Dagblaðið Vísir - DV - 25.05.1987, Blaðsíða 9
MÁNUDAGUR 25. MAÍ 1987.
27
dv_______________________________________________íþróttir
„Hér taka flestir strákar
lýsi eins og Hemmi Gunn“
-segir Magnús Pétursson dómari sem er að komast í Heimsmetabók Guinness
„Mér líst bara vel á knattspyrnuna
í sumar - ég á von á spennandi keppni
í 1. deild. Ef þú spyrð um sigurstrang-
legustu liðin þar þá fmnst mér vera
mesti glamorinn yfir Valsmönnum
núna. Þeir spila tvímælalaust knatt-
spyrnu sem er árangursrík í okkar
fótbolta." Sá sem mælir þessi orð er
enginn annar en Magnús Pétursson,
knattspyrnudómari og verslunarmað-
ur. Það ætti reyndar ekki að þurfa að
kynna Magnús fyrir neinum, svo sam-
gróinn sem hann hefur verið knatt-
spymunni hér á landi síðustu 35 árin.
Magnús dæmdi um daginn leik í
Reykjavíkurmótinu og telja fróðir
menn að þá hafi hann brotið blað í
knattspymusögunni og sett met sem
eigi tvímælalaust erindi í Heimsmeta-
bók Guinness. Magnús hefur nefnilega
dæmt núna í meistaraflokki í 31 ár og
er það með ólíkindum.
„Annars vil ég ekki einblina á Vals-
menn. Þó að Fram hafi vissulega orðið
fyrir mikilli blóðtöku þegar liðið varð
að sjá á bak Guðmundunum tveim er
liðið til alls líklegt. Þá er alltaf ein-
hver sigurblær yfir Akumesingum.
Þar virðist alltaf vera til nóg af ungum
og efnilegum knattspyrnumönnum.
Akurnesingar vita hvað þarf til að
sigra í knattspyrnumótum. Þessi lið
ásamt KR eru líklegust til að vinna
mótið. Þá finnst mér merkilegt að
Víðismenn skuli eiga lið í 1. deild í
ekki stærra sveitarfélagi. Kópavogs-
búar ættu að eiga nokkui- lið í deild-
inni til að standa þeim á sporði."
Eins og áður sagði þá hefur Magnús
lifað og hrærst í knattspyrnunni í ára-
tugi. Hverja skyldi hann telja
skemmtilegustu knattspyrnumennina
í dag?
„Úff, þetta er erííð spurning. Ef ég
á að nefha til einhverja sérstaka leik-
menn þá myndi ég nefna Þróttarann
Pétur Arnþórsson sem nú leikur með
Fram en hann er geysilega skemmti-
legur leikmaðm' og ef hann nær sér á
strik á hann tvímælalaust eftir að láta
að sér kveða í sumar. Þá er Halldór
Áskelsson mjög skemmtilegur og er
hugsanlegur kandídat sem marka-
kóngur. Hann þarf þó að hafa meiri
trú á sjálfum sér. Þá eru Sævar Jóns-
son og Þorgrímur Þráinsson góðir
liðsmenn. Einnig vil ég nefna til Guð-
jón Guðmundsson, fyrirliða Víðis-
manna, en hann er frábær fyrir liðið.
nokkurs konar Nobbv Stiles. Björn
Raínsson hjá KR er einnig leikmaður
sem kemur upp í hugann en auðvitað
eru lið eins og Fram og Valur full af
sterkiun leikmönnum sem eru vel þess
virði að horfa á. Af markvörðum vil
ég sérstaklega riema til Þorsteinn vin
minn Bjarnason, það er alltaf gaman
að fylgjast með honum í leik. Þá er
Friðrik Friðriksson í Fram einnig
mjög góður.“
Við næstu spurningu blaðamanns
glotti Magnús og hallaði sér dreyminn
á svip aftur f stólnunr.
„Já, þú spyrð urn ógleymanlega leik-
menn sem ég hafi séð. Ég verð þá að
segja þér að Ríkharður Jónsson á
Akranesi lfður mér ekki úr minni. Ég
bæði dæmdi leiki hjá honum og æfði
undir hans stjórn hjá Fram. Mér er
til efs að annar leikmaður hafi unnið
eins stórkostleg afrek hér heima á ís-
landi eins og Ríkharður. Að sjá hann
skora íjögur mörk í landsleik gegn
Svíþjóð var ótrúlegt. Úr því að þú vilt
að ég sé að bera leikmenn saman þá
er allt í lagi að komi fram að mér
fannst Guðmundur Torfason að mörgu
leyti ekki ólíkur Ríkharði. Það var þó
eitthvað sem Ríkharður hafði sem
Guðmund skortir. Það er erfitt að lýsa
því það er eins og það sé eitthvað í
undirmeðvitundinni sem gerði Rík-
harð svona góðan.
Nú, ég þarf varla að minnast á Al-
bert Guðmundsson, hann gerði stór-
kostlega hluti sem atvinnumaður. Þá
var alltaf mjög gaman að fylgjast með
Berg heitnum Bergssyni í KR og einn-
ig var Ellert B. Schram mjög góður
knattspymumaður. Á seinni árum
hafa þeir Arnór og Ásgeir staðið sig
vel en þeir hafa unnið sín helstu afrek
erlendis. Það var þó ljóst þegar á yngri
árum þegar þeir léku hér á landi að
þar vom óvenjulegir knattspyrnu-
menn á ferð. Einnig vil ég nefna til
Pál Ólafsson sem valdi handboltann
fram yfir knattspymuna. Hann hefði
getað orðið stórgóður sóknarmaður.
