Dagblaðið Vísir - DV - 08.12.1986, Blaðsíða 61
MÁNUDAGUR 8. DESEMBER 1986.
61
Sviðsljós
Bjartmar Guðlaugsson söng um „kallakók" og „kótilettukarla" við góð-
ar undirtektir íslendinganna.
r'
Islendingar
fagna í Osló
íslendingar í Osló fluttu fyrsta
desember fram um tvo daga og
héldu upp á daginn laugardaginn
29. nóvember. Það var íslenska
stúdentafélagið í Osló sem sá um
hátíðahöldin. Dagurinn hófst með
morgunverði í stúdentabænum
Kringsjá og um kvöldið var dans-
leikur í Dýralæknaskólanum.
Klukkan níu á laugardagsmorg-
uninn var allmikill íjöldi íslend-
inga á ýmsum aldri mættur í
morgunmatinn í Kringsjá. Þar var
langborð hlaðið íslensku góðgæti.
Þar voru flatkökur með hangi-
kjöti, kaffi, skyr, og íslenskt
brennivín. Þó að Agli Skallagríms-
syni hafi ekki reynst brennivínið
og skyrið vel á sínum tíma þá var
ekki annað að sjá en hvort tveggja
færi vel í mannskapinn í Kringsjá.
Bjartmar Guðlaugsson söng
nokkur lög við góðar undirtektir
og Össur Skarphéðinsson hélt
ræðu. Morgunmaturinn var sam-
koma fyrir unga sem aldna en um
kvöldið var dansleikur fyrir full-
orðna.
Ekki var mjög fjölmennt á ball-
inu í Dýralæknaskólanum. Og þeir
sem komu mættu seint eins og oft
vill verða þegar íslendingar fara á
ball. En að sjálfsögðu var góð-
mennt og ballið stóð langt ffam
eftir nóttu.
Heiður Eysteinsdóttir fær sér skyr og rjóma. Skyrið er eitt af þvi sem
íslendingar sakna mest. Og þó að hægt sé að velja um fjölmargar
norskar mjólkurafurðir þá er ekkert sem getur komið i staðinn fyrir skyrið.
Leitin að hinu Ijúfa fjölskyldulífi
hafin hjá „sjarmörnum“ Rob
Lowe
Rob hefur nú jafnað sig eftir að Stephanie yfirgaf hann nú fyrir
stuttu. Nýverið sást hann með fallega ljósku upp á arminn fyrir
utan eitt veitingahúsa Los Angeles. Sú heppna heitir Tanya
Timander og er þekkt tískusýningarstúlka.
Kvennagullið Rob Lowe hefur alltaf komist í gegnum lífið eins
og fiskur í vatni. Hann hefur lifað hinu ljúfa lífi í sól, kynlífi og
strandlífi og látið fallegu bláu augun, vöðvastæltan lfkamann og
heillandi útlitið hjálpa sér til að leggja Hollywood að fótum sér.
Leikstjórinn Francis Ford Coppola varð fyrstur til að uppgötva
hann þegar hann bauð honum hlutverk í myndinni Utangarðs-
drengirnir. Eftir það hófst sigurganga hans, hver myndin á fætur
annarri kom sem naut vinsælda, Hotel New Hampshier, Saint
Elmos Fire o.s.frv.
Á árum áður var hann mjög villtur og mikill kvennaflagari en
þeir sem til hans þekkja segja að í dag þrái hinn eftirsótti Rob
Lowe hið ljúfa fjölskyldulíf.
■íslensk bókamenning
er verðmæti-
Skuggar feöranna í þýöingu Guðmundar
Daníelssonar og Jerzy Wielunski er eftir
frægasta skáld Úkraínu, Mykhailo M. Kot-
sjúbinski (1864-1913) og mun vera fyrsta rit-
verk hans sem þýtt er á íslensku. Sögusvið er
bændabyggð í Suðvestur-Úkraínu í Karpat-
afjöllunum. Þetta er ástar- og bændal ífssaga.
Rannsóknarferðir þær er hér segir frá tókst
Stefán Stefánsson skólameistari á hendur
1888-1896 þegar hann ferðaðist víða um
héruð og óbyggðir til að kanna grasafræði
íslands. Dró hann saman með þeim rann-
sóknum föng að hinu merka riti sínu Flóru
íslands sem opnaði almenningi innsýn í
leyndardóm eins þáttar íslenskrar náttúru.
Leyndarmál Laxdælu er önnur bókin í flokkn-
um íslensk ritskýring sem dr. Hermann Páls-
son prófessor í Edinborg hóf þegar Uppruni
Njálu og hugmyndir kom út 1984. Fjallar
Hermann í hinni nýju bók sinni um athygl-
isverða staði í Laxdælu sem er eitt ágætasta
og frægasta listaverk íslendingasagna.