Dagblaðið Vísir - DV - 18.10.1986, Qupperneq 16
16
LAUGARDAGUR 18. OKTÓBER 1986.
Gestur fékk að finna fyrir því
- Stella í orlofi frumsýnd í dag
Ján G. Hauksson, DV, Akureyri:
„Ég var allur lemstraður eftir
myndina. Það var farið „illa“ með
mig, ég fékk örugglega verstu útreið-
ina, hlutverkið bauð upp á það.
Georg, maður Stellu, fær að finna
fyrir hlutunum. En það var óhemju-
gaman að leika í myndinni. Það er
harðduglegur og skemmtilegur hóp-
ur sem stendur að henni,“ segir
Gestur Einar Jónasson, 36 ára Akur-
eyringur, blaðamaður á Degi og sá
sem leikur Georg, eiginmann Stellu,
í myndinni Stella í orlofi. Myndin
verður frumsýnd klukkan tvö í dag,
laugardag, í Austurbæjarbíói.
Fjórum sinnum í ískalda ána
Örugglega hin fjörugasta mynd,
getur maður ímyndað sér. Og svo
sannarlega fær Georg (Gestur Einar)
að finna fyrir hlutunum. Við upptök-
urnar henti hann sér fjórum sinnum
ofan í Laxá í Kjós, ískalda, eiginkon-
an Stella (Edda Björgvinsdóttir)
kveikir óviljandi í honum um mittið,
hann handleggsbrotnar á báðum og
er í gifsi upp í krika mestalla mynd-
ina.
„Við upptökurnar var gifsið sett á
mig á morgnana. Eftir það gat ég
ekki hreyft hendumar. Eins og gefur
að skilja gaf ég frá mér góða bunu á
morgnana og hún varð að duga fyrir
mestan part dagsins,“ segir Gestur
Einar og hlær. Minningamar frá
upptökunum í sumar leyna sér ekki.
Beit í glasið og hellti
„Ég gat ekki borðað sjálfúr með
gifsið. En ég fann góða aðferð að
lokum, ég beit í brauðsneiðarnar sem
ég kom fyrir á borðbrúninni. Því
næst beit ég í glasið og hellti ofan í
mig. Maður kom sér upp alls kyns
„trikkum“. Annað dugði ekki.
Ef mig langaði til dæmis í vindil á
milli upptaka notaði ég langan vír
sem statíf fyrir vindilinn. Svona eftir
á finnst mér þetta bara allt hið ljúf-
asta, en ég játa að meðan á upptök-
unum stóð var svolítið farið að reyna
á þolrifin."
Að sögn Gests Einars stóð ekki til
samkvæmt handriti að hann lenti
ofan í ískaldri ánni. Hann átti að
detta af hestbaki og vera afvelta á
bakkanum. Tvö böm áttu að koma
honum til hjálpar.
„Ég komst ekki upp af bakkanum
og því kom ég með þá tillögu að láta
mig gossa í ána. Eg sagði einfald-
lega: eina leiðin er að ég fari í ána.
Ég var tekinn á orðinu. En þegar ég
þurfti að láta mig vaða í ána fjórum
sinnum hugsaði ég alvarlega um það
hversu sniðug þessi tillaga mín væri.
Þetta var allt í lagi tvisvar, en í
þriðja og fjórða sinnið var kuldinn
farinn að gera alvarlega vart við
sig.“
Hjónin Stella og Georg (Gestur og
Edda) í pásu frá upptökum. Ekki
annað að sjá en vel fari á með hjón-
unum.
Gestur Einar lætur sig gossa með tilþrifum í ískaida ána. Þetta gerði hann
fjórum sinnum og fékk koníaksflösku frá Umba-konum fyrir.
Guðrún Þorvarðardóttir vefur Gest um „miðjuna". Ekki veitir af, í myndinni
kveikir Stella óviljandi í Georg, manni sinum, og auðvitað um mittið.
Morgunninn hófst með því að koma gifsinu fyrir. En áður gaf Gestur Einar frá sér góða bunu sem varð að duga fyrir daginn.
DV-myndir ýmsir.
Brann um „miðjuna“
- Nú verður Georg fyrir því að
Stella, eiginkona hans, brennir hann
um „miðjuna“. Tók það sinn toll?
„Ekki svo. Þetta er allt óvart hjá
Stellu. Georg dettur í spýtnastafla
og á grenitré heima hjá þeim. Hann
fær flísar í rassinn, svo ekki verður
um villst. Hún fer að sjálfsögðu að
hjálpa eiginmanninum og byrjar að
plokka.
En Stella er ekki alveg nægilega
nærgætin, hún er með logandi sígar-
ettu f munnvikinu. Þegar hún hellir
spritti yfir rasskinnar Georgs kippist
hann þetta líka litla við og rekur upp
ofsaleg öskur. Hún missir sígarett-
una með skelfilegum afleiðingum,
það logar í „öllu á miðjunni".
Sem betur fer tekst að slökkva í
honum. Það er pantaður sjúkrabíll
og þegar verið er að bera Georg á
sjúkrabörunum dettur hann úr þeim
og handleggsbrotnar á báðum. Og
svoleiðis var ég út alla myndina, í
gifsi á báðum og allur vafinn um
mittið. Ég fékk reyndar örlítið
brunasár eftir herlegheitin og smá-
skrámur eftir gifsið.“
Allt á útopnu viö upptökur.
Laddi á víst rosalega takta i myndinni. Hann leikur eitt aöalhlutverkið. Hér
er hann á góöri stundu með Stellu (Eddu Björgvinsdóttur).