Annars er árangur knattspymu-
manna hér á landi stórkostlegur. Ég
hef komið til milljónaþjóða sem eiga
ekkert betri stráka en við. Hér taka
líka flestir lýsi eins og Hemmi Gunn! “
„Svörlu sauðirnir eiga eftir að
upplitast“
Magnús hefur mikið unnið að dóm-
aramálum og starfað í mörgum
neffidum á vegum dómara auk þess
að hafa dæmt flestum mönnum leng-
ur. Hvernig skyldi honum finnast
ástand dómaramála hér á landi núna?
„Dómgæsla hefur batnað mikið á
undanfömum árum - um það er engum
blöðum að fletta. Við erum með marga
góða dómara en auðvitað eru svartir
sauðir innan um. Þeir upplitast hins
vegar og verða flestir ágætir dómarar
með tímanum. Mér finnst leikmenn
vera farnir að skammast minna út í
dómara og er það vel. Ég er til dæmis
mjög ánægður með ummæli manna
eins og Ian Ross, þjálfara Valsmanna.
sem hefur sagt að hann hafi ekki séð
lélega dómara á íslandi. Hann kvaðst
hafa séð misgóða dómara en það sama
ætti við um leikmenn. Svona ummæli
lýsa heilbrigðu viðhorfi til dómara en
ég tel að þjálfarar geti og eigi að hafa
áhrif á framkomu leikmanna við dóm-
ara.
Þá tel ég að leikmenn eigi að ganga
eins langt og dómarinn levfir svo fram-
arlega sem þeir leiki ávallt af full-
komnum heiðarleika. Leikmenn eiga
að gefa allt sem þeir eiga í leikinn -
leika af lífi og sál án þess þó að glevma
að þetta er leikur."
„Fékk þó ekki salt i augað eins
og Grétar Norðfjörð"
Hefiu aldrei verið ráðist að þér í
sambandi við dómarastarf þitt?
..Ég get nefnt þér eina sögu í því
sambandi sem er mér minnisstæð
vegna þess að ég og viðkomandi aðili
urðum miklir vinir eftir umrætt atvik.
Ég varð nefnilega fyrir því einu sinni
að ungur leikmaður í Val hafði gripið
til þess ráðs að beria mig í bakið með
spýtu en eftir á tel ég mig heppinn að
hafa ekki orðið fyrir því sama og Grét-
ar vinur minn Norðfjörð að fá ?p.lt í
augun. Nú. nokkru eftir þev '.vik
er bankað upp á hjá mér oa er þá
mættur fyrir utan dymar hjá mér fað-
ir piltsins með hann með sér. Leist
mér fyrst í stað ekkert á blikuna því
þetta var enginn annar en Kjartan
Guðmundsson verslunarmaður sem
var frægur boxari og var hann þarna
mættur með Vilhjálm. son sinn. sem
var sökudólgurinn í þessu máli. Ég
vissi ekki alveg á hveiju ég ætti von
og vonaði bara að Kjartan vissi að
Guðmundur Arason. margfaldur ís-
landsmeistai’i í boxi. væri fi-ændi minn.
Það gæti kannski haldið hontmi frá
því að leggja í mig. En þá kom í ljós
að Kjartan var kominn í þvi augnam-
iði að biðja mig afsökunar og láta son
sinn gera slíkt hið sama. Mér er þetta
kær minning því við Vilhiálmur urð-
um míklir vinir upp frá því og hafði
ég mikla gleði af því að fylgjast með
frama hans á knattspyrnuvellinum.
Og aldrei sá ég neitt misjafnt til hans
á vellinum - þvert á móti var hann
annarra fyrirmynd þar."
Magnús hefur dæmt knattspyrnu-
leiki í 16 löndum ..og er það rninn
háskóli". Magnús kvaðst ekki vera
langskólagenginn maðiu- og hefði
hann í raun stungið í stúf við flesta
æskufélaga sína. Magnús sagðist vera
ættaður úr Fljótshlíðinni og úr Amar-
firði en hins yegar væri hann algert
borgarbarn. ..Ég er alinn upp i Skerja-
firðinum á rauðmaga og grásleppu og
ég fór ekki einu sinni í Vatnaskóg."
sagði Magnús sem er mikill áhuga-
rnaðm- um ættfræði. Hann var ekki
lengi að rekja garnirnar úr blaða-
manni varðandi þau málefni og kvaðst
hann oft hafa kynnst ættmennum sín-
um á þann hátt.
„Ég þoli ekki nísku." sagði Magnús
um leið og hann leysti blaðamann út
með íþróttavörum frá sér. Að segja nei
við þenna heiðursmann var aðeins
fjarlægur möguleiki og blaðamaður
varð að gjöra svo vel að kyngja öllum
siðalögmálum sínum og heita Magn-
úsi því í staðinn að fara nú að hlaupa.
Saga Magnúsar Péturssonar er óum-
ræðilega stór hluti af íslenskri knatt-
spyrnusögu og eins og kom fram í
upphafi þá hefur Magnús nú þegar
skráð nafn sitt á fleiri stöðurn. Hann
er að mestu búinn að leggja flautuna
á hilluna núna en hann er þó vís til
að hlaupa í skarðið sem hingað til
þegar vantar dómara og því má allt
eins eiga von á því á komandi simirum
að siá hann halda aftiu- af skaphörðum
leikmönnum á sinn ákveðna en liúfa
hátt.
-SMJ