Dagblaðið Vísir - DV - 17.03.1988, Blaðsíða 4

4
FIMMTUDAGUR 17. MARS 1988.
Fréttir
Fjármálaráðherra og
kennarar í fjölmiðlastríði
- þar ásökuðu menn hvorir aðra um að fara með rangt mál varðandi kiöfur og tilboð
Jón Baldvin Hannibalsson fjár-
málaráðherra boðaði fréttamenn á
sinn fund í gær og var tilefnið „óná-
kvæmur fréttaflutningur að undan-
fómu af gangi samningaviðræðna
fjármálaráðuneytisins við samtök
kennara.“ Með Jóni á fundinum voru
Sigurður Helgason, fulltrúi í dóms-
málaráðuneytinu, og Indriði H.
Þorláksson, skrifstofustjóri fjár-
málaráðuneytisins.
Þama vom líka mættir fulltrúar
frá Kennarasambandinu og boðuðu
þeir fréttamenn á fund strax að lokn-
um fundi fjármálaráðherra til að
leiðrétta rangfærslur hans á kröfum
kennara, eins og það var orðað.
Hjá Jóni Baldvini kom fram að
kennurum hafi veriö boðin sama
hækkun milli áranna 1987 og 1988 og
fólst í kjarasamningum aðila vinnu-
markaðarins á dögunum sem 44
verkalýðsfélög hafa fellt. Þá birti
fjármálaráðuneytið töflu yfir út-
borguð laun opinberra starfsmanna
í desember síðastliðnum. Tekið er
fram, varðandi yfirvinnu, að þar sé
um áætlaða tölu að ræða og sé þar
reiknað með að kennarar hafi unnið
jafnmikla aukavinnu og 1986.
Þá skýrði Jón Baldvin frá því að
kröfur kennara næmu 65% hækkun
ef allt væri taliö með sem þeir fara
fram á. Hann var inntur eftir því
hvers vegna hann teldi að kennarar
myndu samþykkja launahækkunar-
tölu, sem 44 af 54 verkalýösfélögum
landsins hefðu fellt fyrir skömmu.
Jón sagði að laun kennara væru
svo miklu betri en laun verkafólks
að þar væri ekki hægt að gera sam-
anburð. Hann taldi því tilboð fjár-
málaráðuneytisins fullkomlega
viðunandi fyrir kennara.
Svanhildur Kaaber, formaður
Kennarasambandsins, sagöi á frétta-
mannafundi að upplýsingar fjár-
málaráðuneytisins um launakjör
kennara væru villandi. Hún sagði að
inni í launatölum desembermánað-
ar, sem birtar hefðu verið, væru öll
laun sem greidd væru í grunnskól-
unum. Laun skólastjóra og sérkenn-
ara sem væru miklu hærri en laun
almennra kennara. Þá sagði Svan-
hildur að tilboð ríkisins gerði ekki
ráð fyrir neinni upphafshækkun, en
6% hækkun á launalið samningsins
siöar á árinu. Þar sem gert er ráð
fyrir 15% verðbólgu, án þess að
launaliðurinn væri endurskoðaður,
væri þvi í raun um kaupmáttarrýrn-
un að ræða.
Hún sagði að kennurum væri mik-
ið í mun að samningar tækjust án
átaka en að þaö væri alfarið undir
fjármálaráðuneytinu komið hvort
svo yrði. -
-S.dór
Sáttasemjari fór til Vestmannaeyja i gær þar sem samninganefndir vinnu-
veitenda og verkafólks hittust. Allsherjarverkfall hefur verið boðað i Eyjum
i næstu viku. Myndin var tekin er samningamenn stigu úr úr flugvél á flug-
vellínum í Vestmannaeyjum í gær. DV-mynd Ómar
4 kaupfélög í eina sæng?
í tölu Guðjóns B. Ólafssonar á
fundi með framsóknarmönnum á
Gauki á Stöng í fyrradag kom fram
að viðræður standa yfir milli fjög-
urra kaupfélaga á Suðurlandi um
hugsanlega sameiningu. Hér er um
Kaupfélag Ámesinga, Rangæinga,
Vestmannaeyja og Vestur-Skaftfell-
inga að ræða. Guðjón sagðist vera
bjartsýnn á að þessar viðræöur ski-
luðu árangri en þær munu vera
komnar tiltölulega skammt á veg.
