Dagblaðið Vísir - DV - 18.10.1986, Side 7

LAUGARDAGUR 18. OKTÓBER 1986.
7
Fréttir
Finnur Geirsson, hagfræðingur Verslunarráðs, gagniýnir ríkisstjómina:
Tveim milljörðum kastað á
glæ með niðurgreiðslum
ólíklegt að samanlaet köst-_
„Ekki er ólíklegt að samanlagt köst-
um við á glæ með niðurgreiðslum á
verði vöru og þjónustu um það bil 5%
af heildarútgjöldum ríkisins," sagði
Finnur Geirsson, hagfræðingur Versl-
unarráðs, á ráðsteíhu Félags við-
skiptafræðinga og hagfræðinga um
fjárlögin og efhahagslífið.
„I fjárlagafrumvarpinu er gert ráð
fyrir 1.090 milljónum króna í niður-
greiðslur á landbúnaðarvörum, 145
milljónum króna í niðurgreiðslur á
rafmagni og þessu til viðbótar er 720
milljónum króna varið til að greiða
niður útfluttar landbúnaðarvörur.
Samtals eru þessar niðurgreiðslur ná-
lægt tveim milljörðum króna," sagði
Finnur.
„Það má ljóst vera að útflutnings-
bætur eru beinn kostnaður fyrir
þjóðarbúið.
Einhverjir kynnu að segja að öðru
máli gegndi um niðurgreiðslur til inn-
anlandsneyslu; þar væri eingöngu um
tilfærslur að ræða frá skattgreiðend-
um til neytenda, sem nytu góðs af
lægra vöruverði en ella.
Þar að auki, ef við göngum út frá
því að tekjulágt fólk borgi hlutfalls-
lega lága skatta og eyði hlutfallslega
miklu í niðurgreiddar vörur, væri
hægt að halda þvi fram að um „æski-
Iegar“ tekjutilfærslur væri að ræða.
Þeim sem aðhyllast þessa röksemd-
arfærslu sést yfir þá staðreynd að
niðurgreiðslumar hafa neikvæð áhrif
á framleiðsluhættina. Þær gera það
að verkum að framleiðandinn þarf
ekki að gæta fyllstu hagkvæmni; hon-
um er tryggt ákveðið verð fyrir
afúrðimar og hann kemst hjá því að
hlíta því aðhaldi sem markaðsverð-
myndun veitir og framleiðendur í
frjálsri samkeppni þurfa stöðugt að
taka tillit til.
Það er ekki gott að átta sig á því
hvað það óhagræði kostar, sem niður-
greiðslumar valda á framleiðsluhátt-
um. Eina vísbendingu má þó nota að
því er landbúnaðarafurðir snertir: Það
er staðreynd að framleiðendur óniður-
greiddra búvara em fyllilega sam-
keppnisfærir við framleiðendur
niðurgreiddra búvara.
Þetta gefur til kynna að verði niður-
greiðslur afnumdar og verðmyndun
gefin frjáls þyrfti verð ekki að hækka
á hefðbundnum búvörum.
Með öðnun orðum; sjálf upphæð
niðurgreiðslanna kemst ef til vill næst
þvi að gefa til kynna hverju við fóm-
um.
Þegar betur er að gáð má því halda
fram að niðurgreiðslumar komi neyt-
endum alls ekki til góða heldur
einungis framleiðendum. Þær em til-
færsla frá skattgreiðendum til fram-
leiðenda en ekki neytenda," sagði
Finnur Geirsson.
Norðurland eystra:
Halldor er
líklegastur
Jón G. Haukssan, DV, Akureyri;
Halldór Blöndal þingmaður er al-
mennt talinn verða i 1. sæti prófkjörs
Sjálfstæðisflokksins í Norðurlands-
kjördæmi eystra sem fram fer í dag.
Bjöm Dagbjartsson þingmaður er tal-
inn líklegastur til að hreppa 2. sætið.
Átta em í framboði, sex Akureyring-
ar og tveir úr Þingeyjarsýslu. Prófkjö-
rið stendur yfir aðeins í dag. Það hófst
kl. 10 i morgun og verður lokið kl. 20
í kvöld. Nokkrar getgátur hafa verið
um það hver hreppi 3. sætið í prófkjör-
inu. Tvö nöfn heyrast oftast nefnd, þau
Tómas Ingi Olrich og Margrét Krist-
insdóttir. -KMU
VINNUM s
GUÐMUNDUR H. GARÐARSSON
HEFUR REYNSLU OG ÞEKKINGU Á ATVINNU-
LÍFEYRIS- OG LAUNAMÁLUM
Reynsla og þekking úr atvinnulífinu á að vera undirstaða starfa á Alþingi.
Með frumkvæði í lífeyrismálum hefur Guðmundur H. Garðarsson
eflt stöðu aldraðra, lífeyrisþega og öryrkja.
LIFEYRISÞEGAR! LAUNÞEGAR!
Miklu máli skiptir að
lífeyris- og tryggingakerfið
verði endurskoðað.
Það krefst þekkingar!
Starfsreynsla í þágu
launþega hefur mikla þýðingu
við mótun jákvæðrar stefnu
Alþingis í atvinnu- og launamálum.
Þar er reynslan mikilvæg!
Veljum reyndan mann til starfa!
Stuðningsmenn Guðmundar H. Garðarssonar.
SIÁLFSTÆÐISFLOKKURINN - FLOKKUR ALLRÁ STÉTTA