Dagblaðið Vísir - DV - 18.10.1986, Blaðsíða 16

Dagblaðið Vísir - DV - 18.10.1986, Blaðsíða 16
16 LAUGARDAGUR 18. OKTÓBER 1986. Gestur fékk að finna fyrir - Stella í orlofi frumsýnd í dag Jón G. Haukssan, DV, Akureyii „Ég var allur lemstraður eftir rayndina. Það var farið „illa" með mig, ég fékk örugglega verstu útreið- ina, hlutverkið bauð upp á það. Georg, maður Stellu, fær að finna fyrir hlutunum. En það var óhemju- gaman að leika í myndinni. Það er harðduglegur og skemmtilegur hóp- ur sem stendur að henni," segir Gestur Einar Jónasson, 36 ára Akur- eyringur, blaðamaður á Degi og sá sem leikur Georg, eiginmann Stellu, í myndinni Stella í orlofi. Myndin verður frumsýnd klukkan tvö í dag, laugardag, í Austurbæjarbíói. Fjórum sinnum í ískalda ána Örugglega hin fjörugasta mynd, getur maður ímyndað sér. Og svo sannarlega fær Georg (Gestur Einar) að finna fyrir hlutunum. Við upptök- urnar henti hann sér fjórum sinnum ofan í Laxá í Kjós, ískalda, eiginkon- an Stella (Edda Björgvinsdóttir) kveikir óviljandi í honum um mittið, hann handleggsbrotnar á báðum og er í gifsi upp í krika mestalla mynd- ina. „Við upptökurnar var gifsið sett á mig á morgnana. Eftir það gat ég ekki hreyft hendurnar. Eins og gefur að skilja gaf ég frá mér góða bunu á morgnana og hún varð að duga fyrir mestan part dagsins," segir Gestur Einar og hlær. Minningarnar frá upptökunum í sumar leyna sér ekki. Bejt í glasið og helltí „Ég gat ekki borðað sjálfur með gifsið. En ég fann góða aðferð að lokum, ég beit í brauðsneiðarnar sem ég kom fyrir á borðbrúninni. Því næst beit ég í glasið og hellti ofan í mig. Maður kom sér upp alls kyns „trikkum". Annað dugði ekki. Ef mig langaði til dæmis í vindil á milli upptaka notaði ég langan vír sem statíf fyrir vindilinn. Svona eftir á finnst mér þetta bara allt hið ljúf- asta, en ég játa að meðan á upptök- unum stóð var svolítið farið að reyna á þolrifin." Að sögn Gests Einars stóð ekki til samkvæmt handriti að hann lenti ofan í ískaldri ánni. Hann átti að detta af hestbaki og vera afvelta á bakkanum. Tvö börn áttu að koma honum til hjálpar. „Ég komst ekki upp af bakkanum og því kom ég með þá tillögu að láta mig gossa í ána. Eg sagði einfald- lega: eina leiðin er að ég fari í ána. Ég var tekinn á orðinu. En þegar ég þurfti að láta mig vaða í ána fjórum sinnum hugsaði ég alvarlega um það hversu sniðug þessi tillaga mín væri. Þetta var allt í lagi tvisvar, en í þriðja og fjórða sinnið var kuldinn farinn að gera alvarlega vart við sig." Morgunninn hófst meö því að koma gifsinu fyrir. En áður gaf Gestur Einar frá sér góða bunu sem varð að duga fyrir daginn. DV-myndir ýmsir. Brann um „miöjuna" - Nú verður Georg fyrir því að Stella, eiginkona hans, brennir hann um „miðjuna". Tók það sinn tóll? „Ekki svo. Þetta er allt óvart hjá Stellu. Georg dettur í spýtnastafla og á grenitré heima hjá þeim. Hann fær flísar í rassinn, svo ekki verður um villst. Hún fer að sjálfsógðu að hjálpa eiginmanninum og byrjar að plokka. En Stella er ekki alveg nægilega nærgætin, hún er með logandi sígar- ettu í munnvikinu. Þegar hún hellir spritti yfir rasskinnar Georgs kippist hann þetta líka litla við og rekur upp ofsaleg öskur. Hún missir sígarett- una með skelfilegum afleiðingum, það logar í „öllu á miðjunni". Sem betur fer tekst að slökkva í honum. Það er pantaður sjúkrabíll og þegar verið er að bera Georg á sjúkrabörunum dettur hann úr þeim og handleggsbrotnar á báðum. Og svoleiðis var ég út alla myndina, í gifsi á báðum og allur vafinn um mittið. Ég fékk reyndar örlítið brunasár eftir herlegheitin og smá- skrámur eftir gifsið." Hjónin Stella og Georg (Gestur og Edda) i pásu frá upptökum. Ekki annað að sjá en vel fari á með hjón- unum. Gestur Einar lætur sig gossa með tilþrifum í fskalda ána. Þetta gerði hann fjórum sinnum og fékk koníaksflösku frá Umba-konum fyrir. Guörún Þorvaröardóttir vefur Gest um „miðjuna". Ekki veitir af, í myndinni kvelkir Stella óviljandi í Georg, manni sfnum, og auðvitað um mittið.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.