Staða allra þessara kaupfélaga er
slæm eins og flestallra kaupfélaga á
landinu.
-gse
Amar Sigurmundsson, formaður Samtaka fiskvinnslustöðva:
Bónus- og yfitvinnubann
mun segja strax til sín
- óttast að samningalotan verði bæði löng og ströng
„Það er enginn vafi á því að yfir-
vinnu- og bónusbann, sem boðað
hefur verið víða, mun hafa umtals-
verð áhrif um leið og þau koma til
framkvæmda. Framleiðslan mun
dragast verulega saman og svona
bönn koma að sjálfsögðu harðast
niður á vertíðarsvæðunum. Og það
þarf auðvitað ekki að segja neinum
Islendingi hvað verkfall í Vest-
mannaeyjum á miðri vetrarvertíð
þýðir, bæði fyrir fyrirtækin, fólkið
og ekki síst bæjarfélagið eftir að
staðgreiðsla skatta hefur verið tek-
in upp. Frysting loðnu og loðnu-
hrogna er fyrir bí í Eyjum en hún
hefur verulega fjárhagslega þýð-
ingu fyrir alla þar,“ sagði Arnar
Sigurmundsson, formaöur Samtala
fiskvinnslustöðva, í samtali við DV.
Arnar sagði að eins og úthtið
væri nú ætti hann von á löngum
og ströngum samningafundum.
Það eitt að dreifa samningafundun-
um á 4 staði á landinu mundi tefia
samningaviðræðurnar verulega.
Hann sagðist ekki eiga von á því
að fleiri verkalýðsfélög boðuðu
verkfall fyrir páska því ef svo yröi
myndi fólk tapa launum 3 helgi-
daga um páska og slíkt yrði ekki
vinsælt.
í ljósi umræðna að undanfórnu
um að færa hluta fiskvinnslunnar
til Bretlands af hagkvæmniástæð-
um var Arnar spurður hvers vegna
fiskvinnsla í Bretlandi, sem kaupir
hráefnið á 60 til 100 krónur kílóið,
bæri sig, en sú íslenska, sem greið-
ir 40 til 45 krónur fyrir kílóið, ekki.
„Það eru niargar ástæður fyrir
þessu. Ein af þeim er að laun og
launatengd gjöld eru mun lægri í
Englandi en hér á íslandi. Hér hafa
launahækkanir verið mun meiri
en þar og fastgengisstefnan á ís-
landi hefur líka haft sitt að segja.
Þá er allur tilkostnaður við fisk-
vinnsluhús í Bretlandi í algeru
lágmarki. Allt hefur þetta sitt að
segja,“ sagði Arnar Sigurmunds-
son.
-S.dór
Nú reiðast goðin
Eins og alþjóð er vel kunnugt um
hefur Eyjólfur Konráö Jónsson,
alþingismaður með meiru, háð
landvinningastríð við Breta um
klettinn Rockall. Þessi klettur er
upp undir Bretlandsströndum og
hefur varla sést á landakortinu
þangað til Eykon fann hann hér
um árið þegar hann hafði ekki ann-
að að gera en stúdera landakort á
langdregnum hafréttarráðstefn-
um. Eyjólfur fann það út að klettur-
inn tilheyrði hafsbotnssvæðinu
sem ísland stendur á og af mikilli
rökvísi og sannri ættjarðarást hélt
hann því fram að svæðið allt og
kletturinn með væri undir lögsögu
íslenskra stjórnvalda. íslensk eign.
