Dagblaðið Vísir - DV - 12.05.1987, Blaðsíða 5
ÞRIÐJUDAGUR 12. MAf 1987.
5
Fréttír
Kringla núna. Verið er að ganga frá tveggja hæða bilastæðum vestan við húsið. Á myndinni sjást tveir inngangar með burstalagi. Þegar gengið er inn um innganginn til vinstri eru
Hagkaupsverslanirnar þar vinstra megin við, alveg út í endann með turninum, næst Miklubraut. Hægra megin eru göngugöturnar alveg út í suðurenda. DV-mynd Brynjar Gauti
Hagkaupshúsið Kringla - 70 fyrirtæki og 1.300 bílastæði:
Nýr yfirbyggður mið-
bær opnaður 13. ágúst
Það verður uppi fótur og fit í nýj-
um miðbæ Reykjavíkur 13. ágúst í
sumar. Raunar er þessi nýi miðbær
lifnaður við nú þegar og þar hefur
meðal annars verið unnið að risa-
byggingu á vegum Hagkaups sem
hlaut nafnið Kringla eftir sam-
keppni. Gólfflöturinn er 28.000
fermetrar. Og það er einmitt 13.
ágúst sem Kringla verður opnuð.
Þá hefst þar starfræksla á vegum 70
fyrirtækja, auk Hagkaups, kringum
göngugötur á tveim hæðum. Bíla-
stæði við Kringlu verða 1.300 talsins
og stór hluti þeirra einnig á tveim
hæðum.
Hagkaup
Allur norðurendi Kringlu, á versl-
unarhæðunum, verður nýttur af
Hagkaupi. Á neðri hæðinni verður
gríðarstór matvöruverslun og á efri
hæðinni verður enn stærri markaðs-
verslun með allt annað en matvæli.
Yfir þessum Hagkaupsverslunum er
ennþá óráðstafað þriðju hæðinni
sem einkum er hugsuð fyrir þjón-
ustufyrirtæki.
Þrátt fyrir þessar miklu verslanir
Hagkaups í Kringlu ætlar fyrirtækið
að byggja yfir sig annað stórhýsi á
næstu misserum, líklega í Kópavogi.
Það verður jafnvel 15-20.000 fer-
metrar. í því verður vörulager og
Hagkaupsverslun, svo og stór versl-
un dótturfyrirtækisins IKEA.
70 aðilar
Allur hinn hluti Kringlu er tvær
hæðir. Þar verða um 70 fyrirtæki,
flest alls konar verslanir. Þar verður
meðal annars fyrsta sjálfsafgreiðslu-
verslun Áfengis- og tóbaksverslunar
ríkisins, á svæðinu verður pósthús,
banki, apótek, ferðaskrifstofur,
skyndibitastaður, kaffihús og veit-
ingahús svo nokkuð sé nefnt. Flest
þessara fyrirtækja hafa starfað ann-
ars staðar og munu reka útibú í
Kringlu. En nokkur eru ný af nál-
inni.
Þessi fyrirtæki verða í básum
kring um göngugötumar í Kringlu
sem ná ffá verslunum Hagkaups að
norðan og suður úr húsinu. Þær
tengjast með rúllustigum og göt
verða í miðri efri götunni þannig að
sést á milli hæða og verslana upp
og niður. Þama verður mikill gróð-
ur, þar á meðal heljarstór suðræn
tré sem ná frá neðri hæð og upp í
hvolf. Götumar em breiðari en
Laugavegurinn og þar verður hægt
að sýna meðal annars nýjustu bílana
ef áhugi reynist á þvi.
Flest fyrirtækin verða opin á sama
tíma dagsins. Veitingastaðir verða
þó opnir lengur. Þeir em í suðurend-
anum. Fyrir utan Hagkaup verður
BYKO með stærstu verslunina í
Kringlu en þar næst kemur verslun
ÁTVR.
1,4 milljarðar
Samkvæmt upplýsingum Ragnars
Atla Guðmundssonar, ff amkvæmda-
stjóra Hagkaups á staðnum, og
Magnúsar Bjamasonar byggingar-
stjóra er áætlað að Kringla kosti um
1,4 milljarða króna með bílastæðum
og öllum ffágangi lóðar. Þá er ótal-
inn kostnaður við innréttingar
einstakra verslana.
Og það er víst að þama verður nýr
miðbær og mannmergð innan tíðar.
Menn em að minnsta kosti viðbúnir
því að leika þetta hlutverk í Krínglu.
Meðal annars verður rekin þar öflug
öryggisvarsla, eins konar einkalög-
gæsla, sem á að txyggja mannlífinu
í þessum yfirbyggða miðbæ ffiðsam-
lega daga. Jafnframt er gert ráð fyrir
því að fyrirtækin í Kringlu og aðrir
nýti sér góða veðrið á göngugötun-
um og haldi uppi kynningum og
uppákomum. Það ætti því að verða
nóg að skoða og sjá í nýja mið-
bænum.
-HERB
Þarna sést hvar komið er inn þar sem matvöruverslun Hagkaups er vinstra megin og gongu-
göturnar byrja hægra megin. Þar sést rúllustigi, yfirbreiddur, upp á efri göngugötuna.
DV-mynd KAE
Fyrir utan skyndibitastað og katfihus i suðurenda Kringlu verður þar Hard Rock veitmgahus.
Einkenni staðarins verður amerisk glæsikerra frá bernskuárum rokksins. Barborðið er hins
vegar i smiðum og eins og sjá má er það eftirliking af gitar. Rekstur veitingastaðanna hefst
áður en Kringla opnar, að minnsta kosti i einhverjum mæli. DV-mynd KAE