eitt sinn
poppari, ávallt poppari. Þetta verk
er skrifað fyrir píanó, sembal, kass-
agítar og raímagnsgítar auk segul-
bands. Flytjendur eru þau Þóra
Stína Johansen semballeikari og
hollenski gítarleikarinn Wim Ho-
ogewerf en verkið er sérstaklega
samið fyrir þau. Þóra Stína hefrir
verið búsett í Hollandi um fimmtán
ára skeið og hefur á síðari árum ein-
beitt sér að flutningi nútímatónlistar
fyrir sembal. Frá árinu 1980 hefur
hún leikið mikið með Wim Hoogew-
erf og hafa þau fengið mörg tónskáld
til að semja verk fyrir þessa annars
óvenjulegu hljóðferaskipan, sembal
og gítar, sem Lárus hefur víkkað út
með hljóðferum sem krefjast svip-
aðrar tækni.
Þriðji hljóðfæraleikarinn á mánu-
dagstónleikunum er Guðni Franzson
klarinettuleikari sem mun flytja
Slúðurdálkinn. Sá samanstendur af
fjórum kjaftasögum sem hver um sig
gengur frá manni til manns í fjóra
liði. Verkið er skrifað fyrir Guðna
sem írumflutti það á tónleikum sín-
um á Listahátíð í síðasta mánuði.
Nýjasta verk Lárusar, By the skin
of my teeth, verður frumflutt á
mánudaginn. Það er skrifað fyrir
segulband, sembal og sintesæser og
verður flutt af Þóru Stínu. Hér nýtir
Lárus sér nýja tækni sem gerir hon-
um kleift að vinna á elektrónískan
hátt úr náttúruhljóðum og enn-
fremur að nýta sér klassíska tækni
hljóðfæraleikarans til að spila úr
þessum hljóðum á staðnum en slík
„lifandi" notkun rafhljóða hefur til
skamms tíma verið mjög þung í vöf-
um af tæknilegum ástæðum.
Kaija Saariaho
Finnska tónlistarkonan Kaija Sa-
ariaho hefur frá árinu 1980 samið
fjöldann allan af raftónverkum en
hún hlaut tónlistarmenntun sína við
Sibeliusarakademíuna í Helsinki og
síðar hjá Klaus Huber og Brian Fer-
neyhough við tónlistarháskólann í
Freiburg í V-Þýskalandi. Hún hefur
unnið í ýmsum af helstu hljóðverum
V-Evrópu og verk hennar, jafnt raf-
tónlist sem hljóðfæratónlist, verið
flutt víða. Einnig hefur hún fengist
nokkuð við svokölluð „multi-media-
verk“. Síðustu tvö árin hefur Kaija
unnið að rannsóknum varðandi
tölvutónlist við hina þekktu IRC-
AM-stofhun í París.
Á tónleikunum á þriðjudaginn
verða flutt tvö verk Kaiju Saariaho
fyrir segulband: Vers le Blanc og
Jardin Secret I. Auk þess flytur Þóra
Stína verk fyrir sembal og segul-
band: Jardin Secret H. Þess má geta
að hún flutti þetta verk fyrir
skömmu é tónlistarhátfðinni í Midd-
elburg í Hollandi og hlaut það mjög
vinsamlega dóma í dagblöðum þar-
lendra.
Það er mál margra að tónmál nútí-
mans, sem ýmsum reynist sem grjót
í maga, eigi margt að rekja til raftón-
listarinnar og að áhrifa hennar gæti
mjög sterkt í breytingum sem orðið
hafi í tónhugsun síðustu áratuga.
Alla vega hefur notkun raftónlistar
farið vaxandi samfara auknum notk-
unarmöguleikum og sveigjanleika.
Um leið hefur einnig færst í vöxt að
tónskáld noti sér þá möguleika sem
í raftónlist búa umfram hljóðfæra-
tónlist og samræmi hvorutveggja,
fremur en að líta á þetta sem tvö
ólík form tónsköpunar. Gefst nú for-
vitnum eyrum kostur á að heyra
mismunandi útgáfur þessara notk-
unarmöguleika í verkum þeirra
Lárusar og Kaiju og eiga N’ART-
arar lof skilið fyrir framtak sitt til
flutnings þessarar tegundar tónlistar
sem svo sjaldan gefet færi á að heyra
hérlendis.
Guðm. Óli Gunnarsson.