Dagblaðið Vísir - DV - 18.08.1986, Blaðsíða 10

10
MÁNUDAGUR 18. ÁGÚST 1986.
Utlönd
Færeyingurinn hafði það
af til hafmeyjunnar
Fagnað sem hetju í Kaupmannahöfn eftir 1800 kílómetra róður
Haukur L. Hauksson, DV, Kaupmannahofn:
Hin nýja þjóðhetja Færeyinga
OveJoensen var þreyttur en yfir sig
ánægður er hann lagði að landi í
báti sínum, Dana Victoria, við
Löngulínu í Kaupmannahöfh í síð-
ustu viku. Að baki hafði hann lagt
rúmlega 1800 kílómetra, róandi frá
Færeyjum til Danmerkur.
Tók ferðin 41 sólarhring og hafði
Ove Joensen heitið því að stíga ekki
í land fvrr en hann legði að landi
hjá hafmeyjunni í Kaupmannahöfii.
Fékk litla frúin rembingskoss hjá
sjóhetjunni, við mikinn fögnuð nær-
staddra. Um tíu þúsund manns voru
mætt við hafmeyjuna til að taka á
móti Ove. Var og fjöldi Færeyinga á
staðinum, þar á meðal móðir hans
og fjölskylda.
Færeysk þjóðhetja
Var færeyskum fánum veifað og
færeyski þjóðsöngurinn sunginn, við
undirleik lúðrasveitar á nærliggj-
andi snekkju. Voru um hundrað
bátar af öllum stærðum og gerðum
á siglingu umhverfis til að hylla sjó-
hetjuna sem lá við að rataði ekki í
land fyrir bátamergðinni.
Er í land var komið dreif að heilla-
óskaskeyti og fjölmargar gjafir úr
öllum áttum.
Borgarstjóri Kaupmannahafhar,
Egon Weidekamp, flutti ávarp þar
sem hann bauð Ove Joensen vel-
kominn og bauð honum „góða nótt“.
Kaupmannahafnarborg gaf kapp-
anum nefnilega forláta tvíbreitt rúm
svo að hann gæti hvílt lúin bein al-
mennilega eftir afrekið. Ove reyndi
nýja rúmið samstundis á hafiiar-
bakkanum, en náði þó ekki að festa
blund.
Síðan fylgdi hver ræðan af annarri
og loks var Ove ekið í opinni hesta-
kerru framhjá Amalíenborgarhöll,
framhjá Nýhöfii, þar sem hann hvarf
inn á krá til að létta á sér, og loks
að Hótel Admiral, þar sem hann gist-
ir ffítt í eina viku.
Síðan mun Ove fljúga í boði SDSS
skipafélagsins til Færeyja.
Á blaðamannafúndi sagðist Ove
vera hamingjusamasti maður í
heimi. Þó sagðist hann ekki hafa
ástæðu til að vera sérstaklega stolt-
ur.
„Ósköp smár“
„Þegar maður situr í árabát á
miðju Atlantshafi er maður ósköp
smár og því er ég ánægðastur yfir
að hafa náð takmarki mínu.“
Gamall sjógarpur
Ove Joensen fékk hugmyndina að
siglingunni árið 1977 en reyndi fyrst
að sigla til Danmerkur árið 1984. Sú
tilraun mistókst og einnig önnur til-
raun ári síðar, vegna veðurs. í
hvorugt skiptið komst kappinn
lengra en að Shetlandseyjum.
Vegna óhagstæðs veðurs munaði
minnstu að Ove hætti við í þetta
skiptið en lagði þó í hann. Veðrið
seinkaði ferðinni nokkuð, einnig
hinar veglegu móttökur er hann
fékk allstaðar á leiðinni.
Ove er frá eynni Nolsö sem er rétt
utan við Þórshöfn og býr þar aðeins
341 maður. Þaðan komu um fimmtíu
manns til Kaupmannahafhar til að
hylla hetjuna. Hefúr hann alið nær
allan sinn aldur á sjónum, eða ffá
þrettán ára aldri. Er hann þekktur
fyrir alls konar uppátæki á ferðum
sínum. Átti hann títt til að hanga
lengst upp í reiða er hann sigldi með
gömlu skólaskipi í eina tíð og lék
hann þar ýmsar listir.
Blöð í Danmörku kalla hann
gjaman vitlausa Færeyinginn, en
Ove Joensen er ekki vitlausari en
aðrir ævintýramenn. Sumir klífa
tinda, en hans afrek er ekki minna
þó á lárétta veginn sé.
Verkin tala
Ekki hefur verið unnið slíkt afrek
á norðurslóðum frá tímum víking-
anna og þó eru ekki til neinar
heimildir um róður eins manns um
svo stóran hluta Norður-Atlants-
hafsins.
Það sem Winston Churchill á að
hafa sagt þykir einkennandi fyrir
Ove Joensen. „Maður á ekki að
stæra sig af fyrirætlunum sínum,
maður bíður þar til þær hafa verið
framkvæmdar."
Tvíbreiða rúmið frð Kaupmannahafnarborg var óneitanlega mjúkt, en
ekki festi þó sjóhetjan blund.
Svo mikil var örtröð smábáta er fagna vildu færeysku sjóhetjunni síðustu metra siglingarinnar að Ove Joens-
en átti fullt í fangi með að rata lokasprettinn. DV-myndir Haukur Lárus Hauksson
Átján hundruð kflómetra róöri iokið. Færeyski ævintýramaðurinn Ove Joensen loks kominn f höfn og haf-
meyjan föömuð. Þúsundir fögnuöu kappanum við Löngulinu.
Umsjón
Hannes Heimisson