Lengj vel tóku menn þetta land-
helgisstríð Eyjólfs ekki mjög
alvarlega, ekki frekar en tekið var
mark á Jóni Dúasyni sem eyddi
ævi sinni í að halda því fram aö
Grænland tilheyrði íslandi. Sumir
hafa samt haft gaman af þessu heil-
aga stríöi þingmannsins enda
verða íslendingar að eiga í ein-
hverium útistöðum viö aðrar þjóðir
síðan þeir unnu þorskastríðin. Mál
hafa líka þróast á þann veg að með
þrautseigju og þolinmæði hefur
Eyjólfi tekist að fá Breta til að tala
viö sig nokkrum sinnum og halda
með sér huggulega fundi þar sem
hann hefur getað tíundað land-
fræöilegar og hafréttarlegar rök-
semdir sínar fyrir því að ísland
næði upp að Bretlandsströndum.
Eyjólfi hefur meira að segja tekist
að fá bæði Færeyinga og Dani til
að lýsa samstöðu með þessum mál-
staö sínum enda er landrými lítið
í Danaveldi og sjálfsagt að vera með
í landvdnningastefnu eins og þess-
ari og lemja dálítið á Bretunum.
Nú hefur það gerst nýjast í þess-
ari heimsveldisbaráttu 'Eyjólfs
Konráðs að hann dró tvo aðrá þing-
menn með sér til Bretlands til
fundar um tilkall til Rockall og þar
uppgötvaðist að BP væri farið að
bora eftir olíu á svæðinu umhverfis
klettinn. Eyjólfur varð auðvitað
æfur út af þessari frekju í BP og
Bretunum og spurði hvað það ætti
að þýða að menn væru að bora á
svæði sem tilheyrði íslendingum,
eða að minnsta kosti honum sjálf-
um, og hann heimtaði landakort
og útskýringar. En þá var Bretun-
um nóg boðið og nenntu þessu
kjaftæði ekki lengur. Þeir neituðu
Eyjólfi um upplýsingarnar og slitu
fundinum. Mun þetta vera mesta
mógðun sem íslendingum erlendis
hefur verið sýnd síöan Skúli Thor
fékk ekki boðskortin meðan hann
beið þeirra í Rúðuborg í heila viku.
Spurning er hvort Eyjólfur Konr-
áð, sem einnig er formaður utan-
ríkisnefndar, slítur ekki stjórn-
málasambandi vdð Bretaveldi eftir
þennan dónaskap og lýsir stríði á
hendur Bretum fyrir að slá eign
sinni á hafsvæði sem Eyjólfur sjálf-
ur hefur gert tilkall til.
Þegar Bretamir voru búnir að
skella hurðum á nefið á Eykon og
neita honum um landakort til að
skoða og allt var komið í óefni,
bættist honum óvæntur liðsauki.
Óli K. Sigurðsson, eigandi Olís og
aðalumboðsmaður BP, tók upp
þráöinn og samkvæmt fimmdálka
forsíðufrétt í Alþýðublaðinu í gær
hefur ÓIi mótmælt olíubomnum
Bretanna og krefst opinberra skýr-
inga.
Það er nú aldeilis munur fyrir
Eykon að fá slíkan bandamann
enda er Óli. enginn smákarl og
maður á von á því aö Bretastjórn
og Bretadrottning sitji nú í angist
sinni og örvilnan eftir þessi óvæntu
og hörðu mótmæli Óla í Olís, Óli
hnykkir á mótmælum sínum með
því að minna á að „við höfum áður
farið í stríð vdð Breta og unnið
þau“.
Já, þeir eru karlar í krapinu,
Eykon og Óli, og nú mega Bretanir
fara að vara sig. Ef Bretar halda
að þeir geti slegið eign sinni á hafið
meðfram sinni eigin strandlengju
án þess að spyija um leyfi hjá Olís
og Eyjólfi Konráð, þá em þeir ekki
vel upplýstir um það hvar völdin
liggja, enda er Óli búinn að senda
telexskeyti til BP á Bretlandi sem
er ekkert smámál. Þeir félagarnir
munu ekki samþyklya það þegj-
andi að Atlantshafið sé undanskiliö
frá lögsögu íslands, né heldur að
það sé sjálfgefið að klettarnir und-
an ströndum Bretlands séu utan
íslenskrar lögsögu. Eyjólfur er ekki
búinn að segja sitt síðasta orð og
Óli er ekki búinn að senda sitt síð-
asta telexskeyti. Svo mikið er víst.
Dagfari