Dagblaðið Vísir - DV - 10.03.1988, Blaðsíða 39
FIMMTUDAGUR 10. MARS 1988.
39
Lifsstm
Grænmetis- og pasta-
salat með tilbrigðum
Það er seint hægt að verða leiður
á pasta og það eru til ótal aðferðir
við að matreiða það. Til dæmis er
mjög gott að búa til úr því salat.
Aöalatriðið er að blanda salatsós-
unni saman við pastað á meðan það
er heitt.
Sjóðið það magn sem á að nota,
látið renna vel af því og hellið sal-
atsósunni yfir. Blandið henni vel
saman við og látiö síðan pastað
kólna. Salatsósan vamar því að
pastað loði of mikið saman þegar
það er oröið kalt. Hér koma svo
uppskriftir aö tveim salatsósum,
sem báðar eru góðar og geymast
vel, þannig að það er auðvelt að búa
til af þeim nokkuð stóran skammt
og geyma.
Hvítlauksolía
4 hvitlauksbátar, saxaöir
'A bolli matarolía
Látið hvítlaukinn og matarolíuna
í glerkrukku með þéttu loki og lát-
ið standa í minnst 3-4 daga áöur
en farið er aö nota hana. Það er
auðvelt að geyma olíuna í nokkra
mánuði í ísskáp, svo það er alveg
sjálfsagt að búa til nokkra
skammta af þessari uppskrift í
einu.
Japönsk salatsósa
% bolli sesamolía
1 msk. tamari sojasósa
1/8 - % tsk. cayennepipar
'A bolli söxuð steinselja
2 tsk. sítrónusafi
Blandið öllu í glerkrukku með
þéttu loki og hristið rösklega. Þessi
Svanfríður
Hagvaag
skrifar
salatsósa geymist í nokkrar vikur
í ísskáp.
Þegar komið er að þvi að bera
salatið fram er grænmetinu, sem á
að nota, blandað saman við. Það
má vera næstum hvað sem er, allt
eftir því hvað til er á hveijum tima.
Þaö er til dæmis gott að skera
brokkál í smábita, gulrætur í þunn-
ar sneiðar eða teninga, líka skornar
strengbaunir eða ertur, hvaða
þurrkaöar baunir sem er (soönar),
smátt saxaða papriku og saxaðan
lauk. Það er betra aö sjóða papriku
og lauk í ögn af smjöri áður. Tóm-
ata, gúrkur og salatgrænmeti þarf
ekki aö sjóöa. Það er líka gott að
saxa dálítið af ristuðum möndlum
eða hnetum og strá yfir, einnig er
mjög gott að nota rifinn ost eða
ostateninga. Að síðustu er svo
kryddað með nýmöluðum pipar og
kryddjurtum eftir smekk.
Eins og sjá má af þessari upptaln-
ingu er hægt að nota næstum hvaö
sem er í salatið og það er aldrei
alveg eins.
Innfluttar og íslenskar kökur:
í síðustu viku gátum við um þann
verðmun sem væri á islenskum og
erlendum kökum. Til að vera ögn
nákvæmari tókum við eina gerð,
marmaraköku, og gerum verði bet-
ur skil hér. Ekki er farið út í að
meta bragðgæðin, því sitt sýnist
hverjum í þeim málum.
Erlendu kökurnar eru flestar
þýskar og danskar og pakkaðar í
loftskiptar umbúðir. Loftskiptar
umbúðir þýðir aö koldíoxíð er sett
í pakkana til að koma í veg fyrir
myglu. Við keyptum kökurnar í
tveimur verslunum í Reykjávík en
ekki er gerður verðsamanburður
milli verslana heldur tegunda.
Athugaðar voru marmarakökur
frá fimm framleiðendum, þar af
þremur íslenskum.
Umbúðir
Umbúðirnar voru æði misjafnar,
allt frá venjulegri plastfilmu til lit-
prentaðs álpappírs. Þýsku kökurn-
ar voru í litprentuðu umbúðunum
en þær íslensku í glærum. Önnur
þýska tegundin, merkt Dahli, var
með límmiða þar s'em allar inni-
haldslýsingar, nafn framleiðanda
og innflutningsaðila og þyngd var
á íslensku og er það til fyrirmynd-
ar.
Á hinni var ekki aö finna neinar
upplýsingar á íslensku heldur á 6
erlendum tungumálum sem engin
ástæða er til að ætla að íslendingar
upp til hópa skilji. Tvær afislensku
kökunum höfðu límmiða með inni-
haldslýsingu en á aðeins annarri
var gefin upp þyngd. Ein kakan var
með engar upplýsingar, hvorki um
innihald né þyngd. Að vísu var hún
keypt í útibúi frá bakaríi í stór-
verslun í Reykjavik.
Verðið var eftirfarandi:
500 g = 204 kr. eða 100 g = 40,80
kr. (Sveinn bakari)
400 g = 179 kr. eða 100 g = 44,75
kr. (Grensásbakarí)
400 g = 124 kr. eöa 100 g = 31,00
kr. (Lady Cake,' þýsk)
400 g = 99 kr. eða 100 g = 24,75 kr.
(Dahli, þýsk)
300 g = 161 kr. eða 100 g = 53,65
kr. (Meistarakökur)
-JJ
Úrval
Tímarit fyrir alla
HENTAR ÖLLUM ALLS STAÐAR - Á FERÐALAGINU JAFNT SEM HEIMA
MEÐAL EFNIS:
Skop 2 • Drengurinn sem gat ekki talað 3 • Fóstureyðingum fækkar • ef konur hætta að taka pillu-
hlé 9 • Handriðið á stiganum 19 • Kína: Holskefla af reiðhjólum 22 • Husun í orðum 28 • Gríski
harmleikurinn 30 • Fimm leyndarmál um lofnaryndi • (sem konur vildu að • karlar vissu) 37 •
Vísindi fyrir almenning: • Darwin gegn Biblíunni fyrir hæstarétti 43 • Hótelið logar 49 • Þáttur af
Stuttu-Siggu 74 • Síðasti möguleiki Vladimirs 83 • Draumar sem rættust 89 • Völundarhús 